ألواح القدر (الجزء الأول و الثاني)

#البارت_الخامس_والعشرين_الجزء_الثاني

كانت تقف بصدمة امام تلك القطعه البيلاستيكيه ، واقفه امامها ساكنة بلا حراك كما لو ان الزمن توقف ، الا ان تعابير وجهها توحي كمن تلقى عيار ناري بقلبه !

لم يوقظها من صدمتها الا صوت دقات باب المرحاض المتكررة و صوته و هو يقول :
_حبيبتي انتي كويسه ؟ الناس زمانها على وصول!

لم تجيب ، ليكرر ندأه :
_ جومانا ؟؟

فتح الباب لقلقه عليها ليجدها واقفه بلا حراك ، ليقترب و هو يقول :
_ مالك يا حبيبي انتِ كويسه؟

بالكاد نظرت له جومانا ثم اشارت امامها الى ذلك الشيئ البلاستيكي ، لينظر هو له و يقول:
_ ايه ده ؟

ابتعدت جومانا خطوة الى الخلف عندما شعرت به يقترب منها اكثر و قالت و هي تنكر برأسها :
_ اكيد ده غلط !!

تعجب هو و قال :
_ جومانا في ايه !! ايه ده اللي غلط ؟

نظرت له و قالت بصدمه :
_ نديم .. انا .. انا حامل !

تهللت ملامحه بفرحة و قال بصدمه هو الاخر :
_ بجد ! بجد حامل !!

نظرت له بتعجب و قالت :
_ انت فرحان ؟

تعجب نديم و قال :
_ و المفروض مفرحش؟ ثم انتي ازاي مصدومة كده !!

ابتعدت جومانا عنه و هي تنكر برأسها و غير مصدقه بما يتفوه به ، لتخرج من المرحاض الى غرفه نومهما و هي تنظر حولها بتوهان .

لحق بها نديم و قال :
_ جومانا كلميني ، مالك في ايه ؟

لم تجيب جومانا على سؤاله و اتجهت الى احدى الادراج تفتش بها و هي تقول :
_ مش ممكن يكون ده بجد ! انا حسبتها كويس و عامله احتياطاتي ، مستحيل اكون غلطت !!

اقترب منها نديم بغضب ممسكًا يديها حتى تتوقف عما تفعله و تنظر اليه ليقول:
_ بتدوري على ايه و بعدين ليه مش بجد و مستحيل؟

قالت جومانا بهيستيرية:
_ البرشام الى باخده ، انا عامله حسابي كويس يا نديم !! مينفعش اكون حامل مينفعش البيبي ده يكون موجود !!

قالت اخر كلماتها برعب ، ليصدم نديم من حديثها و قال:
_ تقصدي بأيه كلامك ده يا جومانا ؟

لم تجيب عليه و اشاحت نظرها عنه ، ليعيد نديم حديثه مره اخرى بغضب :
_بقولك تقصدي ايه ؟

صرخت به جومانا قائلة :
_ يعني مينفعش يكون موجود ! يعني انا مش عوزاه!

وقف نديم بصدمة من حديثها للحظات ، الا انه بعدها اقترب و احتضنها و قال بمواساة:
_ حبيبي انا عارف انك مصدومة بس اهدي ، خدي وقتك ف انك تستوعبي و تـ...