< ង៉ឺត!! > ទីបំផុតរាងតូចក៏បានបើកឡាននាំ Jungkook មកដល់ទីកន្លែងដែលបានកំណត់តែអ្វីដែលគួរឲ្យភ្ញាក់ផ្អើលនោះគឺវាជាកន្លែងរក្សាផ្នូរដើម្បីតម្កល់សាកសពនិងធាតុរបស់មនុស្សស្លាប់នៅជាយ ក្រុងទៅវិញ ។
« ម៉េចក៏ពួកយើងមកទីនេះទៅវិញ Tae? » នាយ សួរដោយងឿងឆ្ងល់មុននឹងរាងតូចមិននិយាយអ្វី ទាញកាបូបចុះពីឡានមុនទើបគេត្រូវចុះទៅតាម ដោយខានមិនបាន ។
« បងនៅចាំបានថា១៨ឆ្នាំមុនមានរឿងអ្វីកើតឡើងខ្លះដែរទេ Jungkook? » Taehyung សួរទាំងទឹកមុខរាបស្មើធ្វើឲ្យរាងក្រាសចងចិញ្ចើមគ្នា ។
« អូនចង់សំដៅលើអីឲ្យប្រាកដទៅ? បងមិនយល់ទេ » Jungkook
« បងមិនយល់? រួចចុះការស្លាប់របស់គ្រួសារKim ដោយសារតែបងនោះ បងនៅតែនិយាយថាមិនយល់ទៀតមែនទេ? » រាងតូចស្រែកដាក់នាយដោយសម្លេងខ្លាំងៗឲ្យរាងក្រាសលឺហើយគាំងស្ងៀមមួយរំពេច ។
« នេះអូន... »
« គ្រួសារតូចមួយមានប៉ា ម៉ាក់ និងកូនប្រុសតូចម្នាក់ ដែលទើបតែអាយុ៥ឆ្នាំនៅពេលនោះ ជាគ្រួសារដែលធ្លាប់តែមានសុភមង្គលបែរជាត្រូវមនុស្សប្រុសចិត្តព្រៃផ្សៃគ្មានបេះដូងសម្លាប់ពួកគេចោលឲ្យព្រាត់ប្រាសចេញពីគ្នា ហើយមនុស្សប្រុសម្នាក់នោះគឺបង!! Jeon Jungkook... » ចង្អុលដៃស្រឡូន លើកតម្រង់ចំពីមុខនាយ បញ្ជាក់ច្បាស់ៗថានាយនេះហើយជាឃាតករឈាមត្រជាក់បំផុតលើលោក យ៉ាងណាមិញ រាងក្រាសកាលបើលឺដូច្នោះ ដៃរបស់គេ ចាប់ផ្ដើមញ័រទទ្រើក រាល់ការចងចាំទាំងអស់ក៏លេចឡើងក្នុងខួរក្បាលគេភ្លាមៗ ។
« ឬមួយក៏អូនជា... » Jungkook
« មែនហើយ!! គ្រួសារKim ដែលស្លាប់នៅថ្ងៃនោះជាប៉ាម៉ាក់របស់អូន ហើយក្មេងដែលបងកាន់កាំបិត ដេញសម្លាប់នៅថ្ងៃនោះក៏ជាអ្នកដែលកំពុងឈរនៅ ចំពោះមុខបងដូចគ្នាដែរ អូនគឺ Kim Hwan Dori » ម្ដងនេះរាងតូចកាន់តែបង្ហាញច្បាស់លាស់ឲ្យអ្នក ដែលបានស្ដាប់ហើយសម្លឹងមើលពីចុងជើងរហូត ដល់មុខរបស់គេជាមួយខ្សែភ្នែកមុតស្រួច ។
« តាមពិតជាអូនពិតមែន » Jungkook ពោលឡើង នាំឲ្យរាងតូចជ្រួញចិញ្ចើម ។
YOU ARE READING
If We Were...Strangers (បើសិនពួកយើងជាអ្នកដទៃ)
Romance|| បើសិនពួកយើងជាអ្នកដទៃ || ការស្លាប់មិនសមហេតុផលមួយបានធ្វើឲ្យក្មេងប្រុសស្លូតបូតម្នាក់ក្លាយជាមនុស្សដែលចងគំន៉ំតាមសងសឹកឃាតករដែលសម្លាប់ឳពុកម្ដាយរបស់ខ្លួន មិនថាឃាតករនោះជាអ្នកណាក៏គេត្រូវតែសម្លាប់ដើម្បីយកឈាមមកលុបលាងឲ្យអ្នកដែលបានស្លាប់ទៅទាល់តែបានដែរ ៕ ✨ JEON...
