Green Grass in Afternoon လိမ္မော်ရောင်မြက်ခင်းစိမ်းလေး

Part1

Unicode

...Wang...
ကြေးဖေါင်းကြွ စာတန်းတခုက မြို့ပြင်ကခြံကျယ်ကြီးအရှေ့မှာ ခန့်ညားစွာ
ဒါပေမယ့် နာမည်အပြည့်အစုံလဲမဟုတ် အိမ်တော်ဘာညာလဲမပါ ထူးဆန်းစွာတလုံးတည်း...
ဒီနယ်စပ်မြို့ကြီးတခုလုံးရဲ့ မြေအောက်ဥပဒေကို ဝမ်အိမ်တော်က အုပ်စိုးထားလို့သာ ဒါဟာဝမ်အိမ်တော်ဒုသခင်လေး ဝမ်ရီပေါ်ရဲ့စံအိမ်တခုမှန်း တမြို့လုံးသိနေကြတာ။
ဝမ်အိမ်တော်ကထူးဆန်းတယ် ဟိုးအရင်ဝမ်သခင်ကြီးရှိကတည်းက ရိုးရိုးမိသားစုဝင်တွေနေတဲ့ဝမ်အိမ်တော်ကသက်သက် ဂိုဏ်းခေါင်းဆောင်ဝမ်သခင်ကြီးရဲ့ ဝမ်ဂိုဏ်းစံအိမ်ကသက်သက် ....
သူ့အလုပ်တွေ အလုပ်နဲ့ဆိုင်သူတွေကို ဘယ်တော့မှ ဝမ်အိမ်တော်ကို လာခွင့်မပြုခဲ့ဘူး။ ဘာလို့လဲဆိုတော့ ဝမ်သခင်မကြီးဟာ ဒီလိုအလုပ်တွေကို မနှစ်သက်လို့လို့ ပြောကြတယ်။
ဝမ်သခင်ကြီးဆုံးပြီးနောက် ပသခင်လေးဝမ်ဟိုက်ခွမ်းလဲ ဝမ်အိမ်တော်ကနေ ဝမ်စံအိမ်ကိုရွေ့သွားပြီး ဂိုဏ်းကိုဦးစီးခဲ့တယ်။ ဝမ်ရီပေါ်လဲ အစပိုင်းဝမ်စံအိမ်ကိုရွှေ့သွားခဲ့ပေမယ့် မိခင်ကိုအရမ်းချစ်တဲ့အတွက် ဝမ်အိမ်တော်နဲ့ သွားချည်လာလှည့်နေခဲ့တယ်။ လွန်ခဲ့တဲ့တနှစ်လောက်ကတော့ ဒီwangကိုအလောသုံးဆယ်ဆောက်ခဲ့ပြီး ဒီကိုရွေ့လာခဲ့တယ်။
ဝမ်ဟာ အရမ်းမခန်းနားပဲရိုးရှင်းတယ် အဓိကကခြံကအရမ်းကျယ်ပြီး ခြံအရှေ့မှာအထဲကိုမမြင်နိုင်အောင် သစ်ပင်တွေစိုက်ထားတယ်။ သက်တော်စောင့်တွေ လုံခြုံရေးတွေလဲ အများအပြားပဲ။
ကောလဟလအနေနဲ့ ဝမ်သခင်လေးကအရမ်းချောပြီးတည်ကြည်သူမို့ သမက်တော်ချင်သူတွေလက်ကနေ ရှောင်ပြေးတာလို့လဲပြောကြတယ်။ သေချာတာတော့ ဝမ်ဟာ တော်ရုံလူခြေချခွင့်မရှိရာ အရပ်ပဲ။

....................

"မချဘူးကွာ မချဘူး... "

"ချလိုက်ပါ သခင်လေးရယ် နော်..."

အိမ်ရှေ့က အလှထားတဲ့ ၄ပေလောက်ကြွေပန်းအိုးကြီးကို မနိုင်မနင်းဖက်ထားတဲ့လူတယောက်ရယ် ဝန်ထမ်းအချို့ရယ်က ထုပ်ဆီးတိုးသလို တားသူကတား ရှောင်သူကရှောင်နှင့် အိမ်ရှေ့အဝင်မှာရုန်းရင်းဆန်ခတ်...