ក្រោយងូតទឹកសម្អាតខ្លួនរួចរាល់ហើយ រាងតូច Taehyung ក៏ពាក់អាវធំៗរបស់រាងក្រាស់ជាមួយនិងខោខ្លីដែលត្រូវបានអាវលុបលើបាត់ទៅហើយ ណាមួយទំហំខ្លួនគេនិងខ្លួន Jungkook គឺខុសគ្នាឆ្ងាយខ្លាំងណាស់ ខោអាវប៉ុនគេក៏គ្មានឲ្យស្លៀកទើបត្រូវដាច់ចិត្តស្លៀករបស់នាយតែម្ដងទៅ ។ ពេលស្លៀកហើយក៏ត្រូវដើរចុះមករក Jungkook ដែល កំពុងបង្កាត់ភ្លើងអាំងភ្លើងត្រីនៅក្បែរដុំថ្មធំៗដែលនៅ មិនឆ្ងាយពីផ្ទះតូចប៉ុន្មានឡើយ ។
« Tae!! ងូតទឹករួចហើយហ្អេ៎? » គ្រាន់តែក្រឡេកឃើញរាងតូចភ្លាម នាយក៏រហ័សសួរថែមទាំងញញឹមពេលឃើញរាងតូចស្លៀកខោអាវធំៗរបស់គេ គួរឲ្យស្រឡាញ់ដូចជាកូនក្មេងអាយុ៤ឆ្នាំចឹង ។
« អ្ហឹម » Taehyung គ្រហឹមជំនួសឲ្យការឆ្លើយ សូម្បីមុខរាងក្រាស់ក៏គេមិនចង់មើលដែរ ។
« ព្រឹកនេះពួកយើងញ៊ាំត្រីសិនទៅ ចាំថ្ងៃបន្តិចបង ទៅរកក្ដាមបង្គាមកឲ្យតែមិនដឹងម្ដុំនេះមានឬអត់ទេ សុំទោសណា៎ដែលនាំអូនមកលំបាកបែបនេះ » សុខៗ Jungkook ក៏មានអារម្មណ៍ថាខុសចំពោះគេម្ដង ទៀតព្រោះរាងតូចធ្លាប់តែនៅសុខស្រួល មានអាហារឆ្ងាញ់ញ៊ាំគ្រប់ពេលមិនធ្លាប់លំបាកពីមុនមក ដូចជាគេ ប្រាកដជាមិនទម្លាប់នៅក្នុងស្ថានការណ៍អស់នេះឡើយ ។
« បើដឹងថាលំបាកចឹងមិនគួរចាប់ខ្ញុំមកតាំងពីដំបូងទេ » Taehyung តបវិញហីៗមុននឹងដើរបន្ត ។
« អូនចង់ទៅណា? » ទោះរាងក្រាស់សួរក៏គេធ្វើជា មិនលឺដើរចូលទៅក្នុងព្រៃម្នាក់ឯង តែក៏ពិសេសដែរព្រោះព្រៃនេះមិនមែនគួរឲ្យខ្លាចដូចព្រៃផ្សេងៗទេ ទីនេះមានផ្កាច្រើនប្រភេទច្រើនពណ៌ចម្រុះគ្នាស្អាត ទាក់ទាញ មានមេអំបៅនិងកន្ទុំរុយតិចតួចហោះលាយឡំគ្នាយ៉ាងរស់រវើក ជាពិសេសថែមទាំងមានទឹកជ្រោះថ្លាស្អាតធ្លាក់ចូលមកក្នុងរណ្ដៅធំមួយដែល មានថ្មធំៗនៅជុំវិញ ហាក់បីដូចជាឋានសួគ៌មួយធ្វើឲ្យ Taehyung បានឃើញហើយញញឹមដោយមិនដឹងខ្លួនតែម្ដង ។
« បើមានទូរស័ព្ទថតទុកច្បាស់ជាល្អណាស់ » គេរអ៊ូតិចៗបែបនឹកស្ដាយមិនបានថតទេសភាពល្អបែបនេះ ទុកយកទៅអួតអ្នកផ្ទះពេលបានត្រឡប់ទៅសេអ៊ូល វិញ តែមិនអីទេឆ្លៀតឱកាសល្អ រាងតូចក៏ចូលទៅអង្គុយក្នុងសួនផ្កាមើលពួកវាម្ដងមួយៗ ហើយទទួល យកអារម្មណ៍ល្អដែលបានចូលមកទីនេះ ម្យ៉ាងតាំងពី ពេលប៉ាម៉ាក់ស្លាប់អស់ ជីវិតគេដូចត្រូវកប់បាត់ចូលទៅក្នុងដី មិនដែលមានសុភមង្គលចេញពីចិត្តទាំង ស្រុងទេ ខួរក្បាលវិញគិតតែពីរឿងសងសឹកមិនចេះចប់មិនចេះហើយ រកពេលសម្រាកឲ្យស្រួលបន្តិចក៏ មិនបានដែរ ទើបតែពេលនេះប៉ុណ្ណោះដែលគេយល់ថាខ្លួនឯងមានក្ដីសុខពិតប្រាកដ គឺក្ដីសុខជាមួយធម្មជាតិស្រស់ស្អាតអស់នេះហើយ ។
KAMU SEDANG MEMBACA
If We Were...Strangers (បើសិនពួកយើងជាអ្នកដទៃ)
Romansa|| បើសិនពួកយើងជាអ្នកដទៃ || ការស្លាប់មិនសមហេតុផលមួយបានធ្វើឲ្យក្មេងប្រុសស្លូតបូតម្នាក់ក្លាយជាមនុស្សដែលចងគំន៉ំតាមសងសឹកឃាតករដែលសម្លាប់ឳពុកម្ដាយរបស់ខ្លួន មិនថាឃាតករនោះជាអ្នកណាក៏គេត្រូវតែសម្លាប់ដើម្បីយកឈាមមកលុបលាងឲ្យអ្នកដែលបានស្លាប់ទៅទាល់តែបានដែរ ៕ ✨ JEON...
