علياء في قبضة الأسد

|5|

👑 عـلـيـاء في قبضة الـأسـد 👑

بقلم#رباب نجمة وَ مروى#

         الجزء الخامس:

رفعات رموشها الكثيفة المبللة باش يتقابلو عينيها البريئة مع عينيه لي كينبعث منهم الشر.. ونطقات بارتجاف وهي كترجاه بعويناتها المدمعين...
عـلـيـاء: الله يخليك رحمني وخليني نمشي.. ثيق بيا عمرك مغاتشوف وجهي, عمرك غاتشوفني كندور بساحتك.. كنواعدك بلي غادي نغبر لشي بلاصة بعيدة..

قرب منها أكثر وهي كترعد قدامو وكتسناه يوافق على كلامها..
أسـد: ماشي بهاد السهولة أ الزوينة..(هز يديه الباردة وحطها على خدودها السخونة شي لي خلاها تسرى فيها لعنة.. لعنة الأسد.. وترتعش بين يديه بلا وعي منها) بغيتي تمشي وتحرميني نشوف هاد الزين كلو همم ماشي حشومة عليك تفكري هكا (كمل كلامو بنبرة هامسة وبتحذير) وبلاما تحاولي تهربي أو تبعدي عليا حيت مغاتقدريش نتي في القبضة ديالي دبا وعمرك ماتحلمي تفلتي منها إلا إذا بغيت أنا.. متفاهمين !..

هزات راسها بلهلا يطريه ليها كتبقى ضعيفة قدامو وماتقدر دير والو من غير تنفذ كلامو..
بقات مغمضة عينيها بالخوف كتقول مع بالها "شنو الغلط لي رتاكبت حتى نوقع فهاد المصيبة" حتى حسات بالحس حداها..
دارت فور ماسمعات مراد تكلم ونطق..
مراد: العدول وصل وكلشي واجد أسيدي.. بقا خاص غير حضوركم..

حلات فمها بتلقائية موسعة عينيها باتجاه العدول لي واقف بجانب مراد.. وتمتمات بكلمات متقطعة..
عـلـيـاء: ك كك كفاش ؟

أسد دار إشارة بيديه لمراد باش ينصارف فحين هي رجعات نظرها لأسـد كترمقو بنظرات استفهام كأنها فهمات شي حاجة لي ماتقدرش تستوعبها..
عـلـيـاء: شنو واقع ؟
تكلم أسـد بهدوء محافظ على قربهم من بعض..
أسـد: لي غايوقع هو أنك غاتولي مراتي قانونياً وغايصبح عندي الحق الكامل عليك أ الغزالة وهذا من بين شروط اتفاقنا.. حتى حاجة مغانديرها معاك فالحرام..

مزالة مامستوعباش كلامو لي نزل عليها بحال الصاعقة.. هذا شنو كيقول ؟ مراتو ؟ بهاد السهولة ؟ مزال ماكملنا حتى زوج دقائق وغادي نولي مراتو ؟

مافيقها من سهوتها غير لمسة من يديه الخشنة لي تحطات على يديها الناعمة.. أول مرة كيجرب هاد الملمس الناعم.. كان كيتساءل فنفسو واش كاين مارطب من يديها.. أما هي فكانت كتساءل على كفاش ممكن تخرج من هاد الورطة لي هي فيها...
تمشا بيها بسرعة مقارنة مع مشيتها البطيئة كان منظرهم موازي لشي أب جار بنتو الصغيرة وغادي بيها للمدرسة.. لكن الحقيقة أنه هذا أسد جار عـلـيـاء الفتاة الضعيفة والخجولة لي مكتقدرش تهز العين فحتى واحد ولا حتى أنها تقدر ترد عليه الهضرة وغادي بيها للمكان فين غادي يتم عقد قرانهم وزواجهم لي بالنسبة ليه هو جنة.. أما بالنسبة ليها هي جحيم وغادي تحرق فيه...

#يتبع..إلى الغد 🔥🌺 إشهاراتكم ضرورية من أجل إستمرار القصة ❣🇲🇦