A little warning, please read your own risk.
မိုးလုံးမှိုင်းဝမ်းနည်းနေရှာသောချစ်သူကိုအနမ်းနုနုတို့နှင့်သိမ့်တော့မှ မြတ်နိုးရသူကစိတ်ပြေတော်မူလေသည်။ ဒဏ်ရာရသွားသောလက်ဖဝါးနုနုကိုလည်းအနမ်းတို့သက်ရောက်စေ၍ နာကျင်မှုကိုလျော့ကျစေလိုသည်။ သူ့ရဲ့စောငယ်လေးကတော့ငိုရ၍ပင်ပန်းသွားဟန်တူသည် သူ့ရင်ခွင်ထက်တွင်မှီရင်းနှစ်နှစ်ခြိုက်ခြိုက်အိပ်ပျော်သွားသည်။
"Ring.... Ring "
ဘောင်းဘီအိပ်ကပ်ထဲမှဖုန်း၏တုန်ခါမှုကြောင့်မိုးလုံးမှိုင်းသည် စောသဒ္ဒါမောင့်ကိုယ်လေးကိုသက်တောင့်သက်သာအနေအထားသို့ပြုပြင်ပြီးမှ စာကြည့်ခန်းသို့ထွက်လာခဲ့သည်။
" ပြော.... "
( ဟယ်လိုကိုကို ရွှေစက်ပြန်ရောက်ကြောင်းကို ကိုကိုးပြောပြတယ်မလား မနက်ဖြန်ကျရင်ကိုကို့ကုမ္ပဏီကိုရွှေစက်လာခဲ့မယ်နော်.... ပစ္စည်းလည်းတစ်ခါတည်းယူခဲ့မယ်)
" အင်း... ပစ္စည်းကိုသေချာဂရုစိုက်ယူခဲ့ "
(သိပါတယ်ကိုကိုရဲ့ ဒါဆိုရွှေစက်ဖုန်းချလိုက်ပြီနော်)
ဖုန်းကိုလက်ထဲမှာကိုင်ရင်းမိုးလုံးမှိုင်းအတွေးထဲနစ်မြောနေသည်။ မကြာမီလပြည့်တော့မည် ရိုးရိုးလပြည့်နေ့မဟုတ် ထိုနေ့ကယခင်ဘဝမှ ကွန်းခိုရာနှင့် မှိုင်းသုရှင်တို့အသက်သေဆုံးသောနေ့သဖြင့် အလွန်အရေးကြီးသည်။ ထိုနေ့မတိုင်မီ စောငယ်အရင်မှတ်ဉာဏ်များပြန်ရရန်လိုသည် မဟုတ်ပါက တစ်သက်လုံးသူ့ကိုမှတ်မိမည်မဟုတ်တော့ပေ။ တားမြစ်အစီအရင်အကြောင်းကိုပြည့်ပြည့်စုံစုံသိသူကလည်းယခုအခါတွင်သက်ရှိထင်ရှားမရှိတော့ပေ။
သူသိသည့်တစ်ခုတည်းသောနည်းလမ်းကစောငယ်ကိုသူတို့၏မဂ်လာလက်စွပ်ကိုဝတ်ဆင်ပေးဖို့ဖြစ်သည်။
......................................................
The next day,
" စောငယ်...ကိုယ်အလုပ်သွားရတော့မယ်..... ဒီနေ့တော့ကိုယ်ဦးလေးလုံကိုသေချာမှာခဲ့ပြီးပြီ အောက်ထပ်ဆင်းမယ်ဆိုလည်းဟိုအမျိုးသမီးတွေနဲ့မရောနဲ့နော် စောငယ်လေးပျင်းနေရင်ကိုယ့်အခန်းထဲကစာအုပ်တွေယူဖတ်နေ laptop လည်းထားခဲ့တယ်နော် "
YOU ARE READING
သံသရာအဆက်ဆက်တိုင်အောင်( Completed)
Mystery / Thriller"ကျေးဇူးပြုပြီးကိုယ့်ကိုစောင့်နေပေးပါ'စော' ကိုယ်မင်းနောက်ကိုလိုက်လာခဲ့ပါ့မယ်..သေခြင်းတရားဖြစ်စေဦးတော့ကိုယ်တို့နှစ်ယောက်ကိုခွဲလို့မရစေဘူး" "နောက်ဘဝမှာပြန်ဆုံတွေ့ခဲ့ရင် ကိုယ်ကပဲအရင်မင်းကိုမှတ်မိပါရစေ.. ကိုယ်ကပဲအရင်မင်းကိုစချစ်ပါစေ..." ...
