Unicode
သန်းခေါင်ယံကျော်တော့ မားတို့အိမ်ကိုရောက်တယ်။ ရိပေါ်က အိပ်ပျော်နေတာကြောင့် ကားပေါ်ကလူတွေအလျှိုလျှိုဆင်းသွားကြတာတောင် သူက အိပ်ပျော်နေတုန်း။
ရှောင်းကျန့်ကတော့ မားတို့အတွက်ပါလာတဲ့ ဆေးထုပ်တွေနဲ့ အခြားမုန့်ထုပ်တွေကို ဆွဲပြီး အိမ်ထဲအရင်သွားထည့်လိုက်တယ်။
ကြိုပြောထားလို့ စောင့်နေတဲ့မာမားကလည်း သူ့သူငယ်ချင်းတွေကိုနွေးနွေးထွေးထွေးပဲကြိုဆိုရင်း ကျိုထားတဲ့နွားနို့တွေ ခင်းကျင်းပြီး တိုက်တော့တာပဲ။
နွားနို့က အိပ်ပျော်စေတယ်တဲ့!
ကားပေါ်မှာတရှူးရှူးနဲ့ အိပ်ပျော်နေတဲ့ ရိပေါ်က ဝက်ပေါက်စလေးနဲ့တူတယ်။ နှုတ်ဖျားလေးတွေစူလို့ ငြိမ်ငြိမ်လေးအိပ်ပျော်နေတဲ့ ရိပေါ်ကို သူငေးကြည့်နေတာ။ ဒီကလေးကို သူသိပ်ချစ်တာပါပဲရယ်။
"ရိပေါ်... "
တိုးညှင်းညှင်းလေသံလေးနဲ့ လက်ကိုအသာလေးပုတ်ပေမယ့် အိပ်ပုပ်ကလေးက ခွေခေါက်ခေါက်နဲ့ အိပ်ပျော်တုန်း။
နှိုးမရတဲ့အဆုံး ရှောင်းကျန့်က ပွေ့ချဖို့ပြင်ရတာပဲ။ ရိပေါ်က အရင်ထက် လေးတယ်။
မနိုင်မနင်းချီပြီး အိမ်ထဲဝင်တော့ ချန်းဖန်က နွားနို့တွေပါသီးကုန်လေတယ်။ အန်ဂျယ်ကတော့ ပြုံးစိစိနဲ့။
အိပ်ပျော်နေတဲ့ ဝက်မှိုလုံးဆံပင်နဲ့ ကောင်လေးကတော့ သူ့အိပ်ရာပေါ်ချပေးတာတောင် နိုးမလာသေး။
ကောင်းတယ်... မင်းပဲအိပ်နိုင်လွန်း!
•
•
•
ရှောင်းကျန့် အခန်းပြင်ပြန်ထွက်လာတော့ ပန်းကန်ဆေးနေတဲ့ မာမားနဲ့တ်ုးတယ်။
"ပင်ပန်းသွားပြီ မား"
ဝင်လုပြီး ဆေးလိုက်တော့ မေမေက နေရာဖယ်ပေးတယ်။
"ရိပေါ်လေး အဆင်ပြေလား"
"ခြေထောက်တော့ ထပ်ထိထားပြန်ပြီ"
ရှောင်းကျန့်က ဆပ်ပြာတွေကုန်စင်သွားတဲ့ ခွက်တွေကို ပန်းကန်စင်ပေါ်ဆင့်ပြီးတင်လိုက်တယ်။
YOU ARE READING
𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||
FanfictionDon't come into my life No... if you have a plan to leave me , don't come in...
