إنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣
أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
في ليلة من ليالي فصل الصيف لي كتعرف عاصفة مطرية....كانت أنفاس انثوية متصاعدة في غرفة مظلمة فقط ضوء القمر لي مشكل مصدر إنارة لديك الغرفة...... كتنفس بصعوبة كأن جهازها التنفسي فارق الهواء...... فلحظة كانت غاتضعف وتسمح لدموعها تسيل لكنها منعات راسها هاد المرة وقدرات تسيطر على نفسها.......اول مرة قدرات تتغلب على هاد الضعف والإنكسار لي مشكل جزء كبير من شخصيتها....... كحات بشوية وهزات عينيها للنافذة العالية كتشوف في السماء وغيامها.....
لمعوا عينيها العسلية بسبب الضوء لي ضرب فيهم..... حاولات توقف لكن السناسل لي على رجليها مكبلينها مامخلينهاش توقف........ ابتاسمات بسخرية كأن التاريخ يعيد نفسه...... تذكرات نفس الموقف طرا ليها قبل شهر....... فاش كانت محبوسة وكتبكي كتتسنى الله يدير ليها شي مفر من داك الوحش لي ختاطفها وجبرها تكون معاه زوجة فقفص واحد........لكن هاد المرة هي هنا ماشي بنفس الشخصية الضعيفة لا دبا هي عــلــيــاء البنت القوية والشجاعة لي قررات تبدل من حياتها وتفرض راسها على أي شخص ناوي يقزم من نفسها........
💫فــلاش__بــاك💫
بعدما سالا العرس المشترك بين علياء و ريتاج....... توجهات علياء لبيتها وعيونها كيلمعوا ببريق خاص....... هادي هي الفرصة لي ياما حلمات بيها وتسناتها......ضروري ماتنفذ الخطة لي رسماتها من داك اليوم......
فلاش باك💎كانت علياء بين أحضانو....الأمر بدا كيطلعليها فراسها أش هاد السلطة والتحكم كامل هي ماشي مونيكة ولا عاهرة عندو باش تنفذ كلامو وتبقا ساكتة ليه ومستسلمة لأفعالو لي كيضايقوها... بقات كتشوف فيه وهو ناعس أو بالأحرى داير راسو ناعس... هي ماشي ساذجة لديك الدرجة باش تنخدع فيه... بقات كتفكر وتعاود حتى جات فبالها لقطة من لقطات مسلسل كانت متبعاه... رمشات معبسة كتبعد هاد الأفكار لي جاو فبالها شوية حتى ابتاسمات كتقول مع بالها... 💎"علاش لا خليه يتعذب شوية"💎 تكلمات بصوت كيبورش خلاه يفتح عويناتو بلا هواه.. علياء: أسد واش نعستي... أسد: لا..ونتي علاش مانعستيش؟ علياء(دلات شفايفها): مابغاش يجيني.. أسد: وعلاش ياك عاد كان فيك... علياء(شافت فيه): فاش كنكون معاك عقلي مكيبغيش يوقف من التفكير....💎مقتطف من الجزء 36
دخلات للغرفة ديالها واتاجهات للدرسينك روم بدلات ديك الروب البيضاء لي من ديما عتابراتها كفنها وهي على قيد الحياة.... زولاتها بالنترة و لبسات كسوة سوداء قصيرة مبينة قوامها الممشوق وكتيفاتها العراض وخصرها النحيف الجذاب..... رجعات شعرها للوراء جامعاه ببانضة صغيرة وهزات ساكها لي دارت فيه كل ما غاتحتاج.........نطقات بهدوء وهي كتتنفس الصعداء..... علياء: تهدني كلشي غايكون كيف بغيتي نتي ماشي كيف بغا هو جا الوقت باش تهربي من هاد القفص..... جا الوقت باش طيري لبعيد وتربحي حريتك.....الخطة هي تخليه يبغيك ومن بعد تهربي وتخليه ودبا كلشي بين يديك.....
غمضات عينيها متنهدة بقوة وقلبها كيضرها لكن سرعان ماحلاتهم كتدمع...... ونطقات بارتجاف...... علياء: لا نتي مكاتبغيهش.....غير تعلقتي بيه ماتنسايش شنو وقع قبل.... هو اختاطفك وجبرك تتزوجي بيه.... أنا مستحيل نسمحليه...... غادي نمشي من هنا......
اتاجهات بخطى ثابتة للشرفة.....استنشقات الهواء النقي لي ضرب فيها ورمات كعبها العالي من تما وعاد نقزات.....لبسات فرجليها وتمشات بخطى السريعة لي تحولو لركض.......
💥طــــااااااااااــــق💥
وقفات فور ماسمعات صوت الرصاص...... ضربات قلبها رتافعات لكن من الضروري تكمل طريقها ماعندهاش الوقت للاستفسار والفضول.........
أما_في_الداخل......🔥
داك العرس تحول لمجزرة...... كاين لي تصاب بالرصاص ومات وكاين لي مزال كيصارع الموت.... بحال أسد لي تقاس فكتفو.........
قدروا البوليس يجيو دغيا و وقفوا داكشي.....كان هجوم قوي من أعداء أسد.....ماقدروش ينقذوا مراد لي مات على الفور.... والعيالات مابغاوش يسكتوا من البكا.....
أما أسد فعز ألمو كان كيغوت بإسمها وكيترجاها ترجع....... أسد: علياء مايمكنش تمشي وتخليني هي واعداتني بهادشي مايمكنش.....هي كتبغيني بزااااف.... لااااا عليااااااء......
#يتبع.....علياء 👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
