ﻫﺰﻳﺖ ﻳﺪﻱ ﻋﺪﻳﺘﻬﺎ ﻋﺎﻟﺮﻭﺑﺔ ... ﻟﻲ ﺣﻄﻴﺘﻬﺎ ﻋﺎﻟﺴﺮﻳﺮ ... ﻟﻴﻠﺔ ﻛﺎﻣﻠﺔ ﻭ ﺍﻧﺎ ﻧﻐﺰﺭﻟﻬﺎ ... ﺗﺒﺴﻤﺖ ﻋﻠﻰ ﺟﻨﺐ ﻭ ﺍﻧﺎ ﻧﻌﺪﻱ ﻓﻲ ﻳﺪﻱ ﻋﻠﻰ ﺣﺠﺎﺭﻫﺎ ... ﺍﻛﺜﺮ ﺭﻭﺑﺔ ﺣﺒﻴﺘﻬﺎ ﻣﻦ ﺍﻭﻝ ﻣﺮﺓ ﺭﻳﺘﻬﺎ ... ﻓﻲ ﺑﺎﻟﻲ ﺷﻨﻔﺮﺡ ﺑﻨﻬﺎﺭ ﻫﺬﺍﻛﺎ ... ﺍﻣﺎ ﻫﻮ ﺧﻼ ﺍﻟﺮﻭﺏ ﻫﺎﺫﻱ ﺗﻮﻟﻲ ﻛﺤﻠﺔ ﻓﻲ ﻋﻴﻨﻲ ... ﻫﻮ ﺷﻴﻌﺎﻭﺩ ﻧﻬﺎﺭ ﻫﺬﺍ ﻣﺮﺓ ﺍﺧﺮﻯ ﻭ ﻳﻔﺮﺡ ﺑﻴﻪ ... ﺷﻴﻌﺎﻭﺩ ﺣﻴﺎﺗﻮ ﻭ ﻳﻨﺴﻰ ﻟﻲ ﻋﻤﻠﻮ ﻓﻴﺎ ﺟﻤﻠﺔ ... ﺍﻣﺎ ﻣﺴﺘﺤﻴﻞ ... ﻣﺶ ﺍﻟﻤﺮﺓ ﻫﺎﺫﻱ ... ﻣﺴﺘﺤﻴﻞ ﻧﺴﻤﺤﻠﻮ ﻳﻔﺮﺡ ﺑﻨﻬﺎﺭ ﻫﺬﺍ ... ﻭ ﺷﻴﻌﻴﺶ ﻭﺟﻴﻌﺘﻮ ﺩﻭﺑﻞ ﻋﻠﻰ ﻟﻲ ﻋﺸﺘﻬﺎ ... ﻫﺰﻳﺖ ﺭﻭﺣﻲ ﺷﻮﻳﺔ ... ﻗﻤﺖ ﻣﻦ ﺍﻟﻔﺮﺵ ... ﻏﺰﺭﺕ ﻟﺮﻭﺑﺔ ﺍﺧﺮ ﻣﺮﺓ ... ﻭ ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﻧﺤﻴﺖ ﺩﺑﺸﻲ ﺑﺎﻟﻘﻄﻌﺔ ... ﻭﺩﺧﻠﺖ ﻟﻠﺒﺎﻧﻮ ... ﻏﻄﺴﺖ ﻓﻲ ﺍﻟﻤﺎ ... ﻭ ﺗﻜﻴﺖ ﺭﺍﺳﻲ ﻟﺘﺎﻟﻲ ... ﺍﻟﻤﺎ ﻳﺎﺳﺮ ﺳﺨﻮﻥ ... ﻧﺤﺲ ﻓﻴﻪ ﺍﻟﻠﻲ ﻗﺎﻋﺪ ﻳﻄﻬﺮ ﻓﻴﺎ ﻣﻦ ﻛﻞ ﻳﺪ ﺗﺤﻄﺖ ﻓﻴﺎ ... ﺗﻌﺪﺍﺕ ﺳﺎﻋﺔ ﻭ ﺯﻭﺯ ﻭ ﺛﻼﺛﺔ ... ﻟﻴﻦ ﺣﺴﻴﺖ ﺭﻭﺣﻲ ﺗﻔﺮﻫﺪﺕ ﺑﺎﻟﻘﺪﺍ ... ﺍﺳﺘﻨﺪﺕ ﺑﻴﺪﻳﺎ ﺯﻭﺯ ﻋﻠﻰ ﺣﺮﻑ ﺍﻟﺒﺎﻧﻮ ﻭﻭﻗﻔﺖ ... ﺣﻄﻴﺖ ﻣﻨﺸﻔﺔ ﻋﻠﻰ ﺑﺪﻧﻲ ... ﺣﺮﻗﻨﻲ ﻣﺶ ﻧﻮﺭﻣﺎﻝ ... ﺍﻣﺎ ﺍﺳﺘﺤﻠﻴﺘﻬﺎ ﺍﻟﻮﺟﻴﻌﺔ ﻓﻲ ﺭﻭﺣﻲ ... ﻋﺎﻻﻗﻞ ﻫﻜﺎ ﺣﺴﻴﺖ ﺭﻭﺣﻲ ﻣﺮﺗﺎﺣﺔ ﺍﻛﺜﺮ ... ﺣﻠﻴﺖ ﺍﻟﻘﺎﺭﺩ ﺭﻭﺏ ... ﻋﺪﻳﺖ ﻳﺪﻱ ﻋﻠﻰ ﺩﺑﺸﻲ ﺑﺎﻟﻘﻄﻌﺔ ... ﻫﺰﻳﺖ ﺭﻭﺑﺔ ﺑﻴﻀﺔ ﺳﺎﻣﺒﻞ ﻋﺎﻟﻠﺨﺮ ﻟﺒﺴﺘﻬﺎ ﻣﻦ ﻓﻮﻕ ... ﺷﻴﺤﺖ ﺷﻌﺮﻱ ... ﻭ ﻫﺰﻳﺖ ﺗﻠﻴﻔﻮﻧﻲ ﻛﻠﻤﺘﻮ ... ﻣﺮﺓ ﻭ ﺯﻭﺯ ﻟﻴﻦ ﻫﺰ ﻋﻠﻴﺎ ... ﻳﺤﻜﻲ ﺯﻳﺎﺩ : ﺳﻮﺍﺍﺭ ﺗﺒﺴﻤﺖ ﻛﻴﻒ ﺳﻤﻌﺖ ﺍﺳﻤﻲ ﻣﻦ ﻓﻤﻮ ... ﺗﻨﻬﺪﺕ ﺑﺎﻟﻘﺎﻭﻱ ﻧﺤﻜﻲ ﺍﻧﺎ : ﺑﺎﺵ ﺗﻌﺮﺱ ﺑﻴﻬﺎ ﺍﻟﻴﻮﻡ ﺍﻧﺖ ﻣﺶ ﻫﻜﺎ ﺯﻳﺎﺩ : ﺷﻨﻮﻭﺓ ﻓﺎﺵ ﺗﺤﻜﻲ ﺍﻧﺖ ﺍﻧﺎ : ﻣﺘﺨﺎﻓﺶ ﻣﺎﻧﻴﺶ ﺑﺎﺵ ﻧﻌﻤﻞ ﺷﻲ ﻳﻮﻗﻔﻚ ... ﺍﻣﺎ ﻧﺤﺐ ﻧﺮﺍﻙ ... ﻻﺧﺮ ﻣﺮﺓ ﺯﻳﺎﺩ : ﺳﻮﺍﺍﺍﺭ ﻫﺒﻠﺖ ﻳﺎﺧﻲ ... ﺷﻨﻴﺔ ﻟﻲ ﺗﺤﻜﻲ ﻓﻴﻪ ﺍﻧﺎ : ﺍﻧﺖ ﻧﺴﻴﺖ ﻋﻨﺪﻱ ﺣﺎﺟﺔ ﻣﻬﻤﺔ ﺑﺮﺷﺎ ... ﻻﺯﻡ ﺗﺎﺧﻮﻫﺎ ... ﻣﻄﻮﻟﺶ ﺧﺎﻃﺮ ﻣﺎﻧﻴﺶ ﺑﺎﺵ ﻧﺴﺘﻨﺎﻙ ﺑﺮﺷﺎ ﺟﺎ ﺑﺎﺵ ﻳﺤﻜﻲ ﻗﺼﻴﺖ ﻋﻠﻴﻪ ... ﻛﻴﻒ ﻧﺰﻟﺖ ﻳﺪﻱ ﻭ ﻋﻠﻘﺖ ... ﺭﺧﻔﺖ ﺻﻮﺍﺑﻌﻲ ﺷﻮﻳﺔ ﺷﻮﻳﺔ ... ﻃﺎﺡ ﺗﻠﻴﻔﻮﻥ ﻋﺎﻟﺴﺮﻳﺮ ... ﺣﺴﻴﺖ ﺑﺪﻭﺧﺔ ﻗﻮﻳﺔ ﺭﻭﻫﺠﺘﻨﻲ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﻭﺭﺟﻌﺖ ﺣﻠﻴﺘﻬﻢ ﻧﻮﺍﺯﻥ ﻓﻲ ﺭﻭﺣﻲ .. ﻗﺮﺑﺖ ﻣﻦ ﺍﻟﻜﻮﺍﻓﻮﺯ ... ﺟﺒﺪﺕ ﺍﻟﻜﺮﺳﻲ ﻭﻗﻌﺪﺕ ﻧﻐﺰﺭ ﻟﺮﻭﺣﻲ ... ﻫﺰﻳﺖ ﻳﺪﻱ ... ﻋﺪﻳﺘﻬﺎ ﻋﻠﻰ ﻭﺟﻬﻲ ... ﻭ ﻧﺰﻟﺖ ﺑﻴﻬﺎ ﻟﺸﺮﻛﺔ ﻣﺘﺎﻉ ﺍﻣﻲ ... ﻛﺒﺴﺖ ﻋﻠﻴﻬﺎ ... ﻧﺎﺧﻮ ﻃﺮﻑ ﺍﻟﻘﻮﺓ ﻟﻲ ﺑﻘﺎﺗﻠﻲ ﻣﻨﻬﺎ ... ﺧﺬﻳﺖ ﻧﻔﺲ ... ﻭ ﺣﻠﻴﺖ ﺍﻟﻘﺠﺮ ﺷﻮﻳﺔ ﺷﻮﻳﺔ ... ﺟﺒﺪﺕ ﺍﻟﻤﺬﻛﺮﺓ ﻣﺘﺎﻋﻲ ... ﻭ ﺍﻟﺸﺮﻛﺔ ﻣﺘﺎﻉ ﺯﻳﺎﺩ ... ﻛﺒﺴﺖ ﻋﻠﻴﻬﺎ ﻓﻲ ﻳﺪﻱ ... ﻭ ﺣﻠﻴﺖ ﺍﻟﻤﺬﻛﺮﺓ ... ﻛﺘﺒﺖ ﻛﻠﺸﻲ ﻣﺮﻳﺖ ﻓﻴﻪ ﻓﻲ ﺍﺧﺮ ﻓﺘﺮﺓ ... ﻭ ﻛﻠﺸﻲ ﻧﺤﺲ ﻓﻴﻪ ... ﻓﺮﺩ ﻭﻗﺖ ﺗﻠﻴﻔﻮﻧﻲ ﺑﺎﻗﻲ ﻳﻨﻮﻗﺰ ... ﻣﺤﺒﺶ ﻳﺤﺒﺲ ... ﺳﻜﺮﺕ ﺍﻟﻤﺬﻛﺮﺓ ... ﺣﻄﻴﺘﻪﺍ ﻋﻠﻰ ﺟﻨﺐ ... ﻭ ﺣﻄﻴﺖ ﻓﻮﻗﻬﺎ ﺍﻟﺸﺮﻛﺔ ... ﻧﺰﻟﺖ ﻳﺪﻱ ﺷﻮﻳﺔ ﺷﻮﻳﺔ ... ﺣﻄﻴﺘﻬﺎ ﻋﺎﻟﻔﺮﺩ ... ﻟﻲ ﻣﺤﻄﻮﻁ ﻓﻲ ﺍﺧﺮ ﺗﺮﻛﻴﻨﺔ ﻣﺘﺎﻉ ﺍﻟﻘﺠﺮ ... ﺷﺪﻳﺘﻮ ﻓﻲ ﻳﺪﻱ ... ﻭ ﺳﻜﺮﺗﻮ ... ﺩﻭﺭﺗﻮ ﻓﻲ ﻳﺪﻱ ﻧﻐﺰﺭﻟﻮ ... ﺍﻭﻝ ﻓﺮﺩ ﻫﺰﻳﺘﻮ ﻓﻲ ﺣﻴﺎﺗﻲ ... ﻛﻠﺸﻲ ﺑﺪﺍ ﻓﻲ ﻟﺤﻈﺔ ﻭ ﻻﺯﻡ ﻳﻮﻓﺎﻓﻲ ﻟﺤﻈﺔ ... ﻓﺮﻏﺘﻮ ﻣﻦ ﺍﻟﻜﺮﻃﻮﺷﺎﺕ ﺍﻟﻜﻞ ... ﺧﻠﻴﺖ ﻓﻴﻪ ﻭﺣﺪﺓ ﻛﻬﻮ ... ﺣﻄﻴﺘﻮ ﻋﻠﻰ ﺟﻨﺐ ... ﺗﻨﻬﺪﺕ ﺑﺎﻟﻘﺎﻭﻱ ... ﻭ ﻫﺰﻳﺖ ﺭﻭﺣﻲ ﻗﺮﺑﺖ ﻣﻦ ﺳﺮﻳﺮ ... ﺗﺴﻄﺤﺖ ﻋﻠﻰ ﺟﻨﺐ ... ﻧﻐﺰﺭ ﻟﺮﻭﺑﺔ ... ﺣﻄﻴﺖ ﻳﺪﻱ ﻋﻠﻴﻬﺎ ... ﻋﺪﻳﺖ ﻋﻴﻨﻴﺎ ﻋﺎﻟﺨﺎﺗﻢ ... ﺍﻧﺎ ﺧﺴﺮﺕ ﻛﻠﺸﻲ ﺍﻟﻴﻮﻡ ... ﻭ ﻫﻮ ﺷﻴﺮﺟﻊ ﻛﻠﺸﻲ ﻳﺨﺼﻮ ... ﺑﻘﻴﺖ ﻧﺪﻧﺪﻥ ﻓﻲ ﻟﺤﻦ ﻗﺪﻳﻢ ... ﻧﺮﻗﺪ ﻋﻠﻴﻪ ﻓﻲ ﺻﻐﺮﻱ ... ﺗﻤﻨﻴﺖ ﻛﺎﻥ ﻧﺠﻤﺖ ﻧﺮﺟﻊ ﻟﻠﻴﻤﺎﺕ ﻫﺬﻭﻛﺎ ... ﻣﻦ ﻏﻴﺮ ﻣﺎ ﻳﻜﻮﻥ ﻓﻴﻬﺎ ﻋﺪﻧﺎﻥ ... ﻭ ﻻ ﺧﻮﻑ ﻣﻦ ﺷﻲ ... ﻓﻘﺖ ﻣﻦ ﺳﺮﺣﺘﻲ ... ﻋﻠﻰ ﺻﻮﺕ ﺍﻟﺒﺎﺏ ﻟﻲ ﺗﺤﻞ ﺑﺎﻟﻘﺎﻭﻱ ... ﻫﺰﻳﺖ ﺭﺍﺳﻲ ﻧﻐﺰﺭﻟﻮ ... ﻛﺎﺑﺲ ﻋﺎﻟﺒﻮﺍﻧﻲ ... ﻳﺘﻨﻒﺱ ﺑﺎﻟﻘﺎﻭﻱ ... ﻭ ﻳﺤﻜﻲ ﻓﺮﺩ ﻭﻗﺖ ﺯﻳﺎﺩ : ﺳﻮﺍﺍﺍﺍﺭ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
