Unicode
A/N - Read at your own risk.
•••
ကိုကိုငိုနေတယ်။
သူ့မျက်စိရှေ့မှာ မျက်ခမ်းစပ်တွေနီလို့ မျက်သားတွေပါ ရဲနေတဲ့အထိ ငိုငိုက သူ့ကိုကြည့်ပြီးငိုနေခဲ့တာ။
"မငိုနဲ့တော့လေ ကိုကိုရယ်"
ပြောမှခေါင်းငုံ့သွားပြီဆက်ငိုနေတယ်။ ကိုကို ဒီလောက်ငိုတတ်မှန်း ရိပေါ်မသိဘူး။ ကိုကိုက ခန္ဓာကိုယ်တွေတုန်နေတဲ့အထိ လည်ပင်းကြောတွေထောင်နေတဲ့အထိကိုငိုတာ။
"တိတ်ပါတော့ ကျွန်တော့ချစ်သူရယ်"
ရိပေါ်က ကုတင်ပေါ်တင်ပျဉ်ခွေထိုင်ရင်း မျက်နှာချင်းဆိုင်ထိုင်ကာ ငိုနေတဲ့ ကိုကို့ကို ထွေးဖက်ပေးဖို့ ခြေထောက်တွေကိုပုံပြောင်းထိုင်လိုက်တယ်။
ပြီးတာနဲ့ ဒူးထောက်ပြီး ကိုယ်ကိုမတ်ရင်း ကိုကို့ကို ထွေးပိုက်လိုက်တယ်။ ကိုကို့ခေါင်းလေးကိုအသာပွေ့လိုက်တော့ သူ့ရင်ခွင်ထဲ ခပ်ယဲ့ယဲ့လေးပါလာလေရဲ့။
"မငိုနဲ့တော့ မောနေမယ်လေ"
"ကိုကို့ကို အဲ့လိုတွေမလုပ်ပါနဲ့... "
"အင်း အင်း... မလုပ်ဘူးနော်... မငိုပါနဲ့တော့ဗျာ... "
ကိုကိုက သူ့ကိုစိုးရိမ်လည်းလွန်တယ်။ အများကြီးလည်း စိတ်ပူတတ်တယ်။ အခုလည်း အလုပ်ကိစ္စနဲ့ ခရီးသွားတာကို ပြောမသွားတဲ့ ကိုကို့ကို စိတ်ဆိုးလို့အိမ်ပြန်မလာ ဖုန်းလည်းမကိုင်လုပ်မိရာကနေ ကိုကိုငိုတဲ့အထိဖြစ်ကုန်တာပဲ။
•
•
•
လွန်ခဲ့တဲ့ ရက်သတ္တပတ်
ကိုကိုက ဒီနေ့သူ့ကိုလာကြိုဖို့နောက်ကျနေတယ်။ စတူဒီယိုမှာထိုင်စောင့်နေရင်းနဲ့ ဖုန်းကိုကြည့်မိတော့ နာရီဝက်လောက်အကြာမှာမှ ဝင်လာတဲ့ ကိုကို့ဆီက စာတစ်စောင်။
"ကိုယ် စင်္ကာပူက ရုံးခွဲကိုခဏသွားရမှာ လေးရက်ကြာမယ်ရိပေါ်... အရေးကြီးလိုပါ"
ရိပေါ်က စိတ်ကောက်ချင်ပေမယ့် အလုပ်လေးစားတတ်တဲ့ ကိုကို့ကို နားလည်ပါတယ်။
VOCÊ ESTÁ LENDO
𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||
FanficDon't come into my life No... if you have a plan to leave me , don't come in...
