បន្ទាប់ពីធ្វើដំណើរអស់រយៈពេលជាច្រើនម៉ោង ទីបំផុតអ្នកទាំងពីរក៏បានមកដល់ប្រទេសបារាំងដោយ សុវត្ថិភាពតែដោយសារ Taehyung គេងលក់ស្រួលមិនទាន់ងើបនៅឡើយទើប Jungkook បីត្រកងគេចុះពីលើយន្តហោះដើម្បីឡើងឡានដែលមកចាំរួចជាស្រេចថែមទាំងមានតៃកុងចាំបើកបរឲ្យទៀតផង ។
- សណ្ឋាគារ
ក្រោយ Check In បន្ទប់រួចរាល់ រាងក្រាសក៏បន្តបីរាងល្អិតក្នុងដៃឡើងទៅបន្តដែលជាបន្ទប់ VIP ថ្លៃជាងគេបង្អស់នៅទីនេះសមនឹងឋានៈមុខមាត់របស់គេផ្ទាល់តែម្ដង ។
< ក្រាក > Jungkook ប្រើដៃម្ខាងឆូតកាតបើកទ្វារបន្ទប់មុននឹងបីរាងតូចយកទៅដាក់ឲ្យគេងនៅលើគ្រែសឹមគេដើរទៅបិទទ្វារវិញរួចដោះអាវក្រៅចេញស៊កពាក់ទៅលើកៅអីក្នុងបន្ទប់ចំពេលរាងតូចភ្ញាក់ពីដេកល្មម ។
« ហ្ហឹម... » Taehyung ស្ងាបតិចៗមុននឹងងើបឡើងទាក់ទាញចំណាប់អារម្មណ៍រាងក្រាសឲ្យមើលមកគេ ។
« អូនភ្ញាក់ហើយហ្អេ៎? ឃ្លានហើយឬនៅ? » នាយសួរទាំងស្នាមញញឹមព្រោះទឹកមុខពេលភ្ញាក់ពីដេកភ្លាមៗរបស់រាងតូចសម្រាប់គេគួរឲ្យស្រឡាញ់ខ្លាំងណាស់ ដូចជាកូនក្មេងមិនទាន់ធំយ៉ាងចឹង ។
« ក៏ឃ្លានតិចៗដែរ នេះពួកយើងនៅឯណាហ្នឹង? » Taehyung សួរទាំងងាកឆ្វេងងាកស្ដាំឃើញតែបន្ទប់ល្អប្រណីតដូចក្នុងរាជវាំងយ៉ាងចឹង ។
« ជាសណ្ឋាគារ អូនមើលខាងនោះទៅ » Jungkook ទើបរាងតូចងាកទៅតាមទិសដែលគេប្រាប់រួចក៏បើកភ្នែកធំៗតែម្ដង ។
« Tour Eiffel? »
« ចង់ទៅលេងទីនោះមែនទេ? » កាលបើឃើញទឹកមុខសប្បាយចិត្តរបស់ Taehyung ហើយរាងក្រាស់ក៏អាចយល់បានដែរទើបរាងតូចងក់ក្បាលតិចៗឆ្លើយតបមុននឹង Jungkook លើកដៃកាន់ស្មាររាងតូចទាំងសងខាង ។
« បែបនេះល្អទេ ពួកយើងងូតទឹកផ្លាស់ខោអាវសិនរួចហើយក៏ទៅញ៊ាំបាយពេលល្ងាចបន្ទាប់មកចាំទៅលេងព្រោះនេះក៏ល្ងាចណាស់ដែរ ទម្រាំតែពួកយើងទៅដល់ គេបើកភ្លើងនឹងកាន់តែស្អាតថែមទៀតមិនខាន » នាយនិយាយឡើងដូចជាបានរៀបចំផែនការទុកមុនមកដល់ទីនេះទៅទៀត រាល់ការមើលថែរបស់គេធ្វើឲ្យ Taehyung គិតហើយស្ងៀមមិនឆ្លើយគិត តែពីសម្លឹងមុខនាយទើប Jungkook លោរមុខមកបម្រុងថើបគេហើយស្រាប់តែរាងតូចងាកមុខចេញភ្លាម ។
YOU ARE READING
If We Were...Strangers (បើសិនពួកយើងជាអ្នកដទៃ)
Romance|| បើសិនពួកយើងជាអ្នកដទៃ || ការស្លាប់មិនសមហេតុផលមួយបានធ្វើឲ្យក្មេងប្រុសស្លូតបូតម្នាក់ក្លាយជាមនុស្សដែលចងគំន៉ំតាមសងសឹកឃាតករដែលសម្លាប់ឳពុកម្ដាយរបស់ខ្លួន មិនថាឃាតករនោះជាអ្នកណាក៏គេត្រូវតែសម្លាប់ដើម្បីយកឈាមមកលុបលាងឲ្យអ្នកដែលបានស្លាប់ទៅទាល់តែបានដែរ ៕ ✨ JEON...
