"နွားနို့က ကျိုပြီးသားလို့ပြောနော် အလွမ်း။ကြက်ဥကလဲ ပြုတ်ပြီးသား။မွေးမြူရေးကြက်ဥမဟုတ်ဘူး..တောကြက်ဥဆိုတာလဲ သေချာပြောလိုက်အုံးနော်။ရော့..သားက ဖီးကြမ်းခိုင်ယူသွားချေ။လက်ရင်းသီး၊ခြံထဲအပင်ဇက်ကျိုးကျလို့ ခုတ်လာတာလို့လဲ သေချာလျှောက်ကြအုံးနော်.."
မနေ့ညက လေတွေထန်ကာမိုးရွာတာကြောင့် ကန်ရေတွေပြန်တက်လာခဲ့သည်။သီးနှံအပင်ပေါက်လေးတွေလဲ မိုးရေဝအောင်စွတ်လိုက်ရလို့ထသ်သည်။လန်းလန်းဆန်းဆန်းရှိနေကြ၏။အန်တီကတော့ မိုးရွာတာကြောင့်ဝမ်းသာမဆုံးဖြစ်နေသည်။လေတွေထန်တာကြောင့် ငှက်ပျောပင်တွေတော်တော်များများလဲကုန်ကြသည်။မနက်မိုးလင်းတော့ သရက်စီးစိမ်းတွေလဲ ကြွေကျနေသလို၊လဲနေတဲ့ငှက်ပျောတွေကိုလဲ ရှင်းလင်းရသေးသည်။ရောင်းဖို့အတွက်အဖီးတွေကို သပ်သပ်ထားရင်း၊ဆရာတော်ဖို့ကိုလဲ မမှည့်သေးတဲ့ လက်ရင်းသီးနှစ်ဖီးကို ယူလာခဲ့သည်။
"ညက မိုးတော်တော်ကြီးတာနော်။ကိုကိုမိုးရွာတာရောသိလား.."
အအိပ်မက်တဲ့သူကတော့ သိမယ့်ပုံမပေါ်ပါ။အိပ်လိုက်တာလဲ သိုးလို့။ကျွန်တော်စောင်ထခြုံပေးတာတောင် မသိတဲ့အထိပင်။
"မိုးရွာတာတော့မသိဘူး။အင်းစောင်ထခြုံပေးတာတော့သိတယ်။မနေ့က အန်တီဆွေ ဘဲဥလာကောက်တယ်ဆို။မင်းနဲ့တွေ့သွားတယ်မလား..."
"တွေ့သွားလို့ ဘဲဥဖိုးတောင်တောင်းထားလိုက်သေးတယ်။ကိုကိုနဲ့မတွေ့တာပဲ ကောင်းပါတယ်။မဟုတ်ရင် ကိုကိုလဲ အားနာပါးနာနဲ့ပေးလိုက်အုံးမှာပဲ။ကျွန်တော်နဲ့တွေ့တော့ ဟန်ကျပြီဆိုပြီးကောက်နေတာလေ။ဘယ်ရမလဲ ကျွန်တော်က ဘဲဥဖိုးတောင်းထားလိုက်တယ်.."
ငှက်ပျောဖီးတွေကို ဆွဲခြင်းထဲထည့်ကာသယ်ရင်း လမ်းကိုလဲဂရုစိုက်လျှောက်ရသည်။မိုးများတာကြောင့် တချို့နေရာတွေရေဝပ်သလို၊တစ်ချို့နေရာတွေမှာလဲ ရေတွေဖုံးနေသည်။ကိုကိုကတော့ ဘောင်းဘီရှော့ပင်လေးနဲ့မလို့ ခေါက်တင်စရာမလို၊ကျွန်တော်ကတော့ ဘောင်းဘီခြေဖျားတွေမှာတော့ ရေတွေစင်နေ၏။
"နောက်တစ်ခါလာကောက်ရင် တောင်းမထားနဲ့ ကြယ်တာရာဆွေး။တော်ကြာ အတင်းပြောခံနေရမယ်။ဧည့်သည်က ဧည့်သည်လိုမနေပဲ နေရာတကာပါတယ်ဆိုတဲ့စကားတွေ သူတို့ပြောကောင်းပြောနိုင်တယ်။မင်းအကြောင်း သွားပုပ်လေလွင့်ပြောရင်တော့ ငါခံမှာမဟုတ်ဘူးနော်.."
ВЫ ЧИТАЕТЕ
ချစ်သောကြယ်တာရာ(ခ်စ္ေသာၾကယ္တာရာ)Completed
Любовные романыစောင့်ဆိုင်းခြင်းနဲ့ ချစ်ခြင်းမေတ္တာဟာ တသတ်မတ်ထောင့်လို။ထပ်တူညီခြင်းဥပဒေသအရ အချစ်သည်..စောင်ဆိုင်းခြင်းနဲ့ တိုက်ရိုက်အချိုးကျနေလေရဲ့ ေစာင့္ဆိုင္းျခင္းနဲ႕ ခ်စ္ျခင္းေမတၱာဟာ တသတ္မတ္ေထာင့္လို။ထပ္တူညီျခင္းဥပေဒသအရ အခ်စ္သည္..ေစာင္ဆိုင္းျခင္းနဲ႕ တိုက္ရိုက္အခ...
