علياء في قبضة الأسد

|8|

👑علياء في قبضة الاسد👑
       # بقلم:رباب نجمة ومروى#
              الجزء الثامن:
دور راسو او عقد حواجب هز صبعوا السببة بتحذير
اسد:اخر مرة نكون كدير شي حاجة او تقاطعيني
علياء:(تتبكي بحرقة) اهئئئ اهئ اهئ عفاك بعد مني
اسد:انا لي كنقرر(توجه عندها بخطوات تابثة او هي اما كتزيد فالبكى وصل عندها حاوط خصرها النحيف بيدو لخشنة بقا ساهي فملاميحها الطفولية بالخصوص حناكها او نيفها لي ولاو حمرين اثر لبكاء حيد الشعر من على وجهها يلاه بغا يتحنى على شفايفها لي بالنسبة ليه بحال حبات لكرز تقاطعاتوا
علياء:عفاك بعد مني علاش نتوما طامعين فيا داك النهار محمد او دبا نتا حرام عليك اهئ اهئ اهئ
اسد فور ماسمع مصطفى زاد غوبش او هو ينطق بحدة
اسد:مال محمد اشنو دار لك
علياء:بعد مني (فلتات من بين يديه او هي تحاول تهرب لكن اسد كان سباق او شدها من يديها)
اسد:(بحدة)سولت جاوبيني اش دار لك محمد
علياء:دار أو دار بزاف لدرجة(تتشهق)انه حاول يتعدى عليا اهئ اهئ
اسد لي غير سمع حاول يتعدى عليا زير ليها على يديها تتأوهات بالألم
علياء:اااه غير بشوية ايدي خليني نمشي انا عمرني اديت شي حد عفاك خليني نمشي
قرب منها اسد كتر حتى انفاسهم تخالطوا مما خلا خدودها لمطبزين يتوردوا او حسات برعشة سرات فالجسم ديالها تحنى على الأذن ديالها او نطق بهمس
اسد:(تيدوي ببطئ) نتي وليتي من ممتلاكاتي او عمرك تحلمي انك غادي تمشي من هنا مفهوم امراتي لغزالة
علياء هزات راسها بالإيجاب بدون وعي منها اما اسد فمكرهش يبقا هكاك بعد عليها شوية او هو يميل راسو او بقا تيشوف فشافيها لمنفوخين او هو يحط شفايفوا الباردة على شفايفها او شرع فتقبيلها اما علياء فكانت غير جامدة قبل شافاتها السفلى وبقا كيجرها بوثيرة بطيئة او دار نفس لعملية على شفاتها السفلية تكيصوني التيليفون علياء لي قالت غيبعد منها فرحات ايلا ان اسد متسوقش ليه استمر فتقبيلها او هو مغمض عينيه عضها من شافتها السفلى او فتحات فمها لاإراديا عاود صونا التيليفون او اسد متسوقش ليه او بالاحرى غايب عن العالم تماما اما علياء فكانت غير جامدة حلات فمها او هو يدخل لسانو او بدا تيلعب بلسانها تاريقهم متازج مع بعضياتهم عاود صونا التيليفون هنا عرف اسد انها شي حاجة مهمة بعد عليها بزز او هو مساخيش بشنايفها لي كي حبات الكرز بالنسبة ليه بعد منها او جاوب او هو ساخط
لكارد:سيدي واش نقتلوا مصطفى
اسد:(معصب )دبا هاد الشي علاش مصدعني
لكارد:(بخوف)سمح ليا اسيدي
اسد:تفو مخدم معايا الكلاب انا ماشي الرجال
قطع او هو يدور عند علياء لي كانوا حنيكاتها موردين بسبب التقبيل لي قبلها اسد
اسد:(غمزها)اووو كتحشمي زعما بقي مادرنا والوا عاد بدينا فالتسخينات مي لمرة الجايا نكملوا لماتش او خرج او خلاها بينما هي دخلات لدوش او بقات تتغسل فمها او تفرك فيه مشات حيدات حويجها او توجهات الرشاشة حلات او بقا هابط عليها الما او معاها دموعها دموع لحرمان او العداب لي تعدبات او باقي تتعذب مسحات دموعها او هي توجه لجاكوزي عمرات بالما او بقات تتقلب تالقات جيل دوش بريحة الشكلاط دارتوا فالجاكوزي او هي تخشا فيه حسات بالراحة او لفرحة لما وهي مولفا كتغسل غير بالسطل او غراف بقات مدة على فيه من بعد لوات عليها فوطة او خرجات
نمشي عند اسد لي فور ماخرج توجه لاسانسور دخل فيه او بقا تيتفكر فالقبلة او الريق ديالها لي بالنسبة ليه بحال لعسل قاطع تفكيروا لباب ديال الاسانسور لي تحل توجه لباب فتحو مشا لباركينغ هز مرسيديس بيض او خرج فطريق الى لبوابة لكبيرة وصل حدا لكارد او هو يوقف الطموبيل او هبط او دوى بصوت تيزرع لخوف
اسد:شكون الكلب لي دوا معايا
نطق واحد لكارد لي كان خايف: انا اسيدي
اسد:(حك ذقنو)نتا لي مفرgع ليا راسي
لكارد:س سمح ليا اسيدي
توجه عندو اسد بخطوات تابثة وصل عندو او هو يعطيه دقة للكرش تتلاح لكارد توجه لسيارتو
بقا غادي فطريق توصل لواحد الديبو هبط بكل جينتلمانية دخل لديبو لي كان فيه محمد حالتو حالة بالعصا
محمد:طلقوا مني ياك عطيتكم لبنت
اسد:(شاف فيه شوفة تتطيح النص)ماشي بهاد السهولة امحمد
محمد:شكون نتا
اسد:انا قباض روحك
تكلم واحد من لكارد:سيدي راه تكلفنا به
محمد فور ماسمع سيدي عرف انه لبوص تسبب لعرق على جابينوا نتيجة لخوف او نطق بحروف متقطعة
محمد: ل ب و ص
اسد:برافو هو هادا
محمد:سيدي ياك عطيتكم لبنت
شبد اسد لفردي من جنبو تيرا فمحمد ضربة جاتوا ديريكت فراسوا او هو ينطق
اسد:هاذي على لفلوس(عاود تيرا فيه)او هادي على قبل ممتلاكتي لي حاولتي تعدى عليها(قصد علياء)
نرجعوا عند علياء لي بعد ما خرجات توجهات لدريسينغ ملقاتش لحوايج ديال لبنات فالاخير لبسات تيشورت ديال اسد او سروال زيراتو بزز باش مطاحش ليها ولات تتبان فيهم بحال شي خنشت شوية او هي دير ايديها على عنقها او ملقاتش السنسلة لي تتلبس ديما
علياء:ياربي فين مشات السنسلة
بدات تتقلب عليها فالاخير لقاتها تحت الناموسية فاش جات تلبسها لقاتها خاسرة ليها السدادة..