စာမေးပွဲ နောက်ဆုံးနေ့ဖြစ်တယ်။ ကျောင်းဝန်းထဲက ထွက်လာကြတဲ့ ကျောင်းသားတွေနဲ့အတူ ရှောင်းကျန့်တို့ အုပ်စုပါ တပျော်ကြီးပါလာလေရဲ့။
ကျန်းဟိုင်က စာမေးပွဲပြီးတဲ့အထိမ်းအမှတ်နဲ့တစ်ခုခုသွားစားကြဖို့ ပြောတဲ့အခါ ငြင်းတဲ့သူရယ်လို့မရှိ။
" စီချွမ်ဟော့ပေါ့ "
"အစားပုပ်ကောင်"
ရှောင်းကျန့်က အစားသိပ်မက်လွန်းတဲ့ ချန်းဖန်ရဲ့ ခေါင်းကိုလှမ်းပုတ်တော့ သူ့တို့ထဲမှာ အကောင်အသေးဆုံးဖြစ်တဲ့ ချန်းဖန်က ဆူပုပ်ပုပ်ရယ်။
"မင်းတို့ရော မစားမှာလည်းမဟုတ်ဘဲနဲ့များ "
ရယ်ရယ်မောမောနဲ့ ပေါ့ပါးစွာထွက်လာတဲ့ ခြေလှမ်းတွေက ကျောင်းဝမှာ ရပ်နေတဲ့ ကောင်လေးကိုမြင်တော့ ရပ်တန့်သွားတယ်။
ဝမ်ရိပေါ်က မျက်ရည်တွေအဝဲသားနဲ့ ကျောင်းဝမှာ ကျောင်းထဲကို တမျှော်မျှော်နဲ့ လှမ်းကြည့်နေရဲ့။ ပါးဖောင်းဖောင်းလေးတစ်ချို့ဟာ နီလို့ရဲလို့ ။
" ကျန့်ကျန့်... ဟိုမှာရိပေါ်... "
မြင်ရက်နဲ့ မမြင်ချင်ယောင်ဆောင်ပါတယ်ဆို ဒီငနဲသားတွေကတစ်မျိုး။
" ကျန့်ကျန့်... ကလေးက မင်းကိုရှာနေတယ်ထင်တယ် "
ကျန်းဟိုင်က ကြင်နာတတ်သူပီပီပဲ ရိပေါ်ကို အကဲခတ်မိသလို။
" ဘာဖြစ်ဖြစ်ကွာ "
ရှောင်းကျန့်က ဒီလို ပြောပေမဲ့ ခြေလှမ်းတွေက သူ့ကိုမမြင်သေးတဲ့ ရိပေါ်ဆီကိုပဲ ဦးတည်နေလိုက်မိတယ်။
သူ့ကိုမြင်တာနဲ့ နှာတရှုံ့ရှုံ့ထပ်လုပ်ပြီး ငိုတဲ့ ရိပေါ်။ ဒီလိုငိုတာမျိုး မြင်ဖူးတာ ရှောင်းကျန့်အတွက် ပထမဆုံးဖြစ်လိမ့်မယ်။
"ဘာဖြစ်တာလဲ... ရုပ်ကလည်း ပေပွနေတာပဲ "
"ကိုကြီးကျန့် ကျန့်... ဖေဖေ.. ဖေဖေ... ဆေးရုံ... "
ဆေးရုံဆိုတဲ့စကားကြောင့် ရှောင်းကျန့်မျက်ခုံးတွေ တွန့်ကျိုးသွားတယ်။
" ဖေဖေ့ကားကို ကားတစ်စီးက ဝင်တိုက်လိုက်တာ... "
" ဖေဖေ... ဖေဖေ့ကို ကယ်ပါဦး "
BẠN ĐANG ĐỌC
𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||
FanfictionDon't come into my life No... if you have a plan to leave me , don't come in...
