ချို ချဉ် ဖန် ခါး
ကြုံရမည့်လောကဓံရဲ့ အရသာအစုံကိုမဖြုံတော့ဘူး
ချစ်ခြင်းတရားဟာ လူတစ်ယောက်ကို
ကြောက်ရွံ့ခြင်းကကင်းစေသတဲ့ ...
^~^~^~^~^~^~^~^~^~^~^~^~^~^~^~^~
Extra : မြဲအောင်တွဲထားတော့မည့် လက်တစ်စုံ
^~^~^~^~^~^~^~^~^~^~^~^~^~^~^~^~
အသက်ငါးနှစ်ပြည့်သွားပြီဖြစ်တဲ့ ရိပေါ်တို့ရဲ့သားက သာမန်ကလေးတွေထက် အနည်းငယ်ထူးခြားနေတာတော့အမှန်ပဲ။
ရိပေါ်နဲ့အတူရှိချိန်တွေမှာ သားကသူသဘောကျတဲ့စကိတ်စီးတာတွေ၊ ကခုန်တာတွေစတဲ့ လှုပ်လှုပ်ရှားရှားကစားနည်းတွေကို ရိပေါ်ဆီကနေ စိတ်ဝင်တစားသင်ယူတတ်တယ်။ သူ့ရဲ့ ပါးနဲ့အတူရှိချိန်တွေဆိုရင်တော့ အင်္ဂလိပ်အက္ခရာတွေ၊ သင်္ချာဂဏန်းတွေပါတဲ့ ဉာဏ်စမ်းဂိမ်းတွေကိုပဲ ငြိမ်ငြိမ်လေးဆော့နေတတ်တယ်။ ဒီအရွယ်လေးနဲ့ အက္ခရာစာလုံးတွေ ဂဏန်းတွေကိုအမြင်အာရုံမှာစွဲနေပြီး ဦးနှောက်သေးသေးလေးကမှတ်မိနေတာလည်း ဉာဏ်ရည်မြင့်တဲ့ကလေးတစ်ယောက်ရဲ့ မွေးရာပါ ပါရမီလို့ဆိုရမလားပဲ။
သားကိုမွေးကင်းစအရွယ်ကစလို့ ဖခင်နှစ်ယောက်ရဲ့ထိန်းကျောင်းမှုအောက်မှာသာ ကြီးပြင်းစေခဲ့ပေမဲ့ အများသူငှာလိုအရွယ်တစ်ခုရောက်လာတဲ့အခါမှာတော့ ပတ်ဝန်းကျင်နဲ့လိုက်လျောညီထွေနေထိုင်နိုင်ဖို့ရာ သင့်တော်တဲ့ကလေးသူငယ်ပြုစုပျိုးထောင်ရေးစင်တာတစ်ခုမှာ သားကိုအပ်နှံခဲ့ကြတယ်။
ဒီနေ့ မနက်ခင်း ကိုကိုနဲ့ရိပေါ်တို့နှစ်ယောက်လုံး သားကိုအားပေးဖို့အတွက် သားရဲ့သင်တန်းကျောင်းမှာရောက်နေကြတယ်။ ကျောင်းတည်ထောင်ခဲ့တဲ့ နှစ်ပတ်လည်နေ့ဖြစ်တာကြောင့် ကလေးတွေအတွက် အရည်အချင်းပြပြိုင်ပွဲတွေ၊ ပျော်ပွဲရွှင်ပွဲ ဖျော်ဖြေပွဲတွေစီစဉ်ပေးထားတယ်။
ကလေးအများစုက အဆို အက ပန်းချီ စတဲ့ ကိုယ်ပိုင်အရည်အချင်းတွေထုတ်ပြပြီးပြိုင်ပွဲဝင်ဖို့ မိဘဆရာတွေနဲ့ တိုင်ပင်ညှိနှိုင်းပြီး ကြိုတင်စီစဉ်ခဲ့ကြတယ်လို့ကြားထားပေမဲ့ ရိပေါ်တို့ရဲ့သားကတော့ ပြိုင်ပွဲမှာဝင်ပြိုင်မယ်လို့အသိပေးထားရုံကလွဲပြီး ဘာအရည်အချင်းကိုထုတ်ပြမယ် ဘယ်လိုပြိုင်ချင်ပါတယ် ဆိုတဲ့အကြောင်းကိုတော့ ဆရာမတွေကိုရောအဖေနှစ်ယောက်ကိုပါ လုံးဝပြောမပြခဲ့ပါဘူး။
YOU ARE READING
🖤🤞 BEloved 'CHEATER' 🤞🖤
Fanfictionအတုအယောင်ဘဝနဲ့ အံဝင်ခွင်ကျဖြစ်အောင် ကြိုးပမ်းနေတုန်းမှာပဲ အမှန်တကယ် ပျော်ဝင်သွားမိတဲ့အခါ လက်လွှတ်ဆုံးရှုံးရမှာ သိပ်ကြောက်တတ်လာတယ် .. .. .. #ZSWW_Fanfiction (Completed) #Feiyunxi_SideCouple
