Unicode
"သား...သားလေး....မေမေ့သားလေး......မေမေ့ဆီကိုပြန်လာပါတော့ သားလေးရယ်...မေမေလေ.... မေမေ ရင်မောနေရပြီသားရဲ့...ပြန်လာခဲ့ပါ မေမေ့ဆီကို ပြန်လာခဲ့ပါ သားရယ်....သား...."
ရင်နင့်စဖွယ် ခပ်အက်အက်အသံလေးနှင့်အတူ သူ့နာမည်အား ပဲ့တင်ထပ်သည်အထိ တမ်းတမ်းတတခေါ်နေသော အမျိုးသမီးတစ်ဦးကြောင့် အမှောင်ထုကြား၌ လမ်းပျောက်နေရှာသော ကျွန်တော် ထိုအသံလာရာ အလင်းတန်းဆီသို့သာ နောက်ပြန်ခေါက်၍ လျောက်လှမ်းလာခဲ့လိုက်သည်။
"သား....သား...သား..."
မကြာခဏဆိုသလို သူမဆီမှ ကြားနေရသော သားဆိုသည့်အသံအသဲ့သဲ့တို့က ဘယ်အရပ်ဆီမှ ပေါ်ထွက်နေသည်ကိုတော့ ယခုအချိန်ထိ သူကိုယ်တိုင်တောင် မသိရသေးပေမဲ့လည်း သူသိနေတာကတစ်ခုကတော့ ထိုအသံက သူ့အတွက် သိပ်ကို နွေးထွေးလွန်းလှသည်ဆိုတာကိုပင်။
ထိုအခိုက် ဟန်ချက်မညီနိုင်အောင် မောဟိုက်တုန်ရီလာသော ရင်ခုန်သံသဲ့သဲ့တို့က အမှောင်ထုများကြားမှ သူ့အမြင်တို့အား သားဆိုသည့် ထိုအသံလေးနှင့်အတူ တစ်စတစ်စ ဝေဝါးစပြု လာခဲ့လေသည်။
"ဟူး...."
နှာခေါင်းထဲသို့ တစ်ချက်တစ်ချက် တိုးဝင်လာသော ဆေးနံ့ပြင်းပြင်းတို့ကြောင့် ယခုသူရောက်ရှိနေသော ထိုနေရာသည် သူမပျော်မွေ့သည် ဦးရှိရာ ကမ္ဘာဆိုတာကို သူသိလိုက်ရလေသည်။
မနေချင်လို့ ဝေးကွာအောင် ပြေးခွာခဲ့သော်လည်း မဆုံးသေးသော ကံကြမ္မာတို့က ကျွန်တော့အား သူရှိရာ နေကာဆီသို့ ရက်စက်စွာ ပြန်ဆွဲခေါ်လာခဲ့ပြန်လေသည်။
ဒါ့ကြောင့်မို့လည်း ယုံမှားသံသယတို့ဖြင့် နိုးတစ်ဝက်ဖြစ်နေရှာသော ဒီအိပ်မက်ရှည်တို့မှ နိုးထစေရန်အတွက် မည်သို့မည်ပုံ မှပင် ဖွင့်မရနိုင်အောင် လေးပင်နေရှာသည့် မျက်ခွံမိုမို့တို့အား အားယူ၍သာ ဖြည်းဖြည်းချင်းသူဖွင့်ဟလိုက်လေသည်။
"သား...သားလေး သတိရလာပြီလား မေမေလေ မေမေ ၊ မေမေ့ကို သိတယ်မလားဟင် သားလေး"
အမှောင်ထုများကြားမှ တစ်စတစ်စ ကျယ်ပြန့်လာသော အလင်းရောင်တို့ကြားတွင်ကား ဆံနွယ်ရှည်များကို ဘီးတစ်ပတ်သျှိုထားသည့် အမျိုးသမီးတစ်ဦးက သူ့ခေါင်းထက်တွင် လည်နေသော ပန်ကာလေ အေးအေးနှင့်အတူ သူ့အား ကြင်နာစွာပြုံးပြလေရဲ့။
YOU ARE READING
❣❣အို...ဦးနော်❣❣
Horrorမင်းဆိုးချင်သလောက် ဆိုးစမ်းပါ သဲငယ်လေးရယ် တစ်ခုပဲ ဦးဆိုတဲ့ငါ့ကိုမေ့မသွားရင်ရပြီ 💗💗မုဏ်းစေတန်💗💗 ကမ္ဘာတွေ အဆက်ဆက်ပြောင်းသွားမယ်ဆိုရင်တောင် သားရဲ့ အချစ်တွေဟာ ဦးနောက်ကို အမြဲတစေလိုက်နေမှာပါ ဦးရယ် 💗💗ကမ္ဘာလွှမ်း💗💗
