ဒီနေ့တော့ စောသဒ္ဒါမောင်တစ်ယောက်မနက်အစောကြီးထကာပြင်ဆင်နေသောကြောင့် အဖွားပင်အံသြနေလေသည်။ အခါတိုင်းစောသဒ္ဒါမောင်ဆိုသည်မှာ ဇီးကွက်လိုလူစားပင်ညနက်မှအိပ်၍မနက်ဆိုနောက်ကျမှထတတ်သည့်အကျင့်ရှိသည်လေ။ ယနေ့အစောကြီးထရသည့်အကြောင်းကတော့'မှိုင်း'groupတွင်အလုပ်လျှောက်ရန်ဖြစ်သည်။ထိုဥက္ကဋ္ဌဆိုသောအမျိုးသားသည် အချိန်နောက်ကျသည်ကိုမုန်းသည်ဟုကြားထားသောကြောင့်ဖြစ်သည်။
"အင်း..ဒီလောက်ဆိုသပ်သပ်ရပ်ဖြစ်ပါတယ်...ဘာပဲဖြစ်ဖြစ်ငါကချောပြီးသား"
အဖြူစွတ်စွတ်ရှပ်အင်ကျီလေးကိုအောက်ကjean pantအပြာဖျော့လေးနဲ့တွဲဝတ်ထားပြီး လှိုင်းတွန့်လေးတွေပါသောသစ်အယ်သီးရောင်ဆံပင်လေးကိုတော့jelအနည်းငယ်လိမ်းပြီးအပေါ်သို့သပ်တင်လိုက်တော့ဆံတံခွန်ပါသောနာဖူးပြေပြေကထင်းခနဲ ဘယ်ဖက်ပါးမှပါးချိုင့်လေးကိုခွက်နေအောင်ပြုံးရင်းနောက်ဆုံးအကြိမ်မှန်ကြည့်ရင်း ကိုယ့်ကိုကိုယ်ဂုဏ်ဆာနေခြင်းပင်။
"မြေးရေမနက်စာစားလို့ရပြီနော်"
"ဟုတ်.ဖွားလာပြီဗျို့"
အောက်ထပ်မှအဖွားအသံကြားတော့ကုတင်ပေါ်တွင်အသင့်တင်ထားသော back pack အနက်လေးကိုဆွဲပီးအောက်ထပ်သို့ဆင်းခဲ့သည်။
"ဖွားမြေးလေးကဒီနေ့သန့်နေပါ့လား"
"ဟုတ်တယ်..ဖွားရဒီနေ့လည်းထပ်ပြီးအလုပ်သွားလျှောက်ဦးမလို့လေ"
စားနေရာမှခေါင်းလေးတစ်ငြိမ့်ငြိမ့်နှင့်မြေးဖြစ်သူပြောလာတော့ 'ဒေါ်ရွှေစည်' သက်ပြင်းချမိသည်။ မြေးလေးအသက်ရှစ်နှစ်အရွယ်တည်းကပင်သားဖြစ်သူနှင့်ချွးမဖြစ်သူတို့ဆုံးပါးသွားသဖြင့် သူမသာပြုစုစောင့်ရှောက်ထားသည်မို့သူမမျက်လုံးထဲတွင်တော့ မြေးကိုကလေးဟုသာမြင်မိသည်။
ယခင်ကမြေးဖွားနှစ်ယောက်သူမပိုင်ဆိုင်သောဆိုင်ခန်းအချို့မှရရှိသောငှားရမ်းငွေနှင့်သာလောက်အောက်သုံးခဲ့ရသည်။စောသဒ္ဒါမောင်ကျောင်း ပြီးတော့အဖွားကိုတစ်လှည့်လုပ်ကျွေးမည်ဟုဆိုကာ အလုပ်ရှာနေခြင်းပင်။
YOU ARE READING
သံသရာအဆက်ဆက်တိုင်အောင်( Completed)
Mystery / Thriller"ကျေးဇူးပြုပြီးကိုယ့်ကိုစောင့်နေပေးပါ'စော' ကိုယ်မင်းနောက်ကိုလိုက်လာခဲ့ပါ့မယ်..သေခြင်းတရားဖြစ်စေဦးတော့ကိုယ်တို့နှစ်ယောက်ကိုခွဲလို့မရစေဘူး" "နောက်ဘဝမှာပြန်ဆုံတွေ့ခဲ့ရင် ကိုယ်ကပဲအရင်မင်းကိုမှတ်မိပါရစေ.. ကိုယ်ကပဲအရင်မင်းကိုစချစ်ပါစေ..." ...
