الحليب المُر

ليال الشيخ....

مرحبا

من الآن راح استلم هالقصة مثل ماتعرفون هي كانت للتميمية وهي حولتها اليه

وان شاء الله اكون كدها

مشهد

لم اكن اعلم بأن حليب الأم ممكن ان يكون مر..فلست متأكدة ولكن متأكدة من ان العشق الخالي من الآمال...
يُؤلم صاحبهُ ويجرحهُ..ويُقطع القلب كل يوم لألف جزء...
لم تكن يوماً لي فلماذا ياقلبي لماذا؟؟؟.....

غمضت عيوني..وانه افكر بي وبهيبة بشته وبطوله ونظرات عيونه الواثقة...واحساسي يكول وره هذا الجبل الثابت...شخص اتألم لحد يخلي يصير صلب ومثل الحجر.......

فتحت عيوني على ريحة البخور الفاخرة الفواحة بكل الديوان...باوعت يمين ويسار مشفت احد يمي...كمت اتجول بالمكان...واسمع صوت ماي....

والمكان هادئ خالي من الاضواء مجرد اضواء خافته..والتفت على انفاس حارة على ركبتي....

التفتت بلهفة وشفت نفسي بلا شال..خجلت بس ماهماني والقلب ينبض بكل حيله لهل الهيبة الهادئة...

مشفت غير لمحة من العكال وقسم من الغترة..ولون احمر صغير خلاني ماميز شكله..مد ايده بوردة حمرة...واحس جفوني ثكيلة...

اريد اشوف الوردة عدل..والي مدلي الوردة اريد اكحل عيناي بشوفته..مديت ايدي اخذ هالوردة وكلبي ينتفض ويه كل نفس يطلع مني...

اعرف هذا حلم اي حلم الشيخ يمدلي وردة..وكمت اردد هذا حلمي هذا عشكي هذا خيالي الي احلم بي كل ليلة...اي حلم هذا حلم...

اخذت الوردة وسمعت صوته الرجولي يكول لا هذا واقع مو حلم..ومن عشكي ياهو يصحيني...شميت الوردة ماحسيت بعطرها لو انه فاقدة حاسة الشم...

شفتها وردة مو حقيقية حزنت حزن ماينوصف بهاللحظة تبدلت نظرات العشك الى حزن ودموع بجيت من كل كلبي عالوردة المو حقيقية...................

صرت مرات اكول يمكن امي سكتني حليب مرر هيج صارت حياتي مررة....

مشهد 2......

جاي انظف الديوان جنت اموت من تنظيفه ومن تكلي امي اتعاجز واتجنب حاكم ونظرات الي تحسسني بلا ملابس...

بس هسة صرت اعشق تنظيفه واتجول بأرجاءه واشم عطر الشيخ بي..احس حالة جنونية تصيب كلبي بهاي شمة العطر احس كل عطر بي اله...

ابتسمت والتفت للباب اجه الشيخ وشكله استغرب وجودي لبست الشال بسرعة خاطفة وخجلت وصار كلبي ينبض حييل...

دنكت راسي وانه مستحية منه..وردت اطلع كال بصوته الرجولي..تعاي بنيتي كملي جيت اخذ السبحة نسيتها هنا...اخذها وابتسم بوجهي...

وانه شلون ثولة وما اموع عالأبتسامة..رحمة لأهلك شيخ لا تبتسم..كلبي مايتحمل..ظليت مثل الثولة واكفة مكاني مصفنة بي طلع...

الحليب المُر......

قصة جديدة وبيها من الظلم والقتل وقلوب عاشقة وقلوب خاذلة.......يحيطها الغموض....شيخ فقد بما فيها الكفاية....

الكاتبة

#اساور التميمية