𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||

44. One Fine Night

Unicode

ရိပေါ်က သင်တန်းနားရက်တွေမို့ အိမ်မှာ ဟင်းချက်နည်းတွေ ရှာဖွေပြီး ချက်တယ်။

ဒီနေ့သူတို့နှစ်ယောက်ရဲ့ ပြန်တည့်ခြင်းနှစ်လပြည့် အထိမ်းအမှတ်နဲ့ ရိပေါ်က ဖက်ထုပ်လုပ်မယ်။ ကြာကြာပေါင်းသင်းရအောင်ဆိုတဲ့ ရည်ရွယ်ချက်နဲ့ ဖက်ထုပ်တွေကိုကြာကြာပေါင်းလိုက်တော့ ဖက်ထုပ်တွေက ပျော့ပြဲကုန်တယ်။

ဒါကို ကိုကိုမြင်ရင် ဆူမယ်ထင်တယ်... ရိပေါ်က ဖြုန်းတီးတယ်ဆိုပြီးလည်း ငြူစူမယ်ထင်တယ်။

အတွေးလွန်တတ်တဲ့ ရိပေါ်က ဖက်ထုပ်ပြဲတွေကို ပန်းကန်သပ်သပ်နဲ့ ထည့်ထားတယ်။

ကိုယ်တောင်မကောင်းဘူးထင်လို့ဖယ်ထားတဲ့ အစားအသောက်တွေကို ဗစ်တာကိုလည်း ကျွေးပစ်ဖို့ ရိပေါ်စိတ်မကူးမိဘူး။ အဖက်ထုပ်ထဲက အသားကောင်းတွေကိုထုပ်ပြီး ဆီနဲ့ပြန်လှိမ့်ရင်း ဗစ်တာအစာနဲ့ရောကျွေးမယ်လို့တော့ စိတ်ကူးရထားတာပဲ။

ဖက်ထုပ်ရွက်မရှိတော့တာကြောင့် ရိပေါ်က လွယ်လွယ်ကူကူ order ပဲမှာလိုက်တော့တယ်။ ကြာနေရင် ကိုကိုပြန်လာတာနဲ့ ညစာနောက်ကျသွားတော့မှာ။

"ဝုန်း... "

အိမ်ရှေ့ဖက်က တစ်စုံတစ်ခုပြုတ်ကျသံကိုကြားလိုက်ရတယ်။ ကြောင်ဝတုတ်ကောင်ခုန်ချတယ်အထင်နဲ့ အော်ဖို့ပြင်လိုက်ပေမယ့် ဗစ်တာကလည်း သူ့လိုပဲ အလန့်တကြားနဲ့ပြူးပြူးကလေးလုပ်လို့။

"အယ်"

ရိပေါ် လက်တွေကို ဖြစ်သလိုသုတ်လိုက်ရင်း အိမ်ရှေ့ကိုထွက်ကြည့်တယ်။

ဘယ်သူမှတော့မရှိပါဘူး... လူချေတိတ်တဲ့အချိန်လည်း မဟုတ်သေးတော့ သူခိုးလည်းမဖြစ်နိုင်ပါဘူးလို့ အတွေးနဲ့။

အိမ်မှာ တစ်ယောက်တည်းမို့ ရိပေါ်က နည်းနည်းတော့စိုးရိမ်တယ်။

"ဗစ်တာ... လာ... အိမ်ရှေ့သွားကြမယ်"

ကြောင်ဝတုတ်ကိုချီပြီး မနေ့က ကျန်သေးတဲ့ ပေါင်မုန့်ခြောက်တစ်ထုပ်ကိုယူရင်း ရိပေါ်က အကvideo တွေပြန်ကြည့်နေလိူက်တော့တယ်။

ခဏကြာတော့ ရိပေါ်ဖုန်းထဲ စာတစ်စောင်ဝင်လာတယ်။ အစားအသောက်Order ရောက်လာတော့မယ့်အကြောင်း ပြောတဲ့စာ။