Three month later,
လွန်ခဲ့သောသုံးလက ကိစ္စတော်တော်များများဖြစ်ပျက်သွားခဲ့သည်။ ဒေါ်မှိုင်းဧကရီကတော့ မိုးလုံးမှိုင်း၏မိဘများအားလုပ်ကြံသတ်ဖျက်မှု စောသဒ္ဒါမောင်အားသတ်ရန်ကြံစည်မှု ရန်ပုံငွေအလွဲသုံးစားလုပ်ပြီး လွန်ခဲ့သောဆယ်နှစ်ကျော်အတွင်းအခွန်တိမ်းရှောင်မှုများဖြင့်ထောင်ဒဏ်တစ်သက်တစ်ကျွန်းကျသွားပြီးထောင်ထဲမှာပဲစိတ်ဖောက်ပြန်ကာ ကိုယ့်ကိုကိုယ်သတ်သေ သွားခဲ့သည်။ ကြည်နူးမေကတော့ လူသတ်ရန်ကြံစည်မှုတွင်ကြံရာပါအဖြစ်အဖမ်းခံရပြီး ထောင်နှစ်နှစ်ကျသွားသည်။
မိုးလုံးမှိုင်းသည် စောသဒ္ဒါမောင့်၏အဖွားထံသို့ဖွင့်ပြောကာ လက်ထက်ရန်ခွင့်ပန်ခဲ့သည်။ အဖွားကတော့စောသဒ္ဒါမောင်စိတ်ချမ်းသာရင်ပြီးရောဟုဆိုကာသဘောတူခဲ့ပြီး 'Y' မြို့တော်သို့လိုက်လာခဲ့သည်။
" မြေးရေ...မောင်စိုင်းမလာသေးဘူးလားကွဲ့ "
" ဟုတ်ပါ့ဖွား..ဘာလုပ်နေလဲမသိဘူး.. အခုထိကိုမလာသေးဘူး ...ဖွားဝတ်ဖို့ဝတ်စုံပါဝင်ရွေးရမှာပါဆိုနေမှသိပ်ကြာတာပဲ ..နေဦးပေါ့..ဦးမှိုင်းနဲ့ကိုတိုင်ပစ်မယ် "
" အမလေးဗျာ သူဌေးကတော်ရယ်...ဥက္ကဠဆီတော့မတိုင်ပါနဲ့ဗျာ ကျွန်တော်မျိုးရောက်ပါပြီ... တစ်ကယ်ပဲအာဏာပြချက်က "
" ဟော..ပြောရင်းဆိုရင်းမောင်စိုင်းရောက်လာပြီလား "
စိုင်းသုသျှန်၏အသံကြား၍ဖွားသည်မီးဖိုထဲတွင်စီမံခန့်ခွဲနေရာမှလှမ်းအော်မေးလေသည်။
" ဟုတ်ဖွား....သားရောက်ပါပြီ...ဒီမှာလေ.ဖွားမြေးကောက်စိန်ကိုသူ့ဦးမှိုင်းဆီသွားပို့လိုက်ဦးမယ်ဗျို့ "
" အေးအေး..မြန်မြန်သာပို့လိုက်သားရေ...သားကိုစောင့်ရတာကြာလို့တဲ့..ကိုယ်တော်လေးကပွစိပွစိပြောနေတာကြာပေါ့..ကြာလေကြာလေအဒေါ်ကြီးနဲ့တူလေပဲ "
" ဖွားနော်..."
သူ့ဘက်ကမပါသဖြင့်မီးဖိုထဲကဖွားမမြင်နိုင်မှန်းသိသော်လည်းစောသဒ္ဒါမောင်နှုတ်ခမ်းဆူမိသည်။
" ကိုင်းပါ..ကိုစောသဒ္ဒါမောင်ရယ်ကျွန်တော်မျိုးတော့နှုတ်သီးနဲ့မထိုးပါနဲ့..ထပါဗျာ...အမြန်ဆုံးနည်းနဲ့ပန်းကန်လုံးစီးပြီးပို့ပေးမယ်...ဟုတ်ပြီလားနောက်မကျစေရပါဘူး "
YOU ARE READING
သံသရာအဆက်ဆက်တိုင်အောင်( Completed)
Mystery / Thriller"ကျေးဇူးပြုပြီးကိုယ့်ကိုစောင့်နေပေးပါ'စော' ကိုယ်မင်းနောက်ကိုလိုက်လာခဲ့ပါ့မယ်..သေခြင်းတရားဖြစ်စေဦးတော့ကိုယ်တို့နှစ်ယောက်ကိုခွဲလို့မရစေဘူး" "နောက်ဘဝမှာပြန်ဆုံတွေ့ခဲ့ရင် ကိုယ်ကပဲအရင်မင်းကိုမှတ်မိပါရစေ.. ကိုယ်ကပဲအရင်မင်းကိုစချစ်ပါစေ..." ...
