ဆယ့်နှစ်နာရီတိကနဲထိုးတာနဲ့ ထွက်ပေါ်လာတဲ့ခေါင်းလောင်းခေါက်သံနဲ့အတူ ကျောင်းတံခါးဝကြီးဆီမှအလျှိုလျှိုထွက်လာကြတဲ့ကျောင်းသားတွေကိုမြင်လိုက်ရတော့ ငယ်ဘဝကိုပြန်ရောက်သွားသလိုထင်ရသည်။ကျွန်မတို့ငယ်ငယ်ကသင်ခဲ့တဲ့ကျောင်းကြီး၊ငယ်ဆရာတွေမရှိတော့ပေမယ့် လှပမြဲ၊လှပနေဆဲကျောင်းတော်ကြီးဟာ ငယ်ဘဝရဲ့ပုံရိပ်တွေကို မှန်တစ်ချပ်လို မီးမောင်းထိုးပြနေသည်။
"ဘေဘီလေး..သားကိုကြည့်နေအုံးနော်။ငါတို့ကိုမတွေ့လို့ ယောင်လည်လည်ဖြစ်နေအုံးမယ်.."
"မဖြစ်ပါဘူး တီလေးရယ်..မသိရင်သူ့သားက ခုမှအပြင်လောကနဲ့ထိတွေ့ဖူးတဲ့သူကျနေတာပဲ.."
"ဟဲ့..ဟိုမှာလားလို့.။.ငါ့သားအရပ်ကြီးကရှည်လိုက်တာဟယ် ကြည့်ပါအုံး။ပြုံးရွှင်လာတဲ့ပံြထြာက်ရင်တော့ ဖြေနိုင်တဲ့ပုံပါပဲ..."
လူကြားထဲမှာထင်းထွက်နေတဲ့ အရပ်ကလဲ ဂုဏ်ယူစရာတစ်မျိုးပင်။အရာရာကို အထက်ဆီးကကြည့်နိုင်တဲ့သူဆိုပြီးတော့လဲကောက်ချက်ချလိုက်ချင်သည်။မြန်မာစာဖြေတဲ့နေ့မလို့ထင်တယ်။ကျောင်းသားတွေအကုန်ပြုံးပြုံးရွှင်ရွှင်နဲ့ထွက်လာကြတယ်။ရေခဲစိမ်Sharkဘူးကို ထုတ်ရင်း သားကိုလက်လှမ်းပြလိုက်သည်။
"သား..ဖြေနိုင်ရဲ့လား။ရော့..ဒါလေးသောက်လိုက်အုံး..."
အသင့်ဖောက်ထားတဲ့ဘူးကို မျက်မှောင်တစ်ချက်ကျုံ့ကြည့်ရင်း တစ်ကျိုက်မော့သောက်ပြီးမှ
"မေမေတို့ကလဲဗျာ..ဆယ်တန်းကျောင်းသားတွေစာဖြေပြီးထွက်လာရင် sharkဘူးတိုက်ရတယ်လို့ ဘယ်လော့ဂျစ်က စခဲ့တာလဲ။ဘယ်သူ့ပဲကြည့်ကြည့်sharkဘူးကိုယ်စီနဲ့။စိတ်လေတယ်..."
"ဟဲ့..အချဥ်ဓာတ်လေးပါတော့အမောပြေတယ်။Energy drinkဟဲ့..အရမ်းဇီဇာကြောင်တာပဲ။သောက်ရတဲ့အချိန်ကိုသောက်ထား..နင်ဆယ်တန်းပြီးရင်ကိုယ့်ဘာသာပဲ ဝယ်သောက်ရမှ.ခုလိုတိုက်မယ့်သူလုံးဝကိုရှိမှာမဟုတ်တော့ဘူး...ငါ့တုန်းကလဲ အဲ့လိုပဲ။ဆယ်တန်းတုန်းကတော့ ဟိုလူကမုန့်ဖိုးပေး..ဒီလူကမုန့်ဖိုးပေးနဲ့ဟယ်..ခုများတော့လဲ သီတင်းကျွတ်ကန်တော့တာတောင် အရင်းရှုံးသေးတယ်..."
ESTÁS LEYENDO
ချစ်သောကြယ်တာရာ(ခ်စ္ေသာၾကယ္တာရာ)Completed
Romanceစောင့်ဆိုင်းခြင်းနဲ့ ချစ်ခြင်းမေတ္တာဟာ တသတ်မတ်ထောင့်လို။ထပ်တူညီခြင်းဥပဒေသအရ အချစ်သည်..စောင်ဆိုင်းခြင်းနဲ့ တိုက်ရိုက်အချိုးကျနေလေရဲ့ ေစာင့္ဆိုင္းျခင္းနဲ႕ ခ်စ္ျခင္းေမတၱာဟာ တသတ္မတ္ေထာင့္လို။ထပ္တူညီျခင္းဥပေဒသအရ အခ်စ္သည္..ေစာင္ဆိုင္းျခင္းနဲ႕ တိုက္ရိုက္အခ...
