ﺑﻘﻴﺖ ﻧﻐﺰﺭﻟﻮ ... ﻭ ﻧﺴﻤﻊ ﻓﻲ ﻫﺎﺭﻭﻥ ﻓﺮﺩ ﻭﻗﺖ ... ﺧﺬﻳﺖ ﻧﻔﺲ ﻧﺤﻜﻲ ... ﻣﻦ ﻏﻴﺮ ﻣﺎ ﻧﺒﻌﺪ ﻋﻴﻨﻴﺎ ﻣﻨﻮ ﺍﻧﺎ : ﺍﻧﺎ ﻣﻠﻴﺤﺔ ﻫﺎﺭﻭﻥ ... ﻛﻨﺖ ﺗﺎﻋﺒﺔ ﻭ ﻣﺴﻤﻌﺘﺶ ﺗﻠﻴﻔﻮﻥ ﻫﺎﺭﻭﻥ : ﺍﻳﺠﺎ ﻟﻘﻬﻮﺓ ﺍﻟﻌﺎﺩﺓ ... ﻧﺴﺘﻨﺎﻙ ﻏﺪﻳﻜﺎ ﺍﻧﺎ : ﻫﺎﺍﺍﺭﻭﻥ ﺍﻧﺎ ﻣﺶ ﻓﻲ ﺩﺍﺭ ﺗﻮﺍ ... ﺷﺮﺍﻳﻚ ﻧﺘﻘﺎﺑﻠﻮ ﻋﺎﻟﻌﺸﺎ ﻫﺎﺭﻭﻥ : ﺑﺎﻫﻲ ﺳﻮﺍﺭ ... ﻣﺘﺄﻛﺪﺓ ﻻﻧﺖ ﻣﻠﻴﺤﺔ ﺍﻧﺎ : ﻣﻤﻤﻢ ﻃﻤﻦ .. ﻧﺮﺍﻙ ﺍﻟﻠﻴﻠﺔ ﻫﺎﺭﻭﻥ : ﺑﺎﻫﻲ ﺍﻭﻝ ﻣﺎ ﻋﻠﻘﺖ ﻋﻠﻴﻪ ... ﻏﺰﺭﻟﻲ ﻧﺪﺭﺍ ﻛﻴﻒ ... ﻳﺤﻜﻲ ﺯﻳﺎﺩ : ﻣﻼ ﺑﺎﺵ ﺗﻘﺎﺑﻠﻮ ﻟﻴﻠﺔ ﺍﻧﺎ : ﻋﻼﻩ ﻋﻨﺪﻙ ﻣﺸﻜﻠﺔ ﺍﻧﺖ ﻃﻠﻊ ﺣﺎﺟﺒﻮ ﻣﺴﺘﻐﺮﺏ ... ﻧﺰﻝ ﻳﺪﻭ ﺣﻄﻬﺎ ﻇﻬﺮﻱ ﻣﻦ ﺗﺎﻟﻲ ... ﺟﺒﺪﻧﻲ ﺑﻘﻮﺓ ... ﻟﻴﻦ ﻣﻌﺎﺩﺵ ﻓﻤﺎ ﺑﻴﻨﺎ ﻣﺴﺎﻓﺔ ... ﺣﺎﻭﻟﺖ ﻧﺪﺯﻭ ﻟﺘﺎﻟﻲ ﺷﻲ ... ﻣﺎﺷﻲ ﻭﻳﻜﺒﺲ ﺍﻛﺜﺮ ... ﻗﺤﺮﺗﻠﻮ ﻧﺤﻜﻲ ﺍﻧﺎ : ﺳﻴﺒﻨﻲ ... ﻓﺎﺵ ﺗﻌﻤﻞ ﺯﻳﺎﺩ : ﻣﺎﻛﺶ ﺑﺎﺵ ﺗﻘﺎﺑﻠﻮ ﻗﺤﺮﺗﻠﻮ ﻭ ﻓﺮﺩ ﻭﻗﺖ ﻧﺤﺎﻭﻝ ﻧﺠﺒﺪ ﺭﻭﺣﻲ ﻣﻨﻮ ﻭ ﻧﺤﻜﻲ ﺍﻧﺎ : ﺗﺤﻜﻲ ﺑﺠﺪﻙ ﺍﻧﺖ ... ﻣﺘﻜﻮﻧﺶ ﻏﺎﻳﺮ ﻣﻨﻮ ﺗﺒﺴﻢ ﻋﻠﻰ ﺟﻨﺐ ... ﻭ ﻧﺰﻝ ﻋﻠﻴﺎ ﺍﻛﺜﺮ ... ﻗﺮﺏ ﻣﻦ ﺷﻔﺎﻓﻲ ﻳﺤﻜﻲ ﺯﻳﺎﺩ : ﺍﻟﻌﺒﺎﺩ ﺍﻟﻠﻲ ﻛﻴﻔﻮ ﻧﻌﺮﻑ ﻛﻴﻒ ﻧﺤﻴﻬﻢ ﻣﻦ ﻃﺮﻳﻘﻲ ﺍﻧﺎ : ﺗﻘﺼﺪ ﺍﻟﻠﻲ ﻛﻴﻔﻨﺎ ... ﺣﺘﻰ ﺍﻧﺎ ﺑﻌﺪﺗﻨﻲ ﺑﻄﺮﻳﻘﺔ ﺩﺭﺍﻣﻴﺔ ﻋﺎﻟﻠﺨﺮ ... ﻭ ﺍﻧﺎ ﺻﺮﺍﺣﺔ ﻧﺤﺎﻭﻝ ﻧﻌﻤﻞ ﺑﻜﻼﻣﻚ ... ﻧﺤﺎﻭﻝ ﻧﺎﺧﻮ ﺛﻨﻴﺔ ﺟﺪﻳﺪﺓ ... ﺍﻧﺖ ﻣﺶ ﻓﻴﻬﺎ ﺭﺟﻊ ﺑﻴﺎ ﻟﺘﺎﻟﻲ ﺍﻛﺜﺮ ... ﺗﻜﺎﻧﻲ ﻋﺎﻟﺮﺧﺎﻣﺔ ﻭ ﻧﺰﻝ ﻋﻠﻴﺎ ﺍﻛﺜﺮ ﻳﺤﻜﻲ ﺯﻳﺎﺩ : ﺍﻧﺎ ﻓﺴﺮﺕ ﻛﻼﻣﻲ ﺑﺎﻟﻐﺎﻟﻂ ... ﺫﻛﺮ ﻛﻼﻣﻲ ﺣﺘﻰ ﻛﺎﻥ ﻣﺎ ﻳﻜﻮﻥ ﻓﻤﺎ ﺷﻲ ﺑﻴﻨﺎ ... ﺍﻧﺖ ﺍﻣﻼﻙ ﻣﻮﻗﻮﻓﺔ ... ﻣﻌﻨﺎﻫﺎ ﻣﺎ ﻋﻨﺪﻙ ﺣﻖ ﻻ ﺗﺤﺐ ﻭ ﻻ ﺗﺘﺤﺐ ﺯﺍﺩﺓ ﺍﻧﺎ : ﺍﻣﺎ ﻫﺬﺍ ﻣﻴﻨﻄﺒﻘﺶ ﻋﻠﻴﻚ ... ﺧﺎﻃﺮﻙ ﺯﻳﺎﺩ ﻋﺒﺪ ﺍﻟﺴﻼﻡ ﺯﻳﺎﺩ : ﺻﺤﻴﺘﻚ ﻫﺎﻙ ﻃﻠﻌﺘﻬﺎ ﺍﻧﺎ : ﺑﺎﻫﻲ ﺗﻨﺠﻢ ﺗﺴﻴﺒﻨﻲ ﺗﻮﺍ ﺑﻘﻴﺖ ﻧﻌﺎﻓﺮ ﻓﻴﻪ ... ﻓﺮﺩ ﻭﻗﺖ ﺑﺎﻗﻲ ﻳﻨﺰﻝ ﻋﻠﻴﺎ ... ﺍﻭﻝ ﻣﺎ ﻭﺻﻞ ﺷﻔﺎﻓﻲ ... ﺭﺧﻒ ﻳﺪﻭ ﺑﺎﻟﻮﻗﺖ .. ﻭﻭﺧﺮ ﻟﺘﺎﻟﻲ ﻳﺤﻜﻲ ﺯﻳﺎﺩ : ﺍﻏﺰﺭﻟﻲ ﻫﻮﻧﻲ ... ﻣﺘﺨﺪﻣﺶ ﻣﺨﻚ ﻣﻌﺎﻳﺎ ... ﻭ ﻣﺘﺄﻛﺪ ﻟﻮﺭﺍﻙ ﺷﻲ ... ﻭ ﻗﺘﻠﻚ ﺍﻟﻤﺮﺓ ﻫﺎﺫﻱ ﻛﺎﻥ ﻧﻌﺮﻑ ﻻﻧﺖ ﻣﺨﺒﻴﺔ ﺷﻲ ﺍﺧﺮ ... ﺣﺴﺎﺑﻚ ﺑﺎﺵ ﻳﻜﻮﻥ ﻏﺎﻟﻲ ﺑﺮﺷﺎ ﺗﺒﺴﻤﺖ ﻋﻠﻰ ﺟﻨﺐ ... ﻭ ﻋﻄﻴﺘﻮ ﺑﻈﻬﺮﻱ ... ﺩﺧﻠﺖ ﻟﺼﺎﻟﺔ ... ﻫﺰﻳﺖ ﻣﻔﺎﺗﺢ ﺍﻟﻜﺮﻫﺒﺔ ﻭ ﺧﺮﺟﺖ ... ﻟﻘﻴﺘﻮ ﻭﺍﻗﻒ ﻳﺴﺘﻨﺎ ﻓﻴﺎ ... ﻫﺰﻳﺘﻮ ﻭ ﺣﻄﻴﺘﻮ ﻧﺤﻜﻲ ﺍﻧﺎ : ﺗﻬﺪﻳﺪﻙ ﻣﻌﺎﺩﺵ ﻳﻨﻔﻊ ﻣﻌﺎﻳﺎ ... ﺧﺎﻃﺮ ﺍﺧﺮ ﺣﺪ ﻣﻤﻜﻦ ﻧﻔﻜﺮ ﻓﻴﻪ ﻫﻮ ﺍﻧﺖ ﺯﻳﺎﺩ : ﺍﻳﺠﺎ ﻟﻬﻮﻧﻲ ﺍﻧﺎ : ﻓﻲ ﺍﺣﻼﻣﻚ ﺧﻠﻴﺘﻮ ﻭﺍﻗﻒ ﻭ ﻗﺮﺑﺖ ﻣﻦ ﺍﻟﺒﺎﺏ ... ﻧﺤﻞ ﻓﻴﻬﺎ ﻭ ﻧﺤﻜﻲ ﺍﻧﺎ : ﺍﻧﺎ ﺍﻟﻐﺎﻟﻄﺔ ﻣﻦ ﺍﻻﻭﻝ ﺧﺎﻃﺮ ﺟﻴﺖ ﻟﻬﻮﻧﻲ ... ﻓﻲ ﺑﺎﻟﻲ ﺑﺎﺵ ﻧﺮﺗﺎﺡ ﻣﻨﻚ ... ﺻﺒﺤﺖ ﻋﻠﻴﻚ ﺍﻭﻝ ﻭﺍﺣﺪ ... ﻣﻼ ﺍﻗﻌﺪ ﻓﻴﻬﺎ ﻭﺣﺪﻙ ﺍﻭﻝ ﻣﺎ ﺣﻠﻴﺘﻬﺎ ... ﺿﺮﺑﻬﺎ ﺑﻴﺪﻭ ... ﺭﺟﻊ ﺳﻜﺮﻫﺎ ... ﺗﻠﻔﺖ ﻋﻨﺪﻭ ﻗﺤﺮﺗﻠﻮ ﻧﺤﻜﻲ ﺍﻧﺎ : ﺍﺑﻌﺪﻧﻲ ﺳﺎﻋﺔ ﺯﻳﺎﺩ ﻧﺤﺐ ﻧﻤﺸﻲ ﺯﻳﺎﺩ : ﺍﺭﻛﺢ ﺍﺣﺴﻨﻠﻚ ﺍﻧﺎ : ﻣﺎﻧﻴﻴﺶ ﺑﺎﺵ ﻧﺮﻛﻜﺢ ﺍﺑﻌﺪ ﺧﻠﻴﻨﻲ ﻧﺨﺮﺝ ﺯﻳﺎﺩ : ﻣﺘﺼﻴﻴﻴﺤﺶ ... ﺷﺒﻲ ﺳﻤﺎﻙ ﻫﺒﻠﺖ ﻳﺎﺧﻲ ﺍﻧﺎ : ﺍﻳﻴﻪ ﻫﺒﻠﺖ ... ﻣﻨﺤﺒﺶ ﻧﺒﻘﻰ ﻫﻮﻧﻲ ﺯﻳﺎﺩ : ﻛﻨﺖ ﺗﻔﻜﺮ ﻗﺒﻞ ﻣﺎ ﺗﺠﻲ ﻟﻬﻮﻧﻲ ﺍﻧﺎ : ﺍﻓﻔﻔﻔﻒ ﻣﻨﻚ ... ﻣﻦ ﻭﻳﻦ ﻃﻠﻌﺘﻠﻲ ﺍﻧﺖ ﺳﻲ ﺍﻟﻬﻢ ﺯﻳﺎﺩ : ﺍﻟﻤﺮﺓ ﺍﻟﺠﺎﻳﺔ ﻛﻲ ﺗﺤﺐ ﺗﺒﻌﺪ ﺳﻜﺮ ﺗﻠﻴﻔﻮﻧﻚ ... ﻭﻗﺘﻬﺎ ﺗﺼﻌﺐ ﻋﻠﻴﺎ ﺑﺎﺵ ﻧﻠﻘﺎﻙ ﺍﻧﺎ : ﺻﺤﻴﺘﻚ ﺑﺎﺵ ﻧﺎﺧﻮ ﺑﻨﺼﻴﺤﺔ ﺍﻟﻤﺮﺓ ﺍﻟﺠﺎﻳﺔ ... ﻭ ﺗﻮﺍ ﺍﺑﻌﺪ ﺧﻠﻴﻨﻲ ﻧﻤﺸﻲ ... ﺗﺎﻋﺒﺔ ﻭ ﻣﻌﻨﺪﻳﺶ ﺧﻠﻖ ﻟﻴﻚ ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ﻭﺭﺟﻌﺖ ﺣﻠﻴﺘﻬﻢ ... ﺻﻮﺭﺗﻮ ﻣﺎﺷﻴﺔ ﻭ ﺗﺒﻌﺪ ﻛﺒﺴﺖ ﺑﻴﺪﻱ ﻋﺎﻟﺒﻮﺍﻧﻲ ... ﻧﻮﺍﺯﻥ ﻓﻲ ﺭﻭﺣﻲ ... ﻧﺤﻲ ﻓﻲ ﺭﻭﺣﻲ ﺑﺎﺵ ﻧﻄﻴﺢ ... ﻟﻘﻔﻨﻲ ﺑﻴﺪﻭ ... ﺟﻴﺖ ﻓﻲ ﺣﻤﻠﺘﻮ ... ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﻭ ... ﻧﺘﻨﻔﺲ ﺑﺎﻟﺴﻴﻒ ... ﻧﺤﺲ ﻓﻲ ﺭﺍﺳﻲ ﺭﺯﻳﻦ ﺑﺮﺷﺎ ... ﺩﻭﺏ ﻧﺠﻢ ﻧﺤﻞ ﻋﻴﻨﻴﺎ ... ﻛﺒﺲ ﻋﻠﻰ ﻇﻬﺮﻱ ﻳﺤﻜﻲ ﺯﻳﺎﺩ : ﺳﻮﺍﺍﺍﺍﺭ ... ﺷﺒﻴﻚ ﻟﺒﺎﺱ ﻳﺎﺧﻲ ﻧﺴﻤﻊ ﻓﻲ ﺻﻮﺗﻮ ﺑﻌﻴﺪ ﺑﺮﺷﺎ ... ﻛﺒﺴﺖ ﻋﻠﻰ ﺳﻮﺭﻳﺘﻮ ﺑﻴﺪﻱ ... ﻧﺰﻝ ﺭﺍﺳﻮ ﺷﻮﻳﺔ ... ﻳﺒﻌﺪﻟﻲ ﻓﻲ ﺷﻌﺮﻱ ﻭ ﻳﺤﻜﻲ ﻓﺮﺩ ﻭﻗﺖ
أنت تقرأ
🔥🔞"في أحضان عزرائيل"🔞🔥( الجزء الخامس)
Любовные романыهيا تلمو البنات نكمللكم الكروو🙋❤ #نحبكم ❤ #شيماء
