Unicode
ရိပေါ် ကောကော ဆံပင်အရှည်ကြီး မရှိတော့ဘူး... ဆိုပြီး အာပြဲကြီးနဲ့ ငိုပြီး ထွက်သွားတဲ့ ကလေးလေးကိုကြည့်ပြီး ရိပေါ်မှာ ငိုရရယ်ရ ခက်တယ်။
အမှန်တော့ သူလည်း စိတ်ရှုပ်တာရယ်... ဒီကလေးကြောင့်ရယ်လည်းနည်းနည်းပါတာကြောင့် ညှပ်ပစ်လိုက်တာ။
မနက်ကမိုးလင်းတော့ ဆံပင်တွေကိုပွတ်ပေးရင်းနဲ့ လက်ချောင်းသွယ်သွယ်တွေနဲ့ အရက်နာကျနေတဲ့ ခေါင်းကို နှိပ်နယ်ပေးရင်း ကိုကိုက သဘောကျကြောင်းပြောလာတော့ ရိပေါ် စိတ်မကောင်းမဖြစ်တော့ပါဘူး.
ကိုကိုက ဘာမဆိုသဘောကျမယ်တဲ့လေ။
"အစ်ကို ရိပေါ်... ဆရာက လာခဲ့ဖို့ခေါ်နေတယ်"
မနက်ကအကြောင်းပြန်တွေးရင်းနဲ့ ဖိုင်တွဲတွေစီနေတုန်း ကိုကို့အတွင်းရေးမှုးက လာပြောတာကြောင့် ရိပေါ် အင်္ကျီကို သပ်သပ်ရပ်ရပ်ဖြစ်အောင်ပြင်လိုက်တယ်။
ခြေလှမ်းတွေက မြောက်ကြွကြွ...
"ကိုကို... ကျွန်တော်လာတယ်"
တံခါးဖွင့်ပြီးဝင်ဝင်ချင်းပဲ စားပွဲပေါ်ကို မှေးပြီး ထိုင်နေတဲ့ ကိုကိုက ခြေတံရှည်တွေကို ဆန့်ထုတ်ထားတာ သိပ်ကြည့်လို့ကောင်းတာပဲ။
"လော့ချခဲ့ ရိပေါ်"
ရုံးခန်းတံခါးပိတ်ပြီးမှ ကိုကို့ရဲ့ အမိန့်အသံကြောင့် လော့ချလိုက်ရတယိ။
လော့ချပြီး အလှည့်မှာ ကိုကိုက လက်နှစ်ဖက်ကိုဘေးဖြန့်ကားလို့ ရိပေါ်ကိုကြိုဆိုတယ်။
အလိုက်တသိ ထွေးဖက်ထားရင်းနဲ့အတူ ကိုကို့ရဲ့ ပါးပြင်ချောမွတ်မွတ်ကို အနမ်းတစ်ပွင့်သက်ရောက်စေလိုက်တယ်။
"ခေါင်းကိုက်နေသေးလား ပေါင်ပေ့"
လက်ချောင်းတွေကို ရိပေါ်နားထင်မှာ ခိုကပ်စေရင်း လက်ညှိုးနဲ့ လက်ခလယ်တွေကိုအသုံးပြုပြီး နှိပ်နယ်ပေးတယ်။
"မကိုက်တော့ပါဘူး... ဟီး"
"နောက်တခါ မူးအောင်မသောက်နဲ့"
"ဟုတ်... "
အောက်နှုတ်ခမ်းကို ပင့်တင်ပြီး စူထော်ထော်လုပ်တယ်။
ESTÁS LEYENDO
𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||
FanfictionDon't come into my life No... if you have a plan to leave me , don't come in...
