"Catch Me, Attorney." (Law Series #4 || Season 1 & 2)

PART TEN: "Exposing Nash's Secrets"

"TANGANG TANGA KA NA BA?!"

Napangiwi ako nang marinig iyon mula sa kabilang linya. Weekend ngayon at walang pasok kaya nakakulong lang ako sa unit ko. Awa ng Diyos ay naka-survive ako ng isang linggo sa West Carson High nang hindi namamatay o nasisira ang buhay.

Hindi nga sira ang buhay, sira naman ang trust issue ko.

"REIGN, YOU LISTEN, OKAY?"

I bit my lower lip. Kausap ko sa kabilang linya si Prosecutor Jaxx Scott at galit na galit ito nang malaman ang update ko.

Na nakipag-pisikalan ako kay Reese—nanampal pa nga.

Na minalditahan si Everleigh.

Nakikipagmabutihan kay Grey.

Kaibigan sila Nash at Braelyn.

Pinag-iinitan ni Missi.

Nasama sa filming ni Levi.

Tinakbuhan ni Jal.

At nahuli ni Lyle na nakipag-away kay Reese.

Tapos na. Finish na.

"Yes, Prosecutor," kinakabahan kong sabi. "Nakikinig po ako."

Sinabihan na niya akong 'tanga'. Hangga't maaari ay gumagamit ng positive words si Prosecutor Jax. Galit na galit na siya siguro na ultimo choice of words niya ay hindi na niya ma-filter.

"Why are you in West Carson High again?" he asked with an authoritative voice.

"Para po pag-aralan ang 12-A," guilty kong sagot.

"Now, are you doing your job?"

I bit my tongue. "Opo?"

"OPO?!" bulaslas niya.

"Ay, maybe? Perhaps? Siguro?"

"HINDI KA PA SURE?!"

"Eh, Jax—"

"PROSECUTOR JAX," pagtatama nito.

"Eh, Prosecutor Jax, ginagawa ko naman talaga trabaho ko," pagmamaktol ko. "It's just that—"

"It's just that you woke up and realized, 'Aight I'mma use violence today,' ganoon ba?"

"Eh, hindi mo naman gets e," sabi ko.

"Reign, pumutok labi n'ong tao. Anong hindi gets doon?!"

"Sasampalin niya ako," depensa ko. "Self-defense 'yon!"

"And you are not supposed to defend yourself. You are supposed to befriend everyone and give them this impression that you are harmless. Na pushover ka at kahit na anong malaman mo o anong gawin nila sa harap mo, hindi ka makakapagsalita dahil ang alam nila, mahina ka. At doon natin malalaman ang baho nila. Doon natin malalaman what those kids are truly capable of. Didn't you think of that?"

Tama naman siya.

"Gets ko naman po pero kasi, near-death experience po iyon. Alam niyo bang nanghahampas ng bote sa ulo 'yon si Reese? Paano kung patayin ako n'on?"

"Yes it was self-defense but what if she has no intention to slap you? What if she just wanted to exert dominance to scare you? Remember Reign, 12-A ka."

Possibly.

"Now, you're a dead meat. Tatlo agad ang kalaban mo. Reese, Everleigh, and Lyle. Not to mention that Levi and Missi don't like you. If I were to ask, I guess, I overlooked your possible defeat."

I suddenly felt heavy. Disappointed siya at damang-dama ko 'yon.

"What do you mean po?"

"Aside from Reese and Everleigh, nakikipagmabutihan ka pa kay Greysen Finch at nakipagkaibigan kina Nashville at Braelyn. Hindi ba't parte ng contract natin na bawal kang gumawa ng kahit na anong personal na koneksyon sa kahit na sino sa kanila?"