علياء في قبضة الأسد

|31|

👑علياء في قبضة الأسد👑
بقلم #رباب نجمة☆ ومروى#
الجزء 31:
☆عند_عـلـيـاء❣️
غير خرج ابتاسمات بارتياح وطمأنينة...متكية على سريرها كتكسل وحاسة براسها غادي طير من الفرحة لي اجتاحتها....
تكلمات بخفوت موسعة ابتسامتها..
❣️علياء: أخيرا غانتهنا من هاد الحياة...
رجعات عبسات كتفكر فاللحظات لي عاشتها معاه وفي الأوقات الزوينة لي دوزوها بجوج... تمادات وحطات يديها على شفايفها كتفكر في قبلاتو لي كانوا حنانين وأطيب من العسل... حيدات يديها أو وقفات على رجيلاتها الحافية ناطقة بهدوء مزيف مسكتة قلبها لي ضرب فور ماتفكرات لحظاتها معاه.. وهزات كتيفاتها بلا مبالاة..
❣️علياء: هاد الحياة ماشي ديالي... ما مفروضش عليا نعيشها مع واحد كنعرف عليه غير سميتو، مانقدرش نتقبل فكرة راجل ماما باعني ليه.. هاد الفكرة غاتبقا ملازماني حياتي كاملة إلا بقيت معاه وأنا ماقادراش نواجهها...مايمكنش نبقى هنا مزال... هادي هي الفرصة فين خصني نهرب..
اتاجهات نيشان للحمام دوشات بالخف وعقلها ماحبسش من التفكير فيه...
خرجات كتنشف شعرها.. ولبسات كسوة متوسطة الطول واسعة فالأزرق الفاتح..مفتوحة من الجهة اليمنى مخلية ساقها الأبيض يبان.. دارت ظفيرة..و
هزات المسائل المهمة فالصاك بلاما تنسى الفلوس لي غاتحتاج...باست سنسلتها لي فعنقها وتمنات تطلاقا شي نهار بصديق طفولتها وخرجات بسرعة بلا ماتدي معها حوايجها..
نزلات من الدروج وبلاما ترد البال دخلات فنورية لي كانت هازة فيديها غرس.... تشابكات ظفيرة علياء مع أشواك النبتة..
🌟نورية: سمحيليا ألالة گاع ماقصدت.. سمحيليا أخر مرة...
❣️علياء: ولا عليك... ماشي مشكل...
🌟نورية: خليني نعاونك..
عاوناتها تا فسخات شعرها..
وتكلمات ناطقة بود..
🌟نورية: نظفرليك شعرك ألالة..
❣️علياء: لالا بلاما نعذبك.. زايدون مزروبة..
🌟نورية: مكاين حتى عذاب بالخف نصايبها ليك..
❣️علياء: وخا..
بدات كظفرليها شعرها ونطقات علياء بابتسامة..
❣️علياء: جبتيلي النعاس ههه..
🌟نورية: هه أنا تفكرت غير ختي الصغيرة كانت زعيعرة بحالك...كنت ديما كنمشط ليها شعرها ونظفروا ليها..
❣️علياء(بابتسامة): وفين هي دبا..
🌟نورية(بحزن): أنا بيدي ماعرفتش.. منين كانت تلفات لماما فالسوق ..وختي مسكينة يلاه كانت عندها 4 سنين ماتعرفش ترجع للدار بوحدها...كلشي قال بلي تخطفات....كأن الأرض نشقات وبلعاتها.. بسبب هادشي مرضت وتأزمت نفسيا وبديت كنعاني من مشكل عدم التركيز في الكلام...
❣️علياء(مسحات دمعة من عينيها ووقفات ناطقة بتأثر): كنتمنى تلقاي ختك ...وتكون بخير..
🌟نورية(بابتسامة): إن شاء الله..
❣️علياء: تقدري تعاونيني..
🌟نورية: معلوم..
❣️علياء: تلهي ليگارد باش أنا نخرج..
🌟نورية: ولكن سي أسد الا عرف غادي يجري عليا..
❣️علياء: مغاديش يعرف... عفاك..
🌟نورية: وخا...
خرجات علياء من الڤيلا مخبية من ليگاركور لايشوفوها... ونورية كتلاهي فيهم.. فاش خرجات علياء من الباب اللوراني رتاحت.. ولكن لقات راسها كتمشى فالخلا والشجر ضاير بيها من كل مكان....
علياء: الله يا ربي واش راني واحلة وسط غابة...خصني ضروري نلقى الطريق لي غايديني للمدينة..
تمشات بين الشجر وقلبها كيضرب خايفة تخرجليها شي مصيبة كحلة توحل معها...
علياء: الله يا ربي فين جايبنا هذا... أسد وكيبغي الغابة..
ضحكات وسط هاد المتاهة... وكملات طريقها كتقلب بعينيها على سبيل النجاة...

#في_الڤيلا❣️
واقفة فالشرفة كتشوف بعيد لابسة ملابس داخلية فقط مخلية الهواء كيلعب ليها بخصلات شعرها الأسود..
سمعات الدقان فالباب لبسات شورط قصير وأدنات بالدخول..
دخل كيقرقب بصباطو كيقلب عليها حتى لمحها كطل من الشرفة بملابسها الفاضحة لي كثير جنونو... قرب عندها هي لي عند بالها واش علياء هادي..
ووضع يديه الدافية على كتيفاتها البردانة...
#يتبع..