Unicode
ကိုကိုက ကောင်မလေးတစ်ယောက်နဲ့...
ဒါကိုတွေးမိတိုင်း ရိပေါ် စိတ်မချမ်းမသာဖြစ်ရတယ်။ လက်လွှတ်ပေးလိုက်ပေမယ့် တကယ်တမ်းကျတော့ ခံရခက်လွန်းတာ ရိပေါ်ပဲသိတယ်။
ကကွက်တွေကို မြင်တာနဲ့ မှတ်မိတတ်လွန်းတဲ့ ရိပေါ်က ထူးထူးဆန်းဆန်း ကကွက်တွေမေ့တယ်။
သင်တန်းသားတွေကို ဆူငေါက်တာရှားတဲ့ ရိပေါ်က ဆဲလိုက်တဲ့အထိဖြစ်လာတယ်။ ရိပေါ် ဆူလိုက်လို့ ငိုသွားတဲ့သင်တန်းက ကလေးလေးလည်းရှိလာတယ်။
အရာရာ တလွဲတွေဖြစ်နေတာ ကိုကို့ဖုန်းထဲက မိန်းကလေးတစ်ယောက်အသံကြောင့်ဖြစ်မယ်။
ဖုန်းနံပါတ်တစ်လုံးလာနေလို့ ဗစ်တာ့ကိုရေချိုးပေးနေတဲ့ကိုကို့ဆီ ယူသွားပေးရင်းနဲ့ စပီကာဖွင့်ပေးလိုက်တော့ တဖက်က ထွက်လာတဲ့ မိန်းမတစ်ယောက်ရဲ့အသံကြောင့် ရိပေါ်စိတ်တွေရှုပ်ရတယ်။
ကိုကို့ကို အစ်ကိုချန်းမန်တို့အဖွဲ့ ခေါ်သလို ကျန့်ကျန့်လို့ ထိုမိန်းကလေးက ခေါ်တယ်။
ပြီးတော့ ရယ်ရယ်မောမောမရှိတတ်တော့တဲ့ကိုကိုက ဖုန်းပြောရင်း ရယ်တယ်။
ဒါကိုတွေးလိုက်တိုင်းရိပေါ် စိတ်အဆင်မပြေဖြစ်ရတယ်။ အမှန်သာဆို သူပျော်ရွှင်ပေးရမှာလေ။
ညဖက် အိပ်မပျော်လို့ ရေခဲသေတ္တာထဖွင့်တဲ့ ရိပေါ်က အမှောင်ထဲမှာ တကုတ်ကုတ်နဲ့။ ကိုကိုဝယ်ထားတဲ့ ဘီယာဘူးတွေ တွေ့တော့ တစ်ဘူးယူသောက်ဖို့ ပြင်တယ်။
သူမသောက်ရတာကြာပြီ။
ဘီယာဘူးဖွင့်ပြီး ဝရံတာမှာထွက်ထိုင်တော့ လပြည့်ညရဲ့ တိတ်ဆိတ်မှုက နည်းနည်းတော့ ကြည်ကြည်လင်လင်ရှိတယ်။
ဗစ်တာက အိမ်အပေါ်ထပ်ထိ ဘယ်လိုတက်လာတယ်မသိ ဝရံတာရဲ့ လက်ရန်းမှာ ခြေတဖက်ချလို့ ပျင်းရိပျင်းတွဲအိပ်နေလေရဲ့။
လည်ချောင်းထဲ စီးဝင်သွားတဲ့ အရသာခါးခါးကြောင့် ရိပေါ်ပူလောင်တာသက်သာသွားသလိုခံစားရတယ်။
"ညဖက်ကြီး တစ်ယောက်တည်း ထွက်သောက်နေတာလား"
အသံလာရာ လှည့်ကြည့်တော့ ဘီယာတစ်ကတ်လုံးကို ကိုင်ပြီး သူ့အနားရောက်နေတဲ့ ရှောင်းကျန့်။
YOU ARE READING
𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||
FanfictionDon't come into my life No... if you have a plan to leave me , don't come in...
