အလွမ်းတို့အိမ်လေးက မနက်ခင်းထုံးစံအတိုင်း ချက်ပြုတ်ကြော်လှော်နေတဲ့အသံတွေနဲ့ဝေဆာလို့နေသည်။အလွမ်းတစ်ယောက်အိမ်ရှိတာက အိမ်ရှင်မနှစ်ယောက်လောက် နေတဲ့အိမ်နဲ့တူတယ်ဆိုပြီး မြှောက်ပင့်အပြောတွေကြောင့်ထင်ပါသည်။တစ်နေ့လုံးချက်ပြုတ်နေရရင် မောတယ်ပန်းတယ်လို့ကိုမရှိပေ။ပြီးတော့ ကျွန်တော်ချက်သမျှကို ချေးများခြင်းမရှိပဲစားတတ်ကြတာကြောင့် စိတ်ချမ်းသာတာလဲ ပါပါလိမ့်မည်။
"ပိုင်ခန့်၊ကောင်းကောင်း ထကြတော့၊ခုနေ့အလုပ်သွားရမှာမလား."
မနေ့ညက ကျန်တဲ့ ထမင်းတွေကို ပဲပြုတ်နဲ့ရောကြော်ရင်း အိပ်နေတဲ့ကာလနဂါးတွေကို နှိုးရသေးသည်။အလုပ်သွားတဲ့အချိန်နဲ့မနက်စာစားတဲ့အချိန်နဲ့ ကိုက်လိုက်ရင်အေးအေးဆေးဆေးအချိန်မရတာကြောင့် စောစောနှိုးရသည်။မသိရင်ကျွန်တော်ကပဲ တစ်အိမ်လုံးရဲ့အိမ်ဖော်လိုလို၊အုပ်ထိန်းသူလိုလို။
"နေအုံးကွာ..ငါးမိနစ်.."
"နိူးနေလဲ ထတော့။ငါမချန်ထားဘူးနော် ထမင်းကြော်ကို။ဦးတဲ့သူစား ဆက်အိပ်နေတဲ့ကောင်ကတော့ အိုးသာရေဆေးသောက်ကြ."
အစားအသောက်နဲ့ခြိမ်းခြောက်လိုက်မှ ပုဆိုးမနိူင်ပုဝါမနိူင်နဲ့ မျက်နှာသစ်ဖို့ပြင်ဆင်နေကြတဲ့သူတွေကိုကြည့်ပြီး ရယ်ချင်စိတ်ကိုမနည်းထိန်းထားရသည်။
"ပိုင်ခန့်။အဲ့ဒါငါ့သွားတိုက်တံနော်..မင်းသွားတိုက်တံက ဘာ်ရောက်သွားလို့လဲ.."
"မင်းကလဲသွားတိုက်တံလေးတစ်ချောင်းကို ဥစ္စာခြောက်ပြန်ပြီ..ပြန်ဝယ်ပေးမယ်ကွာ။ငါ့ဟာက ကျိုးသွားလို့ ယူသုံးတာမရဘူးလား.."
"ဥစ္စာခြောက်တာ မဟုတ်ဘူးလေ။ငါသုံးပြီးသားကြီးမင်းသုံးရမှာ အားနာလို့။ဝယ်ပြီးသားလဲအပိုမရှိဘူး။မဟုတ်ရင်ငါထုတ်ပေးပါတယ်...."
"ရတယ်။ရှိလဲမထုတ်နဲ့..မင်းဟာနဲ့လဲအဆင်ပြေပါတယ်။မင်းက ငါ့ကိုရွံလို့လား."
ပိုင်ခန့်ကချောလွန်းသည်။မြင့်မားလှတဲ့အရပ်က ကြံ့ခိုင်လွန်းတဲ့ ခန္ဓာကိုယ်နဲ့ လိုက်ဖက်လွန်းနေသည်။အခုလဲ ကျွန်တော့်သွားတိုက်တံယူသုံးကို သာမာန်ကိစ္စတစ်ခုလိုပဲ သဘောထားပြီးပုခုံးပေါ်တင်ကာ ရေချိုးခန်းထဲဝင်သွား၏။သူ့မေးခွန်းကိုလဲ ဘာမှမဖြေချင်တော့။သူနဲ့ကျွန်တော်က မျက်နှာချင်းဆိုင်တာနဲ့ အဲ့လိုကတောက်ကဆလေးက ဖြစ်နေမှ၊မဟုတ်ရင်စားမဝင်အိပ်မပျော်သလိုနဲ့ ကြောင်စီစီကြီး။
YOU ARE READING
ချစ်သောကြယ်တာရာ(ခ်စ္ေသာၾကယ္တာရာ)Completed
Romanceစောင့်ဆိုင်းခြင်းနဲ့ ချစ်ခြင်းမေတ္တာဟာ တသတ်မတ်ထောင့်လို။ထပ်တူညီခြင်းဥပဒေသအရ အချစ်သည်..စောင်ဆိုင်းခြင်းနဲ့ တိုက်ရိုက်အချိုးကျနေလေရဲ့ ေစာင့္ဆိုင္းျခင္းနဲ႕ ခ်စ္ျခင္းေမတၱာဟာ တသတ္မတ္ေထာင့္လို။ထပ္တူညီျခင္းဥပေဒသအရ အခ်စ္သည္..ေစာင္ဆိုင္းျခင္းနဲ႕ တိုက္ရိုက္အခ...
