Unicode
"ဟောတော်ရေ ဒီကလေးနဲ့တော့ အိပ်တာတောင် အခန်းတံခါးကိုမပိတ်ထားဘူး တကယ်တည်း အရမ်းကို နမော်နမဲ့နိုင်လွန်းတယ်ကွယ်..."
"အဆိုးရေ မမဝင်လာခဲ့....အို..."
"အမလေး...."
အခန်းထဲသို့ဝင်လျှင်ဝင်ချင်းဆီးလို့ကြိုလိုက်သော မြင်းကွင်းတစ်ခုကြောင့် မငယ်ခဗျာ ကိုယ့်မျက်စိပင် ကိုယ်မယုံနိုင်အောင်ဖြစ်သွားရ လေသည်။
ထိုမြင်ကွင်းကတော့ အခြားမဟုတ် ၊ အိစက်ညက်ညောလှစွာသော ဖဲမွေ့ညာထက်၌ ချစ်တင်းနှောကာ အဝတ်စက်လက်နှင့် အိပ်ပျော်နေကြရှာသော အဆိုးလေးနှင့် ကိုစေတန်တို့၏ ပူးကပ်နေသော ခန္ဓာကိုယ် နှစ်ခုပင်။
"အို....ဒါ...ဒါက....အို....."
မျက်စိရှေ့တွင်မြင်နေရသော ထိုမြင်ကွင်းအား မငယ်တစ်ယောက် မကြည့်ရဲတော့သည်မို့ အခန်းထဲမှ အလျင်အမြန်ပင်ပြေးထွက်လာခဲ့လေသည်။
"အမလေး....သူတို့တွေက....အို.....ဘာတွေပါလိမ့်....ဘုရားဘုရား "
အိမ်အပေါ်ထပ်ဆီမှတစ်ဆင့် ကြောင်လှိမ်လှေခါးအတိုင်း ပြေးဆင်းလာခဲ့ရာ ယခုဆိုရင် မေမေရှိရာ မီးဖိုခန်းထဲထိပင်ရောက်ရှိနေလေသည်။
သို့ပေသို့ငြားသော်လည်း ရင်ထဲမှ နှလုံးခုန်နှုန်းတွေကတော့ သာလှနှမ မယ်ဂွ ကောက်စိုက်သလို ယခုအချိန်ထိ ဗိုးသိုးဗက်သက်နှင့်ရယ်။
အခန်းထဲသို့ ကပြာကသီ ပြေးဝင်လာရင်း မီးဖိုရှေ့ဆောင့်ကြောင့်ထိုင်ချကာ တအိုအိုနှင့် ဘေးအိမ်က မိလုံးအားခေါ်သလို စမြုပ်ပြန်နေသော ဒီကလေးမကြောင့် ဒေါ်အမရာခဗျာ ကြောင်အအလေးဖြစ်နေရလေသည်။
"ဟဲ့ မိငယ်...ဟဲ့"
"ရှင်...ရှင် မေမေ"
"ရော ဒီကလေးမနှယ့် အမြဲကို ငိုင်တိငိုင်တိုင်နဲ့တကတည်း ဘာဖြစ်နေမှန်းကိုမသိပါဘူးတော် ကဲ သားငယ်လေးကိုရော နှိုးလာခဲ့ပြီလား...."
"ဟင့်အင်း...ငယ်....ငယ်... အို...."
"ရော လုပ်ပြန်ပြီ ဒီတအိုအိုနဲ့ ညည်းကို သားငယ်လေးကိုနှိုးဖို့ ကျုပ် လွှတ် လိုက်တာ လေ အခု ညည်းက ကလေးကိုမနှိုးဘဲနဲ့ ဒီကိုဘာပြန်လာလုပ်တာတုန်း မိငယ်ရဲ့"
YOU ARE READING
❣❣အို...ဦးနော်❣❣
Horrorမင်းဆိုးချင်သလောက် ဆိုးစမ်းပါ သဲငယ်လေးရယ် တစ်ခုပဲ ဦးဆိုတဲ့ငါ့ကိုမေ့မသွားရင်ရပြီ 💗💗မုဏ်းစေတန်💗💗 ကမ္ဘာတွေ အဆက်ဆက်ပြောင်းသွားမယ်ဆိုရင်တောင် သားရဲ့ အချစ်တွေဟာ ဦးနောက်ကို အမြဲတစေလိုက်နေမှာပါ ဦးရယ် 💗💗ကမ္ဘာလွှမ်း💗💗
