(Unicode) " ဟေ့ ဟာလေစံ . . ခေါ်နေတာ မကြားဘူးလား? ဟေ့လူ "
နောက်တစ်နေ့ မနက်မိုးလင်းချိန်တွင် ဟာလေတစ်ယောက် နှိပ်စက်ခံထားရတဲ့ဒဏ်ကြောင့် တစ်ဖက်လူ၏ခေါ်သံကို ကြားပါလျှက် မထနိုင် ဖြစ်နေခဲ့လေသည်။
" ဟင်း. . . "
" သူများအိမ်မှာ အိပ်ချင်တိုင်း အိပ်လို့ ရမလား။ ထစမ်း။ အလုပ်မှာ မအိပ်ခဲ့ရတာတွေကို အတိုးချပြီး အိပ်မနေနဲ့။ မထရင် ခွေးနဲ့ ရှူးတိုက်ပစ်မှာနော် "
ဝုတ် ဝုတ် . . .
စိတ်မရှည်စွာ ပြောဆိုသံနှင့်အတူ ခွေးဟောင်သံတချို့ကို ထပ်ကြားလိုက်ရတော့ ဟာလေလန့်သွားပြီး မျက်လုံးကို ဆတ်ခနဲ ဖွင့်ကြည့်လိုက်မိသည်။
" အား ကျွတ်ကျွတ် "
ဖွင့်ဟလာတဲ့မျက်ဝန်းထဲမှာ ဝှီးချဲတစ်ခုပေါ် ထိုင်နေတဲ့ခြေထောက်တစ်စုံရယ် ခွေးနက်တစ်ကောင်ရယ် မြင်လိုက်ရတော့ ဟာလေ လန့်ပြီး အတင်းကုန်းထလိုက်မိ၏။
ခြေထောက်တစ်ဖက်ကလည်း အရမ်းကိုက်ခဲနေပြီး အရိုက်ခံထားရသည့်ခေါင်းကလည်း မူးဝေလေးလံနေခဲ့တော့ ဖြစ်နေသမျှအရာအားလုံးက ဟာလေအတွက် အိပ်မက်သဏ္ဍာန် ဝေဝါးဝါးသာ ရှိနေခဲ့သည်။
သို့သော် အိပ်မက်မဟုတ်။ သူတကယ်ခံနေရသည့် ငရဲသာ ဖြစ်သည်။
" အက်ဆစ်? "
သူထကြည့်လိုက်တဲ့အခါ ဝှီးချဲပေါ် ထိုင်နေသည်က အက်ဆစ်သာ ဖြစ်၏။
အက်ဆစ်ကတော့ လက်ပိုက်ပြီး ဖြူဖက်ဖြူရော်ဖြစ်နေသည့်သူ့အား စိတ်မရှည်သည့်ဟန်ဖြင့် ကြည့်နေခဲ့သည်။
" နိုးလာရင်လည်း လူကို ကြောင်ကြည့်မနေနဲ့လေ။ ဘေးမှာ အဝတ်အစားရှိတယ်။ မတွေ့ဘူးလား။ အဲ့ဒါ လဲဝတ်ပြီး ဒီဝှီးချဲနဲ့ မီးဖိုခန်းကို လာခဲ့။ နေရာတွေတော့ မှတ်မိပါတယ်နော် "
" ဟင်? ငါ ဘယ်ရောက်နေတာလဲ? "
နိုးနိုးချင်း ပတ်ဝန်းကျင်ကို သတိမထားမိပေမယ့် အခု သေချာပြန်ကြည့်လိုက်မှ သူဟာ လှေကားရင်းမှာ ခွေးတစ်ကောင်လို ချည်နှောင်ခံထားရတာမဟုတ်ပဲ အခန်းတစ်ခုအတွင်းမှာ ရှိနေသည်ကို သတိထားလိုက်မိလေသည်။
ဘယ်အချိန်က သူ့ကို အက်ဆစ် ရွှေ့ပေးလိုက်တာလဲ မသိ၍ ပြူးကြောင်ကြောင်နှင့် မေးလိုက်မိတော့ အက်ဆစ်က သူ့ကို ဂရုမစိုက်ပဲ အပြင်သို့ ထွက်သွားခဲ့လေသည်။
ВЫ ЧИТАЕТЕ
Hard Murder 1(Complete)
Детектив / Триллер(Uni)စိတ္တဇလူသတ်သမားတစ်ဦးနှင့်ချစ်ကြိုက်မိခြင်း ဤFictionသည် Psycho 18+အမျိုးအစားဖြစ်၍ စိတ်ပိုင်းဆိုင်ရာ အားနည်းသူများနှင့် နှလုံးအခံရှိသူများ ဖတ်ရန် မသင့်လျော်ပါ။ စာရေးသူ ကိုယ်ပိုင်ဖန်တီးထားသော မူပိုင်ဝတ္ထုတစ်ပုဒ်ဖြစ်ပြီး မည်သူတစ်ဦးတစ်ယောက်ကိုမျှ ထ...
