Unicode
"အားပေါ်ပြန်သွားပြီ"
ဒီနေ့ ရှောင်းကျန့်မွေးနေ့ဖြစ်တယ်။ မွေးနေ့ မနက်ခင်းမှာ မားပြောလိုက်တဲ့စကားက သူ့ရင်ဝကို ဆောင့်ကန်ခံရသလိုပဲ။
ဆိုတော့ ဒါက မွေးနေ့လက်ဆောင်ပေါ့!
"မေမေက ဘာမှမပြောဘူးလား"
ရှောင်းကျန့်က ဒေါသတွေကို မျိုသိပ်ထားရင် အံကြိတ်မေးတော့ မားက ပြန်သွားတဲ့အကြောင်းကိုထပ်ပြောလာတယ်။
"မေမေက မပြန်နဲ့ပြောတာ စတူဒီယိုမှာအရေးကြီးကိစ္စရှိလို့ဆိုပြီး ပြန်သွားတယ်"
ရှောင်းကျန့် စိတ်တော်တော်တိုရတယ်။ မွေးနေ့ကြီးမှာလေ။
"ထားလိုက်ပါတော့... ကျွန်တော်ဖုန်းဆက်လိုက်မယ်"
ရှောင်းကျန့်က စိတ်ညစ်ညူးစွာနဲ့ ရေအမြန်ချိုးပြီး အဝတ်အစားလဲတယ်။
၁၅ မိနစ်လောက်ကြာတဲ့နောက်တော့ ကားနဲ့ ကားဂိတ်ကိုလိုက်သွားလိုက်တယ်။ ဒီဒေသကနေ ပေကျင်းပြန်ဖို့ဆို ကားတွေက အစောဆုံး ခုနှစ်နာရီခွဲထွက်တာများတယ်။
အခုမှ ခြောက်နာရီခွဲစွန်းစွန်းပဲရှိသေးတာဆိုတော့ သူမှီနိုင်လောက်တယ်လေ။
"မင်းတော့ တကယ်ကြီးနာတော့မယ် ရိပေါ်"
ရှောင်းကျန့်က စတီယာရင်ကို တင်းကြပ်နေအောင်ဆုပ်ပြီး မောင်းထွက်လိုက်တယ်။ တွေ့လို့ကတော့ တွေ့တဲ့နေရာမှာတင် တစစီဖြစ်သွားအောင်ကို ဆွဲနမ်းပစ်လိုက်မယ်။
စောစောသွားရမယ့် ဂေဟာကို ချန်းဖန်တို့ကိုနိုးပြီး အဖွဲ့လိုက်ကြီးအားနာနာနဲ့ပဲသွားခိုင်းရတယ်။
နေမကောင်းထားတဲ့ အန်ဂျယ့်ကိုတော့ စိတ်ပူလို့ မေမေတို့နဲ့ပဲ နေ့ခင်းမှလိုက်လာခိုင်းထားတယ်။
ရှောင်းကျန့် ကားဂိတ်ကိုရောက်တော့ ခုနှစ်နာရီခွဲဖို့ ဆယ်မိနစ်ပဲလိုတော့တယ်။ နယ်ကမ်းရိုးတန်းဒေသမို့ လူတွေကတော့ မြို့ပြလောက်မများ။
ကားဂိတ်မှာ လူတွေက ခပ်ကျဲကျဲ။
ကားကိုရပ်ပြီး အဆောက်အဦထဲမျက်စိကို အလုပ်ပေးရင်း ရှာလိုက်တော့ ကားလက်မှတ်စစ်တဲ့နေရာမှာ အိတ်တစ်လုံးလွယ်ပြီးရပ်နေရဲ့ ရိပေါ်။
ESTÁS LEYENDO
𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||
FanfictionDon't come into my life No... if you have a plan to leave me , don't come in...
