علياء في قبضة الأسد

|42|

👑عـلـيـاء في قبضة الـأسـد👑

بقلم: #رباب نجمة☆ومروى#

            💎الجزء42💎

❄️في مكان آخر كان مراد متكي على لوطو بجنب الڤيلا وكل مرة كيشوف فالساعة اليدوية ديالو الوقت معطل بزاف... والأعصاب بداو يركبوا عليه......لمحها هبطات من أوطو كحلة لابسة غوب نواغ قصيرة بزاف وكعب عالي بلون الدماء طالقة شعرها المموج وواضعة ماكياج الحفلات ومتبسم وتشير بيديها لصاحب السيارة...

تمشات باتجاه الڤيلا كتقلب فصاكها على السوارت حتى قاطعها صوت قوي رعش كيانها...
مراد: شهاد الوقت ألالة...
ريتاج(خرجات عينيها): مراد...
مراد: أييه مراد لي خليتيه كيتسنا فيك حتى لنصاصة دالليل باش تصدميه بهاد اللباس ومن الفوق هابطة من طموبيل.... ريتاج: ونت مالك فاش هامك لبسي ولا زمر... نركب فالطموبيل لي بغيت ومعامن مابغيت... (بنبرة مستفزة) أش مشاليك؟
مراد: شرفي ألالة (غوت تابانو عروقوا) شرفي لي ضاع....(قرب منها)نتي أ ريتاج شرفي ومانبغيكش ترخسي راسك...
ريتاج: أنا بنت مربية ماكيليقش بيا نزل من مستواي أوكي...
مراد: بنات الناس مكايركبوش فالطموبيلات ويرجعوا للدار فهاد الوقت (مسح على وجهو ماباغيش يكمل كلامو أكيد غايزبلها) أستغفر الله...

قربات منو أكثر وتكلمات كتهدن فيه بعينيها...
ريتاج: صافي فهمتك... أنا غلطت فاش رجعت معطلة ولكن أنا كنت غير فحفلة مع صحاباتي ولي وصلني مانت غير صاحبتي مكاين لاش هاد المحاضرات كاملة...
مراد(قرب منها أكثر حتا تخلطوا أنفاسهم): كنتيق فيك أ ريتاج... ماتخيبيش ظني فيك شي نهار...

ابتاسمات ليه ريتاج بحب مدورة يديها على عنقو وهمسات ليه حتى بورشاتو...
ريتاج: واش بصح أنا شرفك...
مراد: آه نتي شرفي وحلالي ومراتي...
ريتاج(وسعات عينيها): مراتك أمراد!!
مراد: علاش تصدمتي واش مابغيتيش...
ريتاج(حركات راسها نافية كلامو): لا لا بالعكس أكيد بغيت..
مراد: كنبغيك أروحي..
ريتاج: أنا فت الحب بدرجات..

قربات منو واضعة شفايفها على دياولو واخداهم في قبلة ساخنة وعنيفة مغمضين عينيهم بنشوة... ماساخيينش ببعضيتهم كيف ذلك وهما لقاو طريقة يعبروا فيها على مشاعرهم وعشقهم الكبير لبعضياتهم.........

في مكان أخر....🌟

نورية لي ناعسة على سريرها ومغرقة عيونها بالدموع شادة صورة ليها هي وختها الصغيرة كتبرد الشوف بالدموع الكثار.... توحشاتها بزاف وتمنات تعاود تشوفها ولو غير مرة وحدة.... باغا تعرف شكلها وإنطباعها.... باغا تتعرف على ختها لي عاشت محرومة منها....

أما عند_____إيـــاد🖤

كان كيواجه حلم من نوع آخر كيشوف راسوا كيغرق وسط البحر ماقادرش يعتق راسو وصوت ضحكات الإناث مالية المكان كلهم كيتفرحوا فيه ولكن ماباغييينش يعاونوه... غير كيضحكوا عليه حتى فقد أملو في العيش والحياة حتى تمدات ليه يد بيضاء تمسك بيها وطلع عينيه باش يشوف وجه بريئ بحجابها الأنيق كانت نورية..... بقا كيتمتم وسط نعاسوا....
إياد: نورية ماقادرش نتنفس... كنتخنق... نورية.... نورية...

حتا فاق عرقان حوايجوا لسقوا عليه... تنهد براحة... ونطق..
إياد: كان غير حلم... (رجع تفكر نورية) عششتي فذماغي أنورية مابقيتيش باغيا تفارقي تفكيري ومخيلتي... لدرجة وليت نحلم بيك....

#يتبع... شكون تفسر لينا حلم إياد ههه يلاه بناتي 🤣🤣