Unicode
လူနေကျဲတဲ့ တောင်ပေါ်မြို့လေးမှာ နေကျဲကျဲသာတယ်။ ဒီကိုရောက်လာဖို့ လေယာဉ်အဆင့်ဆင့်စီးရတာမို့ တစ်ရက်နီးပါးကြာမြင့်တယ်။
ရှောင်းကျန့်က အသိအကျွမ်းသိပ်ပေါ်တာမို့ ဒီလိုမြို့ငယ်လေးမှာတောင် အရာအားလုံးကိုအဆင်ပြေပြေစီစဉ်ပြီးနှင့်နေပြီ။
လူအရောက်အပေါက်နည်းလွန်းတဲ့ မြို့ငယ်လေးမို့ ခရီးသွားဆိုတာလည်းများများစားစားရှိမနေ။
"အဲ့ဒါဆို Church မှာပဲပေါ့နော်... လာမယ့်တနင်္ဂနွေနော်"
မေမေတို့ကိုပါ ခေါ်လာတာကြောင့် ရှောင်းကျန့်က ဟိုတယ်မှာပြင်ဆင်စရာရှိတာပြင်ဆင်ပြီးတော့ သူတို့နှစ်ယောက်အခန်းထဲဝင်လာတယ်။
bathrobe လေးဝတ်ပြီးထွက်လာတဲ့ ရိပေါ်က ဆံပင်အုပ်အုပ်ကလေးမှာ ရေစက်လက်။
"ခေါင်းလျှော်ထားတာလား... မြန်မြန်လုပ်လေ အေးတယ် ရိပေါ်"
တောင်ပေါ်ဒေသမို့ရာသီဥတုက ထင်ထားတာထက် ပိုလို့ချမ်းစိမ့်နေတယ်။
"ရေနွေးနဲ့ပါ ကိုကိုရ"
"အင်္ကျီမြန်မြန်လဲဝတ်"
ရှောင်းကျန့်က ကုတင်ပေါ်ကတင်ထားတဲ့ အင်္ကျီတွေကို လှမ်းပေးလိုက်တော့ ရိပေါ်ကမျက်လုံးတွေမှေးပြီး ပိုတတ်ရန်ကောဆိုတဲ့အကြည့်နဲ့ပြန်တုံ့ပြန်လာတယ်။
စိုးရိမ်နေတာကို ပြောင်နေတယ်ထင်နေသလား!
"ခေါင်းကို ကိုကိုလုပ်ပေးမယ်လာ"
အင်္ကျီလဲပြီးပြန်ထွက်လာတဲ့ရိပေါ်က ဆံပင်အခြောက်ခံစက်ကိုအခုနောက်ပိုင်းလုံးဝမသုံးတာသူသတိထားမိတယ်။
အစိမ်းရောင်ဆံပင်တွေဆိုးပြီးကတည်းက ဆံပငါတွေပျက်စီးသွားလို့တဲ့။ ရိပေါ်က လှလည်းလှချင်သေးတယ်။
"ကိုကို..."
"အင်း... "
"စိတ်လှုပ်ရှားလိုက်တာ"
"လက်ထပ်ရတော့မှာကိုလား"
"ဟင့်အင်း ကိုကို့အပိုင်ဖြစ်တော့မှာကို"
"ဟားဟား.. "
ရှောင်းကျန့်က ခေါင်းကိုနာက်လှန်ချပြီးတော့ကိုအားပါးတရရယ်တယ်။ ရိပေါ်ကတော့ တဘက်ကိုဖယ်ပြီး မျက်လုံးတွေမှေးလို့ စူပုပ်ပုပ်ပြန်ကြည့်ပါတယ်။
YOU ARE READING
𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||
FanfictionDon't come into my life No... if you have a plan to leave me , don't come in...
