Abstarct Of Love (Z&U)

Ep.16 (U)

လှည်းတန်းစင်တာကိုနှစ်ဦးသားဝင်ကာ စက်လှေကားနဲ့ ဒုတိယအထပ်က seasonဆိုင်ကိုတက်လာခဲ့သည်။ Season ကကိတ်နဲ့ကော်ဖီသောက်ရန်တက်လာခဲ့သည်။ အထာက Season ကကိတ်စားရတာကို သဘောကျတာကြောင့် ဖန်တီး အထာကိုခေါ်လာခဲ့ခြင်းဖြစ်သည်။

" ဟွန်း ဆိုင်ကလဲ လူများလိုက်တာ။"

အထာက မျက်နာလေးစူပုတ်ကာ ဆိုင်ထဲက ခုံအလွတ်မရှိတာကြောင့် စိတ်ပျက်သံနဲ့ ငြီးလို့နေသည်။ အထာစကားအရ ဖန်တီးလဲဆိုင်ထဲကို မျက်လုံးတစ်ချက်ဝေ့ကြည့်လိုက်သည်။ အထာပြောသလိုပါပဲ ဆိုင်လဲမှာ လူပြည့်လို့နေသည်။

ထိုင်စရာခုံအလွတ်တွေမရှိသည့်တိုင်အောင် အထာတို့ရပ်နေမိဆဲ။

" အကိုတို့ ဘာများမှာယူမလဲမသိဘူးဗျ။"

သူတို့အရွယ်ထက် ငယ်ဟန်တူကောင်လေးတစ်ယောက်က မေးလာသည်။

" အင်း ကိုယ်တို့နှစ်ယောက်က ဒီမှာထိုင်ချင်တာ။"

" အာ... အားနာရပြီအကို။ ဆိုင်ကလူနည်းနည်းကျသွားတော့ ဝိုင်းအလွှတ်ကာ မရှိဘူးဖြစ်နေတယ်။"

" ကိုယ်တို့ အင်းယားကိုသွားကြမလား။ ဒီအချိန်ဆို နေလဲအေးနေပြီဆိုတော့ အေးဆေးပဲ။"

ဖန့်ရဲ့အကြံပေးချက်ကြောင့် အထာလဲခေါင်းညိတ်ကာ သဘောတူလိုက်သည်။

" ညီလေး အကိုတို့ကိုစတော်ဘယ်ရီကိတ်လေးနဲ့ ချောကလက်ကိတ်ရယ် ဘာဘယ်မစ်တီးနှစ်ဘူးပေးပါ။"

" ဟုတ်ကဲ့အကို ခနလောက်စောင့်ပေးပါနော်။"

သောကြာနေ့ရဲ့ ညနေခင်းမို့ ဆိုင်ထဲမှာ လူစည်နေတာမဆန်း။

ဖန်တီးတို့သိပ်ကြာကြာ မစောင့်လိုက်ရ။ ဝန်ထမ်းကောင်လေးက မုန့်ဘူးလေးတွေကိုကိုင်ကာ သူတို့ဆီလှမ်းလာသည်။

ဆိုင်ထဲကပြန်ထွက်လာပြီးချိန်တွင် အင်းယားကန်ဘောင်သို့ ထွက်လာခဲ့ကြသည်။ အင်းယားကန်နဲ့ အထာတို့အိမ်မှာ သိပ်မဝေးတာကြောင့် သူ့အတွက်လဲအဆင်ပြေသလို အထာ့အတွက်လဲအဆင်ပြေတယ်မဟုတ်လား။ အထာမိဘတွေက အထာကို အိမ်ပြန်နောက်ကျတာမကြိုက်တာမို့ အနီးဆုံးဖြစ်တဲ့ အင်းယားကန်ကိုသာ ဖန်တီးရွေးလိုက်ခြင်းဖြစ်သည်။