إنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣
أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
وصل الليل والجردة تزينات مستقبلة الظيوف.... لبسات علياء فستان أسود وتزينات.... جات فاتنة.... وهبطات لتحت كان كلشي مجموع ناقص غير حضورها... عيون الرجال والفتيات كانو مصوبين لجيهتها.... هزات عينيها فأسد لي كان مفتون بجمالها.... قرب منها وقبل يديها الناعمة...وتكلم ببحة رجولية مثيرة.... أسد: كتحمقي...
هبطات راسها بخجل وهضرات... علياء: شكرا...
وقفوا في بلاصة بعيدة على الناس شوية حتى قربات منو كاميليا... كاميليا(بنظرات مغرية): بغيت ندوي معاك ضروري... أسد: وخا... (شاف فعلياء) أنا راجع....
علياء حركات ليه راسها بالايجاب....وهزات كاس كان تما وشرباتو بلاما ترد البال بلي راه شراب... دارت بيها الدنيا والرؤية تضببات ليها....وأفكارها تخربقو ولات كتفكر فشي حوايج غراب... قلبات عينيها لجهة أسد لي كان واقف مع كاميليا وهي كتحاول تبحلس عليه... خنزرات فيها من بعيد وقربات عندهم بخطوات غير متوازنة.....غوتات بالجهد.... علياء: نتي.... كاااااميليا.... وجهات ليها صبعها السبابة كتكلم بتهديد.... علياء: وخا تحاولي تفرقي بيني وبين أسد مغاتقدريش... عرفتي علاش (ضحكات بالجهد وهي ماقادراش توقف) حيت انا في القبضة ديالو ...شكون يقدر يبعدني عليه.... حتى واحد هو تخلق ليا كيفما علياء تخلقات ليه... بقا الكل مصدوم من تصرفاتها الغراب... وأسد كان مندهش منها واش هادي هي علياء البنت الخجولة لي ماتسمعكش صوتها اكيد كيتخيل.....قرب منها كارز على يديها.... أسد: نتي شنو هادشي كديري... علياء(شافت فيه): أشنو كندير ها ؟ والو... أسد(تكلم كارز على سنانو): علياء بلاما تعصبيني.. علياء: ماعاش أ حبيبي لي يعصبك... وسع عينيه السود خلاتو بلا عقل كلامها كان عليه تأثير كبير...
شوية خلاتو ومشات عند كاميليا... علياء: هو ديالي ومغاتقدريش تاخديه مني... هو كيبغيني وعمرو يشوف فوحدة بحالك فهمتي من الأحسن ليك ديري قيمة لراسك وتمشي من هنا.... كاميليا(شافت فأسد): دي عليا هاد الحمقة من هنا... علياء تلاحت عليها باغا ضربها حتى جرها أسد غادي بيها للور ديال الجردة.... علياء: الحمقة هي لي حطاتك أ العاهرة..... أسد: سكتي شوهتينا.... علياء: اشنو درت ها واش ماشي من حقي نغير على راجلي... هي راها كتحاول تاخدك مني... واش مكتشوفش هي ودادا باغيين يبعدوك عليا... (كانت ريتاج كتموت بالضحك عليها هي وإياد..... ريتاج: سكرات المسخوطة... إياد: اليوم أسد يذبحها... ريتاج: علاش هو يقدر راه كيحماق عليها...) اسد: علياء واش نتي فوعيك... (قرب منها ميشم فمها) نتي سكرتي مزال مامتيق هادشي... علياء: أسد انا.... اسد(بعصبية): سكتي مابغيت نسمع تا كلمة....
