တစ်ကယ်ပြောတာလားစော"
စောသဒ္ဒါမောင်ရှက်ဝဲဝဲလေးပြုံးရင်းခေါင်းညိမ့်လိုက်လေသည်။အမှန်တစ်ကယ်လည်းသူဒီလူကြီးအပေါ်ခံစားချက်အချို့ရှိနေပြီဖြစ်သည်။ သူ့အပေါ်ဆိုစိတ်ရှည်လွန်းသော ကဲလွန်းသည်လွန်း သဝန်တိုလွန်းသောဒီလူကြီးအပေါ်အချိန်ကြာလာသည်နှင့်အမျှ ခံစားချက်တွေတိုးလာရသည်။ အခုလည်းသူ့ဖက်ကခံစားချက်ရှိကြောင်းဝန်ခံလိုက်တော့ မျက်ရည်များဝဲတက်လာသည်အထိပျော်သွားသောထိုလူကြီး၏မျက်နှာကိုကြည့်ပြီး နူးညံ့သောခံစားချက်လေးတစ်မျိုးရင်ထဲသို့စီးဆင်းသွားရသည်။
''တစ်ကယ်ပေါ့ ဦးမှိုင်းရဲ့ကျွန်တော်ကညာပါ့မလား ''
''ကိုယ်.... ကိုယ်တစ်ကယ်ကိုဝမ်းသာတယ်စောသိလား...ကိုယ့်ဖက်ကချစ်နေရင်ရပြီလို့ထင်ထားပေမယ့် စောဆီကတုန့်ပြန်မှုကိုမမျှော်ဘူးလို့ပြောရင်ကိုယ်လိမ်တာပေါ့.... ကိုယ်...ကိုယ်တစ်ကယ်ကိုတန်ဖိုးထားပါ့မယ်... တစ်ချိန်မှာစောကိုယ့်ကိုပြန်ချစ်နိုင်အောင်ကြိုးစားပါ့မယ်.. ''
ပြောလည်းပြော သူ့ရဲ့လက်တွေကိုလည်းတဖွဖွနမ်းနေသော သူ့ရှေ့မှကလေးကြီးကိုကြည့်ကာ စောသဒ္ဒါမောင်ပြုံးမိပြန်သည်။
''ဟုတ်ပါပြီ အဲ့ဒါဆိုကျွန်တော်တို့အိမ်ထဲပြန်သွားရအောင်နော် ဒီနေရာကလေတိုက်တော့ကျွန်တော်ချမ်းလာပြီဗျ ''
''ဟာ..ဟုတ်သားပဲ ကိုယ်အပျော်လွန်ပြီးမေ့နေတာ အိမ်ထဲပြန်ဝင်ရအောင်နော် ''
နှစ်ယောက်သားအိမ်လေးထဲကိုပြန်ရောက်တော့ မိုးလုံးမှိုင်းကသူတို့ရဲ့ပထမဆုံး date လေးမှာ ဝိုင်သောက်ရတာကြိုက်သောချစ်သူလေးအတွက် သူကိုယ်တိုင် USA ကဝယ်လာသော Screaming Eagle Cabernet 1992ခုထုတ်ဝိုင်ကိုဖောက်ကာ ဖန်ခွက်လေးထဲကိုထည့်ပေးလိုက်သည်။ ဝိုင်ကြိုက်သောကောင်လေးကချက်ချင်းပင်ဝိုင်ခွက်ကိုကိုင်ပြီးမော့လိုက်လေတော့ မိုးလုံးမှိုင်းမှာသီးသွားမလားစိုးရိမ်ရသေးသည်။
''ဘယ်လိုနေလဲစော သောက်လို့ကောင်းရဲ့လား ''
''ဟီး ကျွန်တော့်အတွက်တော့ဘယ်ဝိုင်မဆိုအတူတူပဲ သောက်လို့ကောင်းတယ် ''
YOU ARE READING
သံသရာအဆက်ဆက်တိုင်အောင်( Completed)
غموض / إثارة"ကျေးဇူးပြုပြီးကိုယ့်ကိုစောင့်နေပေးပါ'စော' ကိုယ်မင်းနောက်ကိုလိုက်လာခဲ့ပါ့မယ်..သေခြင်းတရားဖြစ်စေဦးတော့ကိုယ်တို့နှစ်ယောက်ကိုခွဲလို့မရစေဘူး" "နောက်ဘဝမှာပြန်ဆုံတွေ့ခဲ့ရင် ကိုယ်ကပဲအရင်မင်းကိုမှတ်မိပါရစေ.. ကိုယ်ကပဲအရင်မင်းကိုစချစ်ပါစေ..." ...
