[Unicode]
ဒဏ်ရာတွေနဲ့ နှစ်ပါးသွားကဖို့အတွက်
သင်ယူတတ်မြောက်ရမည့် အခြေခံအဆင့်က
နာကျင်မှုနဲ့အသားကျအောင်နေတတ်ခြင်းပဲ...
^~^~^~^~^~^~^~^~^~^~^~^~^~^~^~^~^~
အခန်း (၄၂) : ဟောင်းနွမ်းဆွေးမြေ့နေသော ပိုက်ကွန်
^~^~^~^~^~^~^~^~^~^~^~^~^~^~^~^~^~
"ဟင်းတွေထည့်စားနော်သမီးမော့နန် ဘာမှအားမနာနဲ့ကိုယ့်အိမ်လိုသဘောထား"
ပထမတစ်ကြိမ် လုပ်ယူထားတဲ့တိုက်ဆိုင်မှုနဲ့ လူချင်းမိတ်ဆက်ပေးတယ်။ အခုနောက်တစ်ကြိမ် အိမ်ကိုထမင်းဖိတ်ကျွေးပြန်တယ်။
ရိပေါ်ရဲ့မျက်နှာချင်းဆိုင်မှာထိုင်နေတဲ့အမျိုးသမီးကတော့ မားထည့်ပေးသမျှဟင်းတွေနဲ့ ထမင်းကိုမြန်ရေယှက်ရေစားပြနေပေမဲ့ ရိပေါ်ကတော့ပါးစပ်ထဲရောက်သမျှဘာမှအရသာမတွေ့ဘူးဖြစ်နေတယ်။
"သား မော့နန်ကိုဟင်းထည့်ပေးလိုက်ဦးလေ"
"ကျွန်တော်က မစ္စရှန်ဘာကြိုက်တတ်မှန်းမသိလို့ထည့်မပေးတော့ဘူး။ ကိုယ်ကြိုက်တာသာ စိတ်တိုင်းကျယူစားပါဗျာ အားနာစရာမလိုဘူး"
"ဟုတ် ဟုတ်ကဲ့ရပါတယ် ကျွန်မစားရတာအဆင်ပြေပါတယ်။ ဒေါ်ဒေါ်ဝမ်တို့အိမ်က ဟင်းချက်လက်ရာကောင်းလိုက်တာ။ ကျွန်မတော့ ဝမ်အိမ်တော်မှာထမင်းလာစားပြီး ကျန်တဲ့နေရာတွေမှာခံတွင်းမတွေ့တော့မှာတောင်စိုးရိမ်ရတယ်"
"ဒါလေးများသမီးရယ် ဘာခက်ခဲလို့လဲ။ သမီးကြိုက်တဲ့အချိန် ဝမ်အိမ်တော်မှာထမင်းဝင်စားလို့ရပါတယ်... သူစိမ်းတွေမှမဟုတ်တာပဲကွယ်"
"အဟင်း... ဥက္ကဌဝမ် ကျွန်မ အဲလိုလုပ်လို့ရောဖြစ်ရဲ့လားဟင်"
"မားကအဆင်ပြေတယ်လို့ပြောနေတာပဲ ကျွန်တော့်သဘောထားကအရေးမကြီးပါဘူး။ နောက်ပြီး ကျွန်တော်ကလည်း မစ္စရှန်လိုပဲ ဒီဝမ်အိမ်တော်ရဲ့ဧည့်သည်ပါပဲ"
"အို... ဒါသားရဲ့မိဘအိမ်လေ ဘယ်လိုကြောင့်သားကဧည့်သည်ဖြစ်ရမှာလဲ။ မားရဲ့သားကတော့ နောက်နေပါပြီ"
"အိမ်ထောင်ကျပြီးသွားတဲ့သားသမီးက မိဘအိမ်အတွက်တော့ဧည့်သည်တစ်ယောက်နဲ့မထူးခြားပါဘူး။ ကျွန်တော်ကရှောင်းအိမ်တော်မှာအရှင်သခင်ဖြစ်ပေမဲ့ ဝမ်အိမ်တော်ရဲ့ဧည့်သည်ပါပဲ"
ŞİMDİ OKUDUĞUN
🖤🤞 BEloved 'CHEATER' 🤞🖤
Hayran Kurguအတုအယောင်ဘဝနဲ့ အံဝင်ခွင်ကျဖြစ်အောင် ကြိုးပမ်းနေတုန်းမှာပဲ အမှန်တကယ် ပျော်ဝင်သွားမိတဲ့အခါ လက်လွှတ်ဆုံးရှုံးရမှာ သိပ်ကြောက်တတ်လာတယ် .. .. .. #ZSWW_Fanfiction (Completed) #Feiyunxi_SideCouple
