Unicode
ရှောင်းကျန့်က စာတွေလက်စသတ်ပြီးလို့ နာရီကိုလှမ်းကြည့်တော့ သုံးနာရီကျော်ပြီ။ ဒီနေ့သူအတော်လေး စိတ်ပါဝင်စားဖြစ်သွားတာမို့ အိပ်ချိန်ပါလွန်သွားပြီ။
တစ်ငုံစာလောက်ကျန်နေသေးတဲ့ နွားနို့ကိုမော့ချလိုက်ပြီး ခဏခဏလာကပ်သွားတတ်တဲ့ sticky note လေးတစ်ခုကို ယူပြီး စာအုပ်ကြားထဲညှက်လိုက်တယ်။
"အရူးကောင်လေး"
ချိခနဲအသံထွက်အောင်ရယ်လိုက်ရင်း ထိုင်ရာကထရပ်လိုက်တယ်။ ညောင်းညာနေတဲ့ခါးတွေကို ဟိုသညါချိုးချလိုက်တော့ တဂျွတ်ဂျွတ်အသံနဲ့အတူ ပေါ့ပါးသွားသလိုခံစားရတယ်။
တအိမ်လုံးအိပ်နေကြပြီမို့ ညအိပ်မီးဝါဝါလေးတွေအပြင် တအိမ်လုံးက မှုန်မှိုင်းလို့
နွားနို့ခွက်ကိုကိုင်ရင်း မီးဖိုခန်းရှိရာကိုဆင်းဖို့ပြင်တော့ အိမ်ရှေ့ခန်းက စားပွဲပုလေးမှာ ခန္ဓာကိုယ်လူံးလုံးလေး။ စားပွဲပုလေးမို့ ကြမ်းပြင်မှာ တင်ပျဉ်ခွေထိုင်ရင်းတစ်ခုခုလုပ်နေတဲ့ အရူးလေးက အိပ်ပျော်သွားပုံပါပဲ။
ရှောင်းကျန့်က ဘယ်သူမှမကြားနိုင်တဲ့ ခြေသံဖွဖွနဲ့ မှောက်အိပ်နေတဲ့ကောင်လေးရဲ့ဘေးကို လျှောက်သွားလိုက်တယ်။
စားပွဲပေါ်လက်တဖက်တင်ပြီး အဲ့ဒီ့လက်တစ်ဖက်ပေါ်မှာပါးကိုမှေးတင်လို့ အိပ်ပျော်နေတယ်။ လက်မောင်းကိုအားပြုပြီး ဖိထားတဲ့ ပါးပြင်ကလည်း လုံးပြီးထွက်နေတယ်။
နှုတ်ခမ်းဟဟလေးဖြစ်နေတာကြောင့် သွားညီညီတစ်ချို့ဟာလှစ်ဟလို့ ပေါ်နေတယ်။
လစ်ဟာနေတဲ့ ပါးတစ်ဖက်ကိုရှောင်းကျန့်က သူကိုယ်တိုင်တောင်မသိလိုက်ပဲ လက်ညှိုးလေးနဲ့ တို့လိုက်တယ်။ နစ်ဝင်သွားတဲ့ လက်ချောင်းထိပ်ကလေး။ လှုပ်ခပ်သွားတဲ့ မျက်တောင်တိုစိပ်စိပ်လေးတွေ။
ရှောင်းကျန့် ပြုံးမိသွားတယ်။ တကယ်ပဲ ဝမ်ရိပေါ်က သူ့အနားမှာပဲရှိနေပြီး သူရစ်သမျှ ဂျစ်သမျှကို တသက်လုံးသည်းခံပေးရင်ကောင်းမှာပဲ။
ဒါက အထက်တန်းကျောင်းသားလေးတစ်ယောက်ရဲ့ အမျိုးအမည်မသိတဲ့ လောဘလေးတစ်ခုဖြစ်လောက်ပါတယ်။
YOU ARE READING
𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||
FanfictionDon't come into my life No... if you have a plan to leave me , don't come in...
