Unicode
သူ့သီချင်းသံပင် မဆုံးသေး သူ့ရင် ခွင်ထဲသို့ ခေါင်းခွေ့ ဝင်လာသော သည်းငယ်အား သူကြည့်လိုက်လေတော့ တရှူးရှူးတရှဲရှဲနှင့် ခုနကသူမဟုတ်သည့်အတိုင်း အိပ်မောပါကျနေလေရဲ့။
ဒါ့ကြောင့်မို့လည်း ဒီအကောင်ပေါက်လေးအား ဘေးနားတွင်ရှိနေသော ခေါင်းအုံးပေါ်သို့လက်ပြောင်းကာချပေးရင်း
ကြည့်မဝသော သူ့မျက်နှာ လှလှလေးကိုသာ မျက်တောင်မခတ်နိုင်သည်အထိ သူစိုက်ကြည့်နေမိသည်။
မိုးမောက်ကာ ဖုအစ်နေသော မျက်ခွံမို့မို့နှင့် ဝိုင်းစက်ကာ တွဲကျနေသော ပါးပြင်မို့မို့တို့က ထိုကလေးငယ်အား စွဲမက်ဖွယ် အရုပ်လေးအဖြစ် ပြောင်းလဲပေးနေသလိုပင်။
ဒါတင်မက တစ်ချက်တချက် အသက်ရှူလိုက်တိုင်း လှုပ်ခါသွားတတ်သော ဒီနှုတ်ခမ်းပါးလေးကလည်း ပုဝါမကူရေမရှူထားသည့်တိုင်အောင် အနီရောင်သန်းကာဖြင့် လှချင်တိုင်းလှလို့နေလေသည်။
အမှန်ပြောရလျှင်ဖြင့် ဒီပေါက်စီငယ်အား ငုံထားမတတ်သူချစ်မိပါသည်၊ သို့သော်လည်း မဆုံဆည်းနိုင်သော ကံကြမ္မာက သူတို့နှစ်ဦးကြားမှာ ချောင်းခြားထားပြီးသားမလို့ ဒီကလေးငယ်အား သူခွဲခွာသွားရတော့မည်ပေ။
ထိုအချိန် သူ့နားထဲကြားယောင်မိသည်က မ ဟုသူခေါ်သော ဟို မိန်းမ၏ စကားသံများ။
"အဟက်....အခုအချိန်မှာ မောင့်အတွက်ရွေးချယ်စရာ နှစ်ခုပဲရှိတော့တယ်"
" အဲ့တာက သူ့ကိုစွန့်လွှတ်ပြီးမကိုလက်ထပ်မလား ဒါမှမဟုတ် မကို ချောက်ချခဲ့တဲ့သူ့ကို ဂျေထဲအောင်းခိုင်းမလားဆိုတာပဲ"
"စဥ်းစားပါမောင် သေချာစဥ်းစားပါ.....ဒီနေ့ နေ့လည်ပိုင်းအထိတော့ မောင့်မှာ စဥ်းစားချိန်ရှိပါသေးတယ် ..."
"အော် ဒါနဲ့ မောင့်ဆုံးဖြတ်ချက်က မောင့်အသည်းကျော်လေးရဲ့ ဘဝတစ်ခုလုံးကို ဒုက္ခလှလှရောက်စေနိုင်တယ်ဆိုတာကိုတော့ မောင်မမေ့ပါနဲ့နော်...."
"ကဲ မ သွားပြီမောင်....ဟား....ဟား...."
နားထဲသို့ ပဲ့တင်ထပ်သံပမာ ထပ်ခါထပ်ခါ ကြားနေရသော ထိုမိန်းမအသံတို့က ပျောက်ကွယ်လုနီးပါး သူ့ ဒေါသအရှိန်တို့အား အဆုံးအစွန်ထိ မြင့်တက်စေလွန်းလှပါသည်။
YOU ARE READING
❣❣အို...ဦးနော်❣❣
Horrorမင်းဆိုးချင်သလောက် ဆိုးစမ်းပါ သဲငယ်လေးရယ် တစ်ခုပဲ ဦးဆိုတဲ့ငါ့ကိုမေ့မသွားရင်ရပြီ 💗💗မုဏ်းစေတန်💗💗 ကမ္ဘာတွေ အဆက်ဆက်ပြောင်းသွားမယ်ဆိုရင်တောင် သားရဲ့ အချစ်တွေဟာ ဦးနောက်ကို အမြဲတစေလိုက်နေမှာပါ ဦးရယ် 💗💗ကမ္ဘာလွှမ်း💗💗
