🖤🤞 BEloved 'CHEATER' 🤞🖤

Chapter - 38 (U,Z)

[Unicode]

သံသရာက စက်ဝန်းတစ်ခုလိုလည်နေတာတဲ့
ဖြစ်နိုင်ပါတယ် ကိုယ့်ချစ်ခြင်းတွေကလည်း
မင်းဆီမှာစပြီး မင်းဆီမှာပဲဆုံးတယ်...

^~^~^~^~^~^~^~^~^~^~^~^
အခန်း (၃၈) : ရူးသွပ်ခဲ့ရခြင်းများ
^~^~^~^~^~^~^~^~^~^~^~^

🎶So look me in the eyes
Tell me what you see
Perfect paradise
Tearing at the seams

I wish I could escape it
I don't want to fake it
I wish I could erase it
Make your heart believe

But I'm a bad liar
Bad liar
Now you know
Now you know

I'm a bad liar
Bad liar
Now you know
You're free to go 🎶

သိပ်ချစ်ရတဲ့ကောင်လေးအပေါ်မှာ အကွက်ကျကျစီစဉ်ပြီးလှည့်စားခဲ့မိတဲ့အချိန်ကစလို့ ရှောင်းကျန့်စွဲစွဲမြဲမြဲနားထောင်ဖြစ်ခဲ့တဲ့ သီချင်းတစ်ပုဒ်...၊ ရေချိုးခန်းထဲအထိကြားရအောင် ဖွင့်ထားမိပြန်တယ်။

ရေပန်းကကျလာတဲ့ရေမှုန်ရေမွှားတွေရဲ့အောက်တည့်တည့်မှာ ဒူးနှစ်ဖက်ကိုပိုက်လို့မလှုပ်မယှက်ထိုင်နေမိတယ်။ ကိုယ့်ရဲ့ပါးပြင်ပေါ်ကမျက်ရည်စီးကြောင်းတွေဟာလည်း ရေစက်တွေနဲ့ရောနှောကုန်တာကြောင့် အပူချိန်သိပ်မပြင်းတော့ဘူး။ တဆတ်ဆတ်တုန်ယင်နေတဲ့နှုတ်ခမ်းသားတွေဟာ ချမ်းလို့ဖြစ်လာတဲ့လက္ခဏာသက်သက်တော့မဟုတ်ခဲ့ဘူး။ အသံကျယ်လောင်စွာထွက်မလာခဲ့ပေမဲ့ ရင်ထဲမှာတော့မုန်တိုင်းတွေထန်နေခဲ့ပြီ။

ကိုယ့်အပိုင်အဖြစ်အနားမှာရှိစေချင်တဲ့စိတ်နဲ့ အစီအစဉ်တွေဆွဲ မဖြစ်ဖြစ်တဲ့နည်းနဲ့ကြံစည်ခဲ့တာတွေ ပြန်တွေးကြည့်တော့ အရာအားလုံးဟာကိုယ့်ရဲ့တစ်ဖက်သတ်စိတ်ဆန္ဒသက်သက်ပဲ။ ဒီကောင်လေးဟာအရည်အချင်းပြည့်ဝတဲ့သူ ဒီကောင်လေးဟာအမြင့်ကိုပျံတက်နိုင်မည့်နဂါးလိုအဖိုးတန်လေး စတဲ့စတဲ့ ကိုယ့်အတွေးနဲ့ကိုယ်ဖြစ်စေချင်တာတွေကို တစ်ဖက်သတ်တွေးခဲ့ပြီး အရာအားလုံးကိုယ့်သဘောအတိုင်းဖြစ်အောင် စီမံခဲ့တာတွေက ကိုယ့်ကိုအတ္တသမားဖြစ်စေရုံသက်သက်ပဲ ရလဒ်ထွက်လာခဲ့တယ်နှယ့်တူပါရဲ့။

အခုအခြေအနေက ကိုယ့်စိတ်ကူးထဲကအတိုင်း ချစ်ရတဲ့ကောင်လေးက အားကောင်းတဲ့အတောင်ပံတွေပိုင်ဆိုင်ထားပြီးပြီလေ။ ကိုယ့်ကိုတောင်မလိုအပ်တော့ဘူးလို့ပြောပြီး မောင်းထုတ်ခဲ့ပြီမဟုတ်လား။ အချိန်ပေးပြီးအားထုတ်ခဲ့ရတာတွေက သိပ်ကိုအကျိုးဖြစ်ထွန်းခဲ့ပြီဆိုတော့ ဘယ်လိုနေနေ ကိုယ့်အတွက်ကျေနပ်စရာလို့မှတ်ယူရမှာပဲ။