𝙳𝙾𝙽'𝚃 𝙲𝙾𝙼𝙴 𝙸𝙽 || 𝚉𝚂𝚆𝚆 ||

25. ချစ်ရသူရဲ့ ပျော်ရွှင်ခြင်း

Unicode

"စုန့်ထျန် လာသွားတာ"

မျက်နှာတင်းတင်းနဲ့ ထိုင်နေတဲ့ ကိုကို့လက်တွေကိုသွားထိကိုင်တော့ ကိုကိုက အနည်းငယ်တည်ငြိမ်တဲ့လေသံနဲ့အတူ ပြောလာတယ်။

"ကိုကိုသူ့ကိုမကြိုက်ဘူးဆိုတာ သိတယ်ဟုတ်?"

"ကျွန်တော်လည်း မကြိုက်ဘူး"

ရိပေါ်က အချွဲလေး... ရင်ခွင်ထဲ တိုးဝှေ့လို့ နေတယ်။

"စိတ်လျှော့နော်... ကိုကိုမျက်နှာတင်းနေရင် ကျွန်တော်က ကြောက်တယ်"

​မျက်လုံးလေးဝိုင်းပြီးပြောလာတဲ့ သူ့ကြင်နာသူ။

"အင်း... ရိပေါ်ကို ကိုယ်ယုံတယ်နော်"

"ဟုတ်"

ကိုယ်ငွေ့နွေးနွေးရှိနေတဲ့ နဖူးကို ရှောင်းကျန့်တယုတယလေး နမ်းရှိုက်လိုက်တယ်။

မြန်မြန်လေးနေကောင်းပါတော့ ကလေးငယ်

•
•
•
ရေချိုးခန်းရဲ့ရေသံအပြင် အိမ်ထဲမှာ တိတ်ဆိတ်နေတယ်။

ဗစ်တာကတော့ ကုန်နေတဲ့ နွားနို့ခွက်ဘေးမှာ တုံးလုံးကြီးအိပ်ပျော်လို့နေတယ်။

"အေးလား ရိပေါ်"

ထိုင်ခုံတစ်လုံးနဲ့အတူ ဘေစင်ဘေးမှာ နေရာချခံထားရတဲ့ ရိပေါ်က ခေါင်းကို ဘေစင်မှာ မှေးတင်ထားတယ်။

မိုးလင်းကတည်းက တကုတ်ကုတ်နဲ့ပြင်နေတဲ့ ကိုကိုက ရိပေါ်ကိုခေါင်းလျှော်ပေးဖို့ဖြစ်တယ်။

​ဘေစင်က ခပ်ကျယ်ကျယ်မို့ ရေဘုံမိုင်က ကျတဲ့ရေကို ခွက်လေးနဲ့အသာခံလို့ ဆံပင်တွေပေါ်ကိုငြင်ငြင်သာသာလောင်းချတယ်။

"နည်းနည်းတော့အေးတယ်"

"ခဏလေးနော် ကိုယ်မြန်မြန်လျှော်ပေးမယ်"

လက်ချောင်းရှည်ရှည်သွယ်သွယ်တွေက ရိပေါ်ရဲ့ ဆံပင်ပျော့ပျော့တွေဆီမှာ ပြေးလွှားနေတယ်။

လက်ဖက်နံ့သင်းသင်းလေးမွှေးတဲ့ ရှန်ပူကို ကိုကိုက အသုံးပြုပုံပဲ။

ဒါ ရှောင်းကျန့်အမြဲသုံးလေ့ရှိတဲ့ ရှန်ပူဖြစ်တယ်။

​ကိုကိုခေါင်းလျှော်တဲ့နေ့တွေဆို ဒီရနံ့သင်းသင်းက အိမ်ထဲမှာ ပျံ့လွင့်နေတာ။