(Unicode) ''' Twinkle Twinkle, little star
How I wonder what you are
Up above the world so high
Like a diamond in the sky ´´´
နားထဲ၌ ချိုသာစွာ သီဆိုနေသော တစ်စုံတစ်ယောက်၏ အသံကြောင့် အက်ဆစ် မျက်လုံးအစုံကို ဆတ်ခနဲဖွင့်ဟလိုက်မိသည်။ ပတ်ဝန်းကျင်တစ်ခွင်ဟာ အရမ်းလင်းထိန်နေလွန်းတော့ မျက်ခုံးပေါ်သို့ လက်ကို ပင့်တင့်လိုက်မိပြီး ရောက်နေတဲ့နေရာကနေ သူမတ်တတ်ထရပ်လိုက်သည်။
** ငါ ဘယ်ရောက်နေတာလဲ? **
အရာအားလုံးဟာ ပီပီပြင်ပြင်မရှိတဲ့အပြင် လင်းထိန်နေလွန်းတော့ အက်ဆစ် သူ့ကိုယ်သူ ဘယ်ရောက်နေမှန်းမသိပဲ စမ်းတဝါးဝါးဖြင့် လျှောက်သွားနေစဉ် ခုံတန်းတစ်ခု၌ သီချင်းထိုင်ဆိုနေသော တစ်စုံတစ်ယောက်၏နောက်ကျောကို သူလှမ်းမြင်လိုက်ရသည်။
" ရှိန်းနက်?? "
သေးသွယ်တဲ့နောက်ကျောကို မြင်ရုံနှင့်တင် အက်ဆစ်မှာ ထိုလူဟာ ရှိန်းနက်မှန်း တန်းသိလိုက်ပြီး သူ့သူငယ်ချင်းဆီသို့ အပြေးသွားဖို့ ဆုံးဖြတ်လိုက်၏။ ထိုစဉ် . . .
" တစ်ယောက်တည်း ပျင်းနေလား။ လာ ငါနဲ့လိုက်ခဲ့။ ဟိုဘက်မှာ ပျော်စရာတွေအများကြီးရှိတယ် "
ဂါဝန်အဖြူဝတ်ထားသည့် ချစ်စရာကောင်းသော မိန်းကလေးဂျူရီက ရှိန်းနက်အနားသို့ ရောက်လာကာ အဝေးတစ်နေရာသို့ ခေါ်သွားဖို့ လုပ်နေခဲ့သည်။ သူ့ကိုတစ်ယောက်တည်း ထားရစ်ခဲ့ပြီး ထွက်သွားဖို့လုပ်နေသော ရှိန်းနက်နဲ့ဂျူရီကို အက်ဆစ် လက်လွှတ်မခံနိုင်ပဲ အဝေးကနေ တားမြစ်ဖို့ အတင်းအော်ခေါ်လိုက်မိသည်။
" ဂျူရီ . . မင်းတို့ မင်းတို့ ဘယ်သွားမလို့လဲ? ငါ့ကို မင်းတို့ ကတိပေးထားခဲ့ကြတယ်လေ။ ငါနဲ့အတူနေမယ်ဆို . . ငါ့ကိုပစ်မသွားပါဘူးဆို . . "
မျက်စိရှေ့မှာရှိနေတဲ့သူငယ်ချင်းများကို မခွဲခွါနိုင်၍ သူ့ဆီပြန်လာဖို့ လက်လှမ်းရင်း မျက်ရည်ဝိုင်းလည်နှင့် ပြောလာခဲ့တော့ ရှိန်းနက်နဲ့ဂျူရီက သူ့ကို သူစိမ်းဆန်သောမျက်ဝန်းများဖြင့် စူးစိုက်ကြည့်လာခဲ့ကြ၏။
" နင်က ငါတို့နဲ့အတူနေဖို့ မထိုက်တန်ဘူး။ နင့်ကြောင့် ငါတို့နှစ်ယောက်စလုံး အသက်မဲ့ခဲ့ရတာ. . နင့်ကြောင့်ပဲ. . နင့်ကြောင့် "
VOCÊ ESTÁ LENDO
Hard Murder 1(Complete)
Mistério / Suspense(Uni)စိတ္တဇလူသတ်သမားတစ်ဦးနှင့်ချစ်ကြိုက်မိခြင်း ဤFictionသည် Psycho 18+အမျိုးအစားဖြစ်၍ စိတ်ပိုင်းဆိုင်ရာ အားနည်းသူများနှင့် နှလုံးအခံရှိသူများ ဖတ်ရန် မသင့်လျော်ပါ။ စာရေးသူ ကိုယ်ပိုင်ဖန်တီးထားသော မူပိုင်ဝတ္ထုတစ်ပုဒ်ဖြစ်ပြီး မည်သူတစ်ဦးတစ်ယောက်ကိုမျှ ထ...
