Unicode
ဆေးရုံဝန်းထဲက ဒန်းလေးမှာ ရိပေါ် ထိုင်နေတယ်။ ပင်လယ်ကမ်းရိုးတန်းဒေသမို့ ဘယ်နားကလေတိုက်တိုက် အေးစိမ့်စိမ့်ကလေးဖြစ်နေတာပဲ။
ပြီးတော့ ငိုချင်နေတဲ့ မျက်လုံးတွေကြောင့် ရိပေါ် ခေါင်းကိုငိုက်စိုက်ချထားတယ်။
အစ်မအန်ဂျယ်ဂဏန်းနဲ့မတည့်တာ သူမှမသိလိုက်တာ... ပြီးတော့ ဒီအတိုင်းရောချက်ထားတဲ့ ဟင်းတစ်ခွက်မို့ သူကလည်း ထည့်ပေးလိုက်ရုံ။
အခက်မသင့်တော့ စေတနာကဝေဒနာဖြစ်ရပြီး ကိုကိုဆူတာ ခံလိုက်ရတာပဲ။
ကိုကိုကခဏခဏအော်တယ်။
ရိပေါ်အဲ့လိုအော်ခံရတိုင်း ဘာလုပ်လို့ဘာကိုင်ရမယ်မသိတော့ဘူး။ကိုကိုက ဆိုးလွန်းတယ်။
ပြီးတော့ အစ်မအန်ဂျယ်ကို ကိုကိုချီပြေးသွားတဲ့ပုံရိပ်နဲ့ ကိုကိုစိတ်တိုနေတဲ့မျက်လုံးတွေကိုမြင်ယောင်ပြီး ရိပေါ်က ဒန်းဘေးမှာတွယ်ချိတ်ထားတဲ့ သံကြိုးကိုတင်းနေအောင်ဆုပ်ကိုင်လိုက်တယ်
"ရိပေါ်... "
အသံက ကိုကိုချော့ရင် ထုတ်သုံးတဲ့လေယူလေသိမ်း။
"ကိုယ်တောင်းပန်ပါတယ်..."
ရိပေါ်က ဘာပြန်ပြောရမယ်မသိတာကြောင့် ခြေဆထာက်အောက်က သဲတွေကိုပဲ ဆက်ကြည့်နေတယ်။
"မင်းမကြားလိုက်တာကိုကိုမသိလိုက်လို့ပါ"
ကိုကိုက သူများကိုတောင်းပန်တတ်တဲ့သူမျိုးမှမဟုတ်ဘဲ။
"မုန်းတယ်မလား"
အရင်တစ်ခါဒီကိုလာတုန်းက ကျွန်းပေါ်သွားရင်းနဲ့ ရိပေါ် ကိုကို့ကိုမေးဖူးတယ်။ ပင်ပန်းလားဆိုတဲ့အကြောင်း။
အခုတာ့ မေးခွန်းက ပြောင်းတယ်။
"ကျွန်တော့်ကို ကိုကိုမုန်းတယ်ဆို"
"ထွက်သွားပေးရမလား"
ရှောင်းကျန့်က သူ့ရှေ့တည့်တည့်ကို မုဆိုးထိုင်လာထိုင်ပြီး ငုံ့နေတဲ့သူ့မျက်နှာကို မော့လို့ကြည့်တယ်။
"မငိုပါနဲ့... ကိုကိုမှားပါတယ်"
"မုန်းရင် အဲ့လိုပဲ နာကျင်အောင်လုပ်ရလား"
YOU ARE READING
𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||
FanfictionDon't come into my life No... if you have a plan to leave me , don't come in...
