𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||

36. ဝက်မှိုလုံးက ဂျယ်လီမကြိုက်ဘူး

Unicode

" ဝမ်ရိပေါ်... မင်း ခြေထောက်လည်းနာနေတာကို နားလိုက်တော့ "

ရိပေါ်ရဲ့ စတူဒီယိုက လူမျိုးခြားသူငယ်ချင်းက ခေါင်းမာလွန်းတဲ့ ရိပေါ်ကို တားတယ်။

ရိပေါ်က ပြင်းပြင်းထန်ထန်လေ့ကျင့်ထားလို့ ဟိုရက်က ခြေထောက်လည်းထိထားပြီးပြီ။

"ရိပေါ် မင်းခြေထောက်သုံးစားမရဘဲနေသွားမယ်... F**k"

အဆဲသံတွေ ညံသွားတော့မှ ဝမ်ရိပေါ်က ကနေတာကို ရပ်ရင်း အခန်းထောင့်မှာကျုံ့ကျုံ့လေးသွားထိုင်တယ်။ ပြိိးတော့ နာနေတဲ့ခြေချင်းဝတ်ကို ခပ်သာသာနှိပ်နယ်နေတယ်။

"ရိပေါ် တစ်ပတ်လောက်အနားယူသင့်တယ် မင်းခြေထောက်ဒဏ်ဖြစ်သွားလိမ့်မယ်"

​ရိပေါ်က ခေါင်းရမ်းပြရင်း ခြေထောက်ကိုပဲ ဆက်ပြီး နှိပ်နယ်နေတယ်။

အနားယူရင် သူမေ့မေ့လျော့လျော့မနေနိုင်တာကြောင့် ရိပေါ်က အနားယူဖို့ကိုဝန်လေးတယ်။ နောက်ပြီး ကိုကိုနဲ့ မိန်းကလေးအကြောင်းပဲ တွေးနေမိရင် သူက နေရထိုင်ရ ခက်ခဲတယ်မဟုတ်လား။

ရိပေါ်ရဲ့ နေ့ရက်တွေက လမ်းခွဲကြပြီးအချိန်ကတည်းက ခက်ခဲခဲ့တာတော့ အမှန်ပဲ။

•
•
•

"ချန်းဖန်... ငါတို့ သဘက်ခါလောက်သွားမယ်... "

(Note- အရင်အပိုင်းတွေမှာ ချန်းမန်လို့ မှားရေးမိထားတာ ပြင်ဆင်ဖတ်ရှူပေးပါရန်)

"ညနေလောက်ထွက်ကြမယ်လေ သိပ်မဝေးလွန်းတော့ ညလောက်ရောက်ရင် မားတို့ဆီမှာတည်းမယ်"

ရှောင်းကျန့်ဖုန်းပြောနေသံကို နားထောင်နေတာမဟုတ်ပေမယ့် အတိုင်းသားကြားနေရတယ်။

"အင်း အားရင်လိုက်ခဲ့မယ်ပြောတယ်... သူ့အမေလည်း နေကောင်းနေပြီလေ"

အနားကနေ ထော့နဲ့နဲ့ဖြတ်လျှောက်သွားတဲ့ ရိပေါ်ကို မြင်တော့ ရှောင်းကျန့်က အန်ဂျယ့် နာမည်ထည့်ပြောဖို့ပါစဉ်းစားတယ်။

"အန်ဂျယ့်ကို ငါက လိုက်စေချင်နေတာ... သူရောက်ရင်ပျော်မှာ"

ပိုပိုသာသာနဲ့ ခပ်ကျယ်ကျယ်လေးပြောရင်း လူဆိုးပေါက်စကို ဝေ့ဝိုက်ကြည့်တယ်။