𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||

23.မူးနေတဲ့ဝက်မှိုလုံး

Unicode

​"ဆံပင်ညှပ်မလို့... ကျွန်တော်တစ်ယောက်ပါဗျ"

ရိပေါ်က သူ့ကိုယ်သူလက်ညှိုးတွေထိုးပြရင်းနဲ့ ဆိုင်ကောင်တာက ဝန်ထမ်းအမျိုးသမီးကို ပြောတယ်။

ရှောင်းကျန့်ကိုတော့ လှည့်မကြည့်။ နှုတ်ခမ်းမှာ ပေါက်နေတဲ့ ဒဏ်ရာက သွေးစကို မြင်တော့ အနည်းငယ်လှုပ်ရှားသွားတဲ့ ဆိုင်ဝန်ထမ်းအချို့ကြောင့် ရှောင်းကျန့်မျက်ခုံးတွေတွန့်ချိုးမိသွားတယ်။

ချစ်သူရည်းစားတွေ ဒါမျိုးဖြစ်လေ့ရှိတာ အထူးအဆန်းဟုတ်လို့လား။

"ဟုတ်ကဲ့အစ်ကို ဒါဆို ဒီဖက် ကြွပါနော်"

"ရိပေါ် ဒီဖက်လှည့်ဦး"

ဝန်ထမ်းအမျိုးသမီးခေါ်သွားတဲ့နေရာကို လိုက်မသွားခင် ရှောင်းကျန့်ခေါ်သံကြောင့် ပြန်လှည့်လာတဲ့ သူ့ရည်းစားလေး။

​"နာနေလား ကိုကို အိမ်ရောက်မှ ဆေးလိမ်းပေးမယ်နော်... အခုတော့ ဒါလေးနဲ့ဖိထား"

ဆိုင်ကောင်တာပေါ်မှာတင်ထားတဲ့ Tissue box ထဲက တစ်ရွက်ကို ဆွဲထုတ်ပြီး နှုတ်ခမ်းတွေပေါ် တယုတယပွတ်ဆွဲသုတ်ပေးရင်း ဒဏ်ရာပေါ်ဖိပေးရင်း လွှတ်လိုက်တော့ အနားမှာရှိနေတဲ့ ကောင်မလေးတစ်ချို့ရဲ့ လှုပ်ရှားသွားတဲ့မျက်ဝန်းတွေကို သတိထားမိလိုက်တယ်။

"ဪ ဒါနဲ့ ညီမ... Stylist က ယောက်ျားလေးနဲ့ပဲလုပ်ပေးပါ"

ရှောင်းကျန့်ရဲ့ တိကျပြတ်သားနေတဲ့ အသံကြောင့် ဝန်ထမ်းအမျိုးသမီးက ခေါင်းတညိတ်ညိတ်အပြင်ဘာသံမှထွက်မလာတော့ဘူး။

စိတ်မချခြင်းတွေ ဘေးချိတ်လို့ ရိပေါ်နောက်က ရှောင်းကျန့်လိုက်သွားရတာပဲ။

ရိပေါ်ထိုင်လိုက်တဲ့နေရာနဲ့ ခပ်နီးနီးက ဧည့်စောင့်ခုံမှာရှောင်းကျန့်ထိုင်စောင့်ရင်း stylist ပြုမူသမျှကိုလိုက်ကြည့်နေလိုက်တယ်။

အမှန်တိုင်းပြောရရင် ရှောင်းကျန့် ရိပေါ်ရဲ့ ဆံပင်ရှည်တွေကို နှစ်သက်လွန်းပါတယ်။ ကပိုကယိုနဲ့ ဖရိုဖရဲစည်းနှောင်ထားတတ်တဲ့ ရိပေါ်က မျက်နှာပေါ်ဝဲကျနေတဲ့ ဆံစရှည်ရှည်တွေကြားမှာ တကယ်ပဲ ရင်ခုန်ချင်စရာကောင်းပါတယ်။