👑عـلـيـاء في قبضة الأسـد👑
الــفـــصـــل الـثــانــي: طـــغـــيـــان أنــــثــــى🔥
بأنامل: ربــاب نــجـمــة.
🍭الجزء 72:
تحلوا عينين مجبدين برموش طوال صافيين باللون العسل....كان قطرة من العسل الحر تقطرات داخلهم..... نزلات منهم دمعة ببطئ شاقة طريقها على خدها الناعم الأحمر......
سدات عويناتها بألم ماعارفاش راسها من رجليها مشوشة وقلبها كيوجعها..... متأكدة واقعة شي حاجة وإحساسها عمروا كذبها..... ولكن شنو هي خصها تعرف ضروري......
تقلبات على جنبها الأيمن لكن كان المكان ديالو فارغ.... وجهات نظرها ناحية الساعة المعلقة على الحائط باش تلمح الستة ديال الصباح.... استغربات وتساءلات في نفسها شنو لي غايخليه يفيق بكري......
زادت وسعات عينيها فاش تبادرات لذهنها فكرة أنه ممكن يكون ماباتش حداها أصلا......
وقفات على رجيلاتها الحافية وتمشات ناحية الحمام.... غسلات وجها ونظفات سنانها وشافت وجها فالمراية......دلات شفايفها بطفولية، بحزن....شدات شعرها بين يديها كتشوفو كيف ولا مخبل وناشف.... رجعات شافت فوجها صفر وبعض البثور الرقيقة على جبهتها أما عينيها لي السواد غطا أجفانها.... ولات بحال شي وحدة فايتة سنها ماشي بنت العشرينات...... خدات نفس عميق وخدات قرار ترجع الثقة فنفسها.......
خرجات من الحمام كتجر فرجليها واتاجهات لكوافوز مقابلة مع المراية وجبدات المقلمة الخاصة بالمايكب.... وبدات كتقاد في مايكاب هادئ وزوين أصلا هي مبدعة في هاد المجال... من صغرها كيتعجبخا أي حاجة عندها علاقة بالفن والإبداع......قادات شعرها ورشات عليه الملمع.....اتجاهات للخزانة كتقلب على ماتلبس....
لبسات سروال جينز لاسق ومقطع من ناحية الركاب بارز مؤخرتها لي بالرغم من صغرها إلا عندها خصر واسع ومغري........ ومن الفوق قطعة سوداء مبينة بطنها المسطحة بشكل مثير......
وقفات أمام المرآة كتوضع أخر لمسات.... رجعات من عطرها المفضل بنكهة الزهر.... ودارت "السنسلة الذهبية" لي عمرها مافارقاتها من صغرها.....
وخرجات كتمايل وضرب بشعرها بملامح جامدة......نزلات وعلى مابان ليها حتى واحد مكاين....
هزات حاجبها بثقة زايدة ونطقات بتحدي.....
علياء: عــلــيــاء رجعات من جديد....
💎في_الڤيلا......🖤💫
واقف بعيد كيكمي منرفز من شنو وقع البارح بالليل.... تفكيرو مشوش أكثر من علياء.....كيفكر ويخطط على أمل يوصل لشي حل أخير.....
حس بطبطبة خفيفة على كتفو وصوت حنين دخل مسامعو كيعقم داك التفكير المفرط.....
ريتاج: خويا واش نت بخير؟
ابتسم في وجها ونطق بمشاكسة...
أســد: شنو خبار بنت ختي الصغيرة....
ضربات ريتاج على كتفو بقوة ونطقات بعيون مقلقة....
ريتاج: إلا كان ولد غادي يتقلق منك.....
أســد هز راسو ضاحك ونطق....
أســد: خصو يكون غير راجل يشبه فخالو....
ريتاج تبسمت وهي واضعة يديها على كرشها.....
ريتاج: تمنيت لو حتى نت كان عندك ولد باش غير تخرج بنتي للدنيا نزوجها ليه.... ولكن إلا كان ولد غادي يكون حاضر فسبوع بنتك عما قريب.....
شاف فيها ببلاهة كيدوز يدو على شعرو..... هي كيسحاب ليها خوها مغايجيهش ولد عما قريب....عند بالها بكلامها تقدر تقنعو يتزوج... ولكن لي ماعارفاش هو عمرو غايقدر يتزوج ويكمل مع شي مرأة أخرى من غير علياء حيت ببساطة هي النبض الخاص لقلبو وبلا بيها حياتو غاتكون ظلام.... خاصة وأنها أم ولدو لي جاي فالطريق...... هي منو وهو منها..... هي علياءتو ومستحيل يتبدل هادشي شي نهار.......
ابتاسمات ريتاج وشافت فيه....
ريتاج: أكيد نت مغاديش توقف حياتك على قبلها هي ختارت حياتها وحتى نت من المفروض تبني حياتك مع شريكة تستاهلك... وتجيبو وليدات يعمروا عليكم......
حمحم بهدوء ونطق....
أســد: أنا عيان بزاف الليل كامل ماغمضتش غادي نمشي نرتاح......
شافت فيه بعدم فهم ونطقات....
ريتاج: ولكن.....
قاطعها ناطق....
أســـد: من بعد أريتاج من بعد......
انساحب من حداها مخليها كتفكر في موضوع زواجو وكيفاش تخليه يقتانع.......
أما من بعيد كانت مراقباهم نورية وبإبتسامة.....
نورية: قريب غايوقع هادشي قريب.......
#يــتــ___ـبـــع....💎
أراؤكم فتيات....
أنت تقرأ
علياء في قبضة الأسد
Romanceإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
