Unicode
ခွက်ထဲက ယမကာတွေ ကုန်စင်သွားတဲ့အခါ ဘာမျှမရှိတော့တဲ့ ထိုဖန်ခွက်ကို အကြမ်းပတမ်းပစ်ချသံက တိတ်ဆိတ်နေတဲ့ အိမ်ကိုဖုံးလွှမ်းသွားတယ်။
"ကျစ်!!!"
ရှောင်းကျန့်က စိတ်ဆတ်နေမိတာ တစ်ရက်နှစ်ရက်မကတော့ဘူး။
အရာရာအဆင်မပြေဘူးလို့ လက်ခံမိတဲ့အချိန်မှာ ဒေါသတွေချည်းလှိမ့်ထွက်လာတယ်။
"တောက်... ကွာ"
***ခွမ်း!***
မျက်လုံးထဲမှာပြန်မြင်ယောင်တဲ့ လမ်းမခွဲခင်က အဖြစ်အပျက်ကြောင့် ဖန်ခွက်အလွတ်ကို နံရံမှာပစ်ပေါက်ခွဲလိုက်တော့တာပဲ။
အိမ်ပြန်မလာတော့တဲ့ ရိပေါ်က စတူဒီယိုမှာပဲ နေထိုင်ဟန်။ ချစ်ပေးခဲ့သားနဲ့ ရိပေါ်ဖက်က နည်းနည်းလေးတောင် သူ့အပေါ် ချော့မော့ခြင်းမရှိတဲ့အခါ ပိုလို့မခံမရပ်နိုင်ဖြစ်ရတယ်။
ဖန်ခွက် ကြေကွဲသွားသံကြောင့် ဗစ်တာဆိုတဲ့ ကြောင်ညိုဟာ ထမင်းစားပွဲအောက်ဝင်ပြေးသွားတယ်။
ရှောင်းကျန့်က အတော်အသင့်တော့ မူးထွေနေပြီ။
"တောက်..."
ဒုတိယမြောက် တောက်ခတ်သံဟာ ပိုလို့ကျယ်လောင်တယ်။ ကားသော့ကိုယူလို့ ဦးတည်ရာမဲ့ မောင်းထွက်လိုက်တဲ့အခါ အလိုလိုရောက်သွားတာ စတူဒီယိုရှေ့ပဲဖြစ်တယ်။
စတူဒီယိုရဲ့ အပြင်ဖက်မျက်နှာစာက မီးလေးထွန်းထားတယ်။
တိတ်တိတ်ဆိတ်ဆိတ်ဖြစ်နေတဲ့ပတ်ဝန်းကျင်နဲ့အတူ ညဟာ မှောင်မိုက်တယ်။ ရှောင်းကျန့်က ထွေပြားနေတဲ့ အာရုံတွေကြားကနေ စတူဒီယိုကို အကြာကြီးစောင့်ကြည့်နေခဲ့တယ်။
နာရီဝက်လောက်အကြာမှာပဲ လူရိပ်တစ်ခုက စတူဒီယိုအပြင်ဖက်ကိုထွက်လာတယ်။
ဆောင်းတွင်းမို့ ချမ်းစီးစီးဖြစ်နေတဲ့ အဲ့ဒီ့လူက ဖောင်းပွပွကုတ်အင်္ကျီထဲမှာ မြုပ်နေတော့တာပဲ။
အနည်းငယ်ရှည်နေပြီဖြစ်တဲ့ ဆံပင်အုပ်အုပ်ကလေးတွေက နဂိုမူလ အညိုရောင်ပြန်ပြောင်းထားတယ်။
YOU ARE READING
𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||
FanfictionDon't come into my life No... if you have a plan to leave me , don't come in...
