👑 عـلـيـاء في قبضة الـأسـد 👑
بقلم #رباب نجمة وَ مروى#
الجزء الأول:
ابتسمت بمرارة وسط دموعها الغزيرة كتذكر أيام الفرح...
تنهدات بعمق كتذكر كيف كانت.. فتاة حيوية ونشيطة دائما مبتسمة...كثيرة الكلام ولي فقلبها على لسانها... شحال كانت بريئة ونظرتها للحياة كانت مختلفة ... أنثى سادجة و حالمة...كانت بحال العصفور لي كيعشق الحرية.. ولكن دبا ولات عصفور بلا جناح... محبوس فقفص وماعارفش كيف يدير يعتق راسو..
ماهي إلا لحظات وسمعات صوت المفاتيح فالباب...ضارت وراها بسرعة ولمحات نفس الرجل المتسلط لي اختاطفها وحرمها من حريتها... رجل ذو بنية ضخمة.. بتسريحة رجولية أنيقة... مع وشوم على جسمو.. عقدات حجبانها ورجعات لوضعيتها الأولى وشعور الإعجاب ناحيتو تزاد عندها.. وأكثر ملي حسات بخطواتو كتقرب ليها... ماحسات غير بيدو الخشنة مزيرة على يديها الناعمة....ناطق بحدة...
""""":عـلـيـاء..
بعدات يديها من يديه بضيق ونطقات بخوف....
عـلـيـاء: بعد مني...
ابتسم بمكر وجرها عندو من خصرها ناطق بجنون...
""""":أنا لي كنقرر...
حرك يديه بطريقة مثيرة على خصرها النحيف... وسع ابتسامتوا أكثر ولمعوا عينيه بشهوة وهو كيشوف فشفتيها لي كيترعدوا بالخوف لكن كانو كيبانو مغريين كحبات الكرز.. قربها منو وشفايفوا على شفايفها الرقيقة واضع قبلة ساخنة.. وقبل مايتعمق أكثر رجعات اللور بخوف..شي لي جننو وثار عصبيتو..
رمشات بتوتر ونطقات بارتجاف..
عـلـيـاء: ءء بعد مني هئ هئ متقربش أكثر.. عفااك هئ هئ..
كيشوف فيها كفاش كتبكي وترعد وكطلب منو يبعد منها... دور راسو وعقد حجبانو....
~فلاش_باك•
في غرفة مظلمة يسودها الصمت.. كيتسمع صوت بكائها و شهقاتها المتتالية..جالسة جنب السرير واضعة يديها على وجها حاسة بصدرها مخنوق من كثرة البكا... دموع على حياتها لي ضاعت ودموع على لي جاي... عقلها مشغول وبالها فلي غايوقع... بلا نفسيتها التعبانة....
هتز جسمها بفزع منين سمعات الدقان فالباب تقدمات بخطوات بطيئة.. كأنها ماباغاش توصل لداك الباب... تمنات لو الزمن يتوقف وماتحلش... فتحات وأخيرا باش تشوف أمامها وحش مخيف... هو نفسو الوحش لي غايلوحها ويرميها لوحش أسوء منو....
تكلم بالغوات وعروقو باينين بلا كشاكشو لي خارجين...
محمد: واش نتي باغا تسطيني فين هو العشا أبنت الحرام...
ظلت قارمة فبلاصتها ويديها كيترعدوا...حتى حسات بشعرها تجمع في قبضة يديه بطريقة قاسية...
عـلـيـاء: آي شعري هئ هئ طلق مني راك قصحتيني... ماما هئ هئ...
محمد: غير زيدي غوتي مكاين لي يسمع حسك.. ماماك وتهنيت منها ودبا جا دورك حتا نتي...
عـلـيـاء: طلق مني الله ياخد فيك الحق هئ هئ منين تسلطتي علينا... الله ينعل النهار لي دخلتي فيه لحياتنا...
محمد: ومزال غانكحل عليك حياتك... دبا سكيتيني مانسمعش صوتك... (دفعها بالجهد حتى جات مزدوحة مع الأرض) سيري جلسي فالبيت علاما يجي لي يهنيني من خليقتك... وجه المصايب تفو بحالك بحال مك...
تمشا باتجاه المطبخ مخليها من وراه جثة هامدة مرحها ونشاطها.. حياتها حتى فقداتها من نهار عرفات حقيقتو المخبية وراء قناع البراءة واللطافة لي كان كيتقمص... من نهار بين على أنيابو وكلاهم فرزقهم وخلاهم ضعفاء تحت رحمة الله...
#يتبع..
إليكم البداية... شنو آراؤكم في القصة حبيباتي.. ❤❤
أنت تقرأ
علياء في قبضة الأسد
Romanceإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
