Deceiving You

Chapter 46

This is a 3rd Omniscient POV

PRESENT...
———————————————

Malakas at nanunuyang tawa ang maririnig sa buong mansion.

"Alam mo na pala?" Nanunuyang sambit ng impostor niya na tatay.

She smirked. "Oo, alam ko na. Eh, ikaw? Alam mo na ba na naloko kita? How's the feeling of being an idiot?"

Bumakas ang galit sa mukha nito. "Kahit anong gawin mo. Mamamatay tao ka pa rin."

She sarcastically laughed. "Oh my. I already knew that. Wala ka na bang bagong alam? Mahirap talaga kapag tumatanda na, 'no? Nagiging mapurol ang isip. Did you take your maintenance? Hindi ka pa puwedeng mamatay. Hindi ka pa welcome sa impyerno."

Pilit itong kumakawala sa pagkakatali nito. Pinagmamasdan lang niya ang mukha nito, na puno ng galit at intensyon na patayin siya ngayon.

"Kahit anong tanggi mo, ikaw pa rin ang pumatay sa mga taong 'yon."

She scoffed. "Kelan ko ba tinanggi? Did I said I didn't killed them? I suffered from it kaya hindi ko makakalimutan 'yon. Alam mo... hindi ko lubos na maisip, papaanong inisip ko na tatay kita? Bakit ba hindi ko napansin na, ang kaya mo lang gawin ay utusan ako at hindi ang patakbuhin ang kumpanya maging ang buong mafia. Ah, oo nga pala. 'Cause you can't. Ang tanging ginawa mo lang... magpalaki ng ego at magpayaman gamit ang pera ng mga tunay kong magulang." Nanunuyang sagot niya rito.

Bumaling siya sa asawa nito. "At ikaw naman... kaya pala napaka-extra mo, dahil hindi ka napagbigyan no'ng bata ka. Oh, I'm sorry. Hindi ka nga pala paborito ng mga magulang mo."

"Manahimik ka!" Sigaw nito sa kaniya. "Baliw ka na! Wala kang pera ni isang kusing dahil sa amin lang ang mga pera na mayroon ang pamilyang ito!"

She sarcastically laughed. "Ikaw ang nababaliw. Sa inyo? Okay ka lang? Hindi nga kita tunay na magulang, eh, moreover, nanay. At ipinagpapasalamat ko na hindi talaga, dahil sa basura mong ugali. Wala kang class, pagiging extra mo lang ang meron ka. Kaya ka hindi favorite, eh."

"Wala talagang sa 'yo dahil pera ng mga magulang ko ang ginamit ko rito!" Asik nito.

Natatawang umiling siya sa sinabi nito. "Oh gosh. Tita. Should I call you tita? Ang bastos ko naman kung hindi kita tatawagin na tita, 'di ba? Kaso, naisip ko, hindi mo deserve ang respeto na ibibigay ko. May I remind you, pinatay mo sila. Kaya ka nagkaroon ng pera... Pinatay mo ang mga magulang mo at nag-iisang kapatid mo para lang sa pera. You killed my grandparents and my mother just to fucking have this!"

"Dahil wala silang kuwenta!"

"Ikaw ang walang kuwenta! Pinakain ka, binihisan, at pinag-aral pero anong isinukli mo? Kamatayan nila? Gaano ka kahangal?"

Humalakhak ito. "Bakit? Ano ko ba sila? Sino sila para mahalin ko?"

Umiinit ang ulo niya sa narinig niya pero hindi siya puwedeng sumabog ngayon. Kaya matamis siyang ngumiti rito bago niya kinuha ang baril sa holster na nakatali sa hita niya, ikinasa niya ang baril at pinaputukan 'to sa hita. Sumisigaw 'to dahil sa sakit pero hindi niya 'to binigyang pinansin at nagsalita siya.

"For your fucking information, sila lang naman ang kumupkop sa 'yo sa panahon na halos mamatay ka na sa kalsada dahil sa gutom at pag-iwan sa 'yo ng mga tunay mong magulang. Wala silang ginawang masama sa 'yo, pero ganito ang iginanti mo." She smirked. "Kaya ka siguro iniwan ng mga tunay mong magulang? Dahil... alam nilang demonyo ka."