Unicode
" ကိုကို... မဟုတ်ဘူး... ကိုကိုထင်သလိုမဟုတ်ပါဘူး "
နီရဲနေတဲ့ မျက်ဝန်းတွေနဲ့ ကိုကိုက သူ့ကိုဒေါသထွက်နေတယ်။
ခေါင်းတရမ်းရမ်းနဲ့ ငြင်းဆိုနေလည်း ရှောင်းကျန့်က သူ့ကို ယုံကြည်မှုမရှိ။
"မလုပ်ပါနဲ့ အဲ့လိုမလုပ်ပါနဲ့ ကိုကိုရယ်"
နာနာကြဉ်းကြဉ်းကြည့်ပြီး သူ့ကိုကျောခိုင်းလှည့်ထွက်သွားဖို့ ပြင်တဲ့ကိုကို့ကို သူဘယ်လိုတားရမလဲ... ။
"ကိုကို မသွားပါနဲ့... ကိုကို"
ရှောင်းကျန့်က သူ့ကို တကယ်ပဲ လှည့်မကြည့်ဘဲ ထွက်သွားတယ်။ ဘယ်လိုအားနဲ့တားရမလဲ မသိတဲ့အထိ ရိပေါ် ပင်ပန်းလာတယ်။
"ကိုကို !!!"
"ကိုကို!!!"
မျက်ဝန်းတွေ ဖြတ်ခနဲအဖွင့်မှာ မှောင်မည်းနေတဲ့ သူ့အခန်းနဲ့အတူ အပြင်မှာသည်းသည်းမည်းမည်းရွာနေတဲ့ မိုးတွေ။
အေးစက်တဲ့ရာသီဥတုနဲ့ ဆန့်ကျင်စွာပဲ ရွှဲစိုနေတဲ့ ချွေးတွေက မလိုက်မဖက်။
အိပ်မက်ထဲမှာတောင် ခံနိုင်ရည်မရှိတဲ့ သူ ဘယ်လိုမျိုး ကိုကိုနဲ့ခွဲရမလဲ... ကိုကို့အနားက သူဘယ်လိုထွက်သွားရမလဲ။
ခြုံထားတဲ့ ဂွမ်းကပ်စောင်ကို ဘေးဆွဲချရင်း ဦးတည်လိုက်တာက ရှောင်းကျန့်ရဲ့ အိပ်ခန်းဆီကိုဖြစ်တယ်။
အချိန်အားဖြင့် ည တစ်နာရီခွဲ...။
လော့ချထားခြင်းမရှိတဲ့ အခန်းတံခါးကို အသာလေး လှစ်ဟလိုက်တော့ လှမ်းမြင်နေရတဲ့ ကုတင်ပေါ်မှာ နှစ်ခြိုက်စွာအိပ်ပျော်နေတဲ့ သူ့ချစ်သူ။
သူ ဘယ်လိုဝေးရက်ရမလဲ။
ကိုကို့ကို ဘယ်လိုမျိုး သူခွဲရက်မလဲ။
နိုးသွားမှာစိုးရိမ်တဲ့ ခြေလှမ်းဖွဖွနဲ့ အနားကို လျှောက်သွားတော့ အသက်ရှူသံမှန်မှန်နဲ့ အိပ်ပျော်နေတဲ့ ရှောင်းကျန့်။
ခြုံထားတဲ့စောင်ဘေးကို ထွက်နေတဲ့ လက်တစ်ဖက်ကို ရိပေါ်က အသာလေးအုပ်ကိုင်လိုက်တယ်။
ပြီးတော့ ခပ်သာသာဆွဲယူရင်း ရိပေါ်က ပါးမှာအပ်ထားလိုက်တယ်။
ŞİMDİ OKUDUĞUN
𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||
Hayran KurguDon't come into my life No... if you have a plan to leave me , don't come in...
