👑عـلـيـاء في قبضة الـأسـد👑
بقلم: رباب نجمة⭐ومروى.
💎الجزء58💎
دادا: يعني نقدرو نبداو صفحة جديدة أبنتي...
علياء: معلوم أ دادا...
حنات علياء وباست على يدين دادا...
دخل أسد بمشية رجولية لابس بدلة بيتية وتكلم وهو مبتاسم...
أسد: يعني الحماة والعروسة بداو يتفاهموا...
ابتاسمات دادا وسحبات علياء حاضناها...
دادا: مادامك كتبغيها ملزوم عليا نحتارمها ونوقرها...
علياء: ربي يخليك أ دادا...
أما لتحت..... 🔥
كانت كاميليا كتجمع حوايجها في شانطة صغيرة.... بهدوء راسمة شبه إبتسامة على شفايفها....
كملات واتاجهات للباب جارا الشانطة ديالها.... وقفات امام الڤيلا كتلقي نظرة أخيرة عليها وتكلمات بهدوء.....
كاميليا: عندك الزهر أ علياء حيت ربحتيني... نتي فكرتيني فراسي فاش كنت قدك... نفس السيناريو كان غايتعاود لولا الحظ لي كان فجنبك... أما أنا فديك الوقت ماكان عندي ماندير.....
نطقات بهاد الكلام المبهم وطلعات فسيارتها لي كان السائق ديالها هو غسان.... ونطالقوا ....
كاميليا بنت ناضجة وحافظة صواريها... ماجاتش وولات بهاد القسوة ولكن المواقف لي عاشتها فحياتها هي لي خلاتها تولي هكا.... الخيانة هي لي قواتها وعلماتها تختابر الرجال واش فعلا وفيين لعيالاتهم ولالا....
لكن فنظرها كيبقاو الرجال كلهم متشابهين ومن طينة وحدة....... رغم حبها لغسان هكا غايبقى تصورها.....
#عند_نورية_وإياد.....💓
كان غاطس معها فقبلة دافئة مستمتع بمذاق ثغرها اللذيذ... عمرو فحياتو تذوق بحالو.... كان أشبه بالجنة بالنسبة ليه....
دفعاتو من عليها وعينيها معسلين ماتنكرش تأثيرو عليها... كيسحرها فاش كتكون معاه... رغم انها عارفاه بلي ناوي يعذبها...
نورية: باركة أ إياد هادشي لي كانديرو غلط....
هضر إياد وهو مدوخ باغي يشدها من رقبتها ويغطس معها فقبلة جنونية ماقادرش يمنع راسو عليها...
إياد: علاش امم؟ معاجبكش الحال معيا...
نورية: لا...
إياد: ماشي هادشي لي كيقولوا عينيك...
نورية: بصح ونت عارف شنو كيقولوا عينيك...
حرك راسو بالنفي...
نورية: واش فعلا كظن بلي ملاحظتش نظراتك الحقودة من جيهتي... باغي تندمني بأي ثمن.. ولكن هاد الخطة لي ختاريتي مغاتنفعكش معايا أ سي إياد... الحب أنقى من انك تنافقني بيه...
ابتسم إياد ونطق مقرب ليها أكثر...
إياد: طلعتي ذكية على لي توقعت... أنا بصح كنت باغي ندمك على أفعالك معايا ولكن الأمور دبا مختالفة...
نورية: مافهمتش...
إياد(تنهد): كنبغيك أنورية... كنقسمليك بلي كنبغيك ومكانافقكش....
نورية: مستحيل نتيق بيك...
إياد: ومتأكد مزيان بلي حتى نتي طحتي فشباكي... نتي كتبغيني...
نورية: هه كتكذب عليا ولا على راسك...
إياد: وخا تنكري عينيك فاضحينك...
بقات كتشوف فيه مقادراش تحكم فدقات قلبها.... هادشي كايعني حاجة وحدة بلي الحب بيناتهم متبادل 💓
#يتبع.... 👑
أنت تقرأ
علياء في قبضة الأسد
Romanceإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
